التوقيت الثلاثاء، 25 سبتمبر 2018
التوقيت 11:45 ص , بتوقيت القاهرة

أخر الاخبار

بالفيديو.."هويدا" فى عيد الأم تطلب القصاص لابنها: "أصحابه قتلوه..وابنى التانى مختفى"

تنتظر الأمهات هدايا الأبناء، فى ذكرى عيد الأم، لكن "أم عمرو" بتلك المناسبة استقبلت خبر وفاة ابنها صاحب الـ 20 عاما مقتولا بالرصاص واختفاء ابنها الآخر "محمد" البالغ من العمر 22 عاما. تقضى  "هويدا" أو "أم عمرو" تلك المناسبة، بمتابعة قضية ابنها والبحث عن الآخر الذى لم تجده منذ وفاة ابنها تروى قصتها  لكاميرا "فيديو7 قناة اليوم السابع المصورة": اسمى هويدا وابنى عمرو كان فى سنة ثالثة دبلوم فنى وبيشتغل سواق توكتوك وصحابه قتلوه بالرصاص فى دماغه واتقال أنهم اتخانقوا معاه عشان كانوا عايزين ياخدوا منه التوكتوك وتانى يوم اتمسك 4 من صحابه، وفاضل منهم اتنين هربانين بس أنا عايزة حقه، وأعرف قتلوه ليه ده عمره 20 سنة".   وأضافت:"أصحابه قالوه فى تحقيقات النيابة أنهم كانوا بيهزروا معاه وما يقصدوش يقتلوه وأنهم رموا الطبنجة فى البحر وقتلوه من 42 يوم مش لاقيين الطبنجة".   وتابعت: وقت الحادثة رد عليا وهو بين الحياة والموت وقالى يا ماما أنا هوديكى الجنة مع السلامة يا ماما هتوحشينى يا ماما وأصحابه بعدها أخده منه التليفون وابنى محمد لما عرف موت أخوه قفل تليفونه المحمول وهرب من البيت ولحد دلوقتى معرفش فين".