التوقيت الجمعة، 21 سبتمبر 2018
التوقيت 02:09 م , بتوقيت القاهرة

بالفيديو.. خاتم وسلسلة "أنفنتى"و"love".. هدايا "فلانتين 2016 " للتعبير عن الحب الأبدى

انتشرت فى الفترة الأخيرة خواتم وسلاسل لعلامة "أنفنتى "كهدية يعطيها الحبيب لحبيبته ليعبر لها بأن حبه سيستمر للأبد، حيث يقول محمد قناوى صاحب أحد محلات الفضة بحى الزمالك :" بقالى 40 سنة شغال فى بيع الفضة وكنت زمان بعمل شغل بالطلب يعنى حد يطلب حرف معين أو كلام معين يتكتب لكن دلوقتى انتشر الشغل الإيطالى والشبابى الجاهز وأصبح مابقاش فيه شغل" ويتذكر قناوى زبائنه من المشاهير بحكم موقع محله بحى الزمالك فيقول :"كان زبائنى من مشاهير زى الفنانة سعاد حسنى لأنها كانت ساكنة جنبنا والفنان يوسف شعبان .. وسعاد كانت دايما بتشترى خاتم وسلاسل وساعات كانت بتطلب حاجات سلاسل مكتوب عليها حاجات معينة لكن مش فاكر إيه الجمل " أما فلانتين هذا العام فيقول:" المنتشر دلوقتى خواتم وسلاسل الشبابية مرسوم عليها “love” أو علامة "أنفنتى " وسعر السلسلة بيبدأ من 90 جنيه والخاتم 70 جنيه وفضة إيطالى أما المصرى أقل شوية وفيه شغل بيتعمل بالطلب أو حاجات بتتعمل بالطلب " أما عن الطلبات الغريبة فى "عيد الحب" أو" الفلانتين "فيقول :"مرة زمان واحد طلب منى فى عيد الحب أصمم له طاووس من الفضة وكان كبير ومنقوش بجمل هو أختارها بنفسه كهدية لزوجته وسعره كان 700 جنيه أيام الرخص لكن سعرها دلوقتى 10 ألاف جنيه "