التوقيت الجمعة، 21 سبتمبر 2018
التوقيت 07:21 م , بتوقيت القاهرة

أخر الاخبار

بالفيديو.."أم عمرو" ملاهى متنقلة منذ 30 سنة:"بنام جنب المراجيح عشان متتسرقش..ونفسى أجوز ولادى وأحج"

لم تكن مهنتها التى اكتسبتها، لكن ورثتها عن زوجها الذى عملت معه لعدة سنوات بالعديد من الموالد، حينما كانت تحمل معه ألعاب الملاهى على سيارة ربع نقل، يقومان بتأجيرها للتنقل بها من بلد لبلد ومن محافظة لمحافظة أخرى، حسب موعد المولد. هى "أم عمرو" مالكة الملاهى الشعبية التى التقت بها كاميرا "فيديو7 قناة اليوم السابع المصورة"، وقالت :"كنت بشتغل زمان مع جوزى فى تأجير مراجيح وكنا بنلف فى بورسعيد والإسماعيلية وبلاد تانية وبناخدها كعب داير، لكن دلوقتى الواحد كبر، وبقيت ألف فى الموالد اللى فى طنطا زى سيدى  الدسوقى والحسين والسيدة زينب وبعد ما أخلص أخزن المراجيح فى مخزن". وأضافت:" الشغلانة تعب عليا، لكن أعمل إيه، أنا ورثتها من جوزى وده رزقنا، لكن دلوقتى ما بقتش تجيب زى الأول، لأن الموالد اتغيرت مش زى الأول، والناس بقت تخاف تطلع من بيوتها فأصبحت بعد ما أخلص المولد أركن المراجيح، وأقعد "ألقط" رزقى عيل معاه جنيه وعيل معاه نص جنيه وآخر النهار أنقل المراجيح وساعات أنام جمبها عشان ما تتشرفش ، ومعايا عيالى حدادين برضه بيساعدونى أفك الألعاب ويحملوها معايا". وعن سعر تأجير الألعاب تقول أم عمرو:" الأول كان العيل يلعب بربع جنيه دلوقتى بجنيه وساعات لما العيل يقولى أركب شوية كمان أسيبه يركب، لأني مش بحب أزعل حد والعيال كلها هنا بتحبني وعارفنى بأم عمرو، وأمنية حياتى أني أجوز عيالى وأبني شقة لأبنى عشان يتجوز فيها وأحج بعد كده ". شاهد أيضا .. بالفيديو.. أهم النصائح لإنجاح العلاقة العاطفية الجديدة بالفيديو..”فانوس النصر”..أحدث فوانيس رمضان..وصانعه:”عملته يوم 30 يونيو” بالفيديو.. زيزى عادل تحتفل بطرح ألبومها “أنا أنثى” بالفيديو.. أقوى عرض مسرحى “رعب” لفرقة “ولسه” للفنون بالفيديو.. عقدة السيسي تطارد اردوغان .. الرئيس التركي يقود ماراثون لقيادة الدراجات بالفيديو .. معلومات تهمك عن عمر أطول لمحرك السيارة بالفيديو..متسابق أجنبى بالمسابقة العالمية لحفظة القرآن: أحب الشيخ عبد الباسط وأتمنى إرسال والدى للحج بالفيديو.. حشمت يان وهوس “السيلفى”: عندك “فيسبوك”؟