التوقيت السبت، 22 سبتمبر 2018
التوقيت 01:17 ص , بتوقيت القاهرة

أخر الاخبار

بالفيديو.. زجاجات "بيرة" وقمامة بمحيط مسجد الصالح طلائع بالدرب الأحمر

رصدت كاميرا "فيديو7 قناة اليوم السابع المصورة"، وجود مياه أرضية وقمامة من بينها زجاجات "بيرة"، بمحيط مسجد الصالح طلائع بحى الدرب الأحمر. وقال ناصر أحد سكان المنطقة:"الزبالة دى بقالها تقريباً شهر ونصف ومفيش حد بيهتم بيها رغم إنه أقدم جامع فى مصر وأصحاب الورش اللى حوالين المسجد هما اللى بيرموا الزبالة دى وكل مانكلم عمال النظافة يقولولنا إحنا ملناش دعوة". واقترحت إحدى السيدات من سكان المنطقة فكرة لعودة المكان نظيف مرة أخرى، كما كان فى السابق حيث قالت: "ياريت يرجعوا المحلات تشتغل زى الأول عشان المكان يبقى نظيف وكمان وزارة الآثار هتستفيد من تأجير المحلات ودى منطقة سياحية لازم تكون نظيفة عشان تجيب سياح أكتر". وأضافت:"الإهمال السبب فى القمامة والمياه اللى تحت المسجد والشكل ده لو كان موجود فى بلاد بره كان المكان اتنضف".