التوقيت السبت، 22 سبتمبر 2018
التوقيت 06:39 م , بتوقيت القاهرة

بالفيديو.. ملمع أحذية: زوجتى مريضة بالسرطان وعايز أعالجها ولو كنا عالة ولعوا فينا

    لم تمنعه برودة الطقس من الخروج من منزله والجلوس على أرصفة إحدى شوارع وسط البلد بصندوق الورنيش، ينتظر زبون يلمع له حذائه ليعود لمنزله ومعه رزق يومه الذى يعيش منه هو وزوجته المريضة بسرطان الثدى.   يقول إبراهيم المغاورى البالغ من العمر 63 عاماً: "مشكلتى إن أنا عايز أعيش زى الناس ما هى عايشة، أنا فين من العدالة الإجتماعية فى راجل فى السن اللى أنا فيه ده ينزل من بيته فى الوقت ده، أنا هنا من الساعة 6 الصبح لأن مفيش حاجة اتسند عليها وعندى مراتى عاملة عملية قلب وعاملة عملية استئصال ثدى بسبب السرطان، وعيالى كلهم متجوزين وكل واحد عنده هم الله يكون فى عونه، فين حقى أنا ومراتى كمواطن مصرى".     أضاف: "أنا ممكن أكسب فى اليوم 10 أو 20 أو البلدية تجرى ورايا أنا بطالب بحقى كمواطن مصرى، وأنا لو عالة على المجتمع يولعوا فيا، أنا عايز معاش أعيش بيه انا ومراتى بس.