التوقيت الأربعاء، 26 سبتمبر 2018
التوقيت 12:53 م , بتوقيت القاهرة

بالفيديو.. "عبد العظيم" قضى ربع قرن فى صناعة القبقاب: مفيد فى الشتاء

  إذا مررت بأحد شوارع وسط البلد، تسمع صوت دق الشاكوش بداخل محل قديم يجلس به رجل عجوز، أمامه "قبقاب" يدق على طرفه بالشاكوش ليثبت مسمار به، هو عم عبد العظيم الذى قضى ربع قرن من حياته فى صناعة القبقاب. يروى "عم عبد العظيم" قصته مع صناعة القبقاب، لكاميرا "فيديو7 قناة اليوم السابع المصورة" قائلاً:"أنا بقالى 25 سنة بشتغل فى صناعة القبقاب واتعلمتها من أسطوات قدام فى المهنة.. والقبقاب بيتصنع من أنواع مختلفة من الخشب مثل خشب المانجة والسودانى وبعدين بيترسم شكل القبقاب على قطعة خشب ويتركب عليه الوش ويتسمر الوش بالشاكوش".   وأضاف:"القبقاب له فوائد كتير إنه مش بيزحلق على المياه عشان كده مفيد للشتاء وكمان بيمنع وصول الكهرباء للجسم لإنه خشب ومفيد لمرضى الروماتيزم، لكن ماحدش بيشتريه دلوقتى غير صدقة للمساجد وفيه بيشتروا للبيوت".   يقارن "عم عبد العظيم" حال مهنة صناعة القبقاب الآن وقديماً، فيقول :"زمان كان كل المحلات بتبيعه لكن دلوقتى مفيش لأن مابقتش صناعة تفتح بيت وتعيش منها وأسعارها اختلفت عن زمان يعنى الأول كانت بقرش ساغ ودلوقتى بـ 7 جنيهات لكن أتوقع إنها تنقرض فى يوم من الأيام".