التوقيت السبت، 22 سبتمبر 2018
التوقيت 04:31 م , بتوقيت القاهرة

أخر الاخبار

بالفيديو..سكان عقار بالعجوزة يستغيثون:"صاحب العمارة بيهددنا لو مبعنالهوش الشقة بالرخيص"

" شقة العيله لما بسافر أنا وأخى بره القاهرة كل العيلة بتتجمع فيها لحد ما نرجع من سفرنا لان شغلنا بيكون خارج حدود القاهرة  فى أغلب الأوقات ، وبكون مطمن عليهم لما يكونوا مع بعضهم فى شقه واحده وفى يوم وأنا فى شغلى  جالى تلفون من والدتى وزوجتى حوالى الساعة 2 ليلا بصراخات عالية وبكاء منهم ومن كل الأطفال قائلين الحقونا صاحب العمارة يحاول هدم العمارة علينا وإحنا جوا سيدات وأطفال ولا حول ولا قوة " بتلك الكلمات بدأ المهندس عمرو محمد سعيد قصته المؤلمة لـ كاميرا فيديو 7 قناة اليوم السابع المصورة. وقال المهندس المعمارى عمرو محمد سعيد السيد توفيق :"  أنا وآخى القبطان أسامة محمد اشترينا شقه تمليك مساحتها 244 متر على مستويين ، من حوالى 10 سنوات فى شارع فريد شوقى بالعجوزة الدسوق سابقا" ، وتابع :" من سنة جالنا صاحب العقار يطلب منا نتنازل عن الشقه لأنه عايز يهد العقار ويقوم ببناء برج كبير مكان العمارة  "   وأضاف :" قالنا خدوا فلوسكم اللى دفعتوها من 10 سنين وكده وصلكم حققكم ، مشيرا إلى أنه تم شراء الشقه بـ 800 ألف جنية وصاحب العقار عايزا يدينا  500 ألف جنيه بس يعنى كمان أقل من اللى دفعناه زمان ، مشيرا إلى أن ثمن الشقه حاليا يتعدى 2 مليون ونصف جنية ". وتابع : " رفضنا أنا وأسامة طبعا الكلام ده ..  وكمان يوجد ساكن أخر طبيب اسمه الدكتور هانى فؤاد عبد الحميد ، تم تهديده  بأساليب كثيرة لترك العقار " وأشار عمرو أنه تم الاعتداء على أخيه أسامة القبطان وعمل محضر له من صاحب العقار ، وتابع  :" تم سرقه الشقه بالكامل من أثاث ومصوغات وأموال داخل الشقة تقدر بـ600 ألف جنية حسبما قال وتابع  وعملنا محضر بذلك برقم 25225 . وفى نهايه حديثة قال:"  3 أسر تركت منازلهم خوفا من الموت .. حرام ده ولا حلال "، موجها استغاثته للمسئولين  قائلا :"  احنا مش عازيين غير حقينا وبس "