التوقيت الأربعاء، 26 سبتمبر 2018
التوقيت 08:28 ص , بتوقيت القاهرة

أخر الاخبار

فيديو.. أهالي "القابوطي" وأصحاب "الحظائر" ببورسعيد محرومون من مياه الشرب.. ولا مجيب

اليوم السابع ترصد على أرض الواقع معاناة أهالى القابوطى الجديد وأصحاب الحظائر التى تقع على بعد 17 كيلو جنوب بورسعيد بسبب أزمة إنقطاع مياه الشرب وحرمانهم من الخدمات وسط تجاهل المسئولين بالشركة القابضة لمياه الشرب والصرف الصحى الأمر الذى يدفعهم لشراء المياه ليروا ظمأ أطفالهم ومواشيهم فى عز الحر.

يقول مجدى عبد الحليم صاحب حظيرة بالقابوطى الجديد لـ "اليوم السابع" نعانى أزمة يومية بسبب إنقطاع مياه الشرب الأمر الذى يدفعنا أن نقوم بشرائها من أصحاب الجرارات "التنك" 1000 لتر سعره  من 40 لـ 50 جنيه صراع  على شراء الميه ونضطر شرائها علشان المواشى  ولما نشتكى مفيش غير بكره وبعده مماطلة وتسويف وأحنا اللى بندفع الثمن.

ويضيف  أحمد أبوعامر مربى مواشى ومنتج ألبان بالقابوطى قائلا :مستأجر حظيرة بـ 10 الآف جنيه سنويا من الحى وسددت كافة الرسوم والمصرفات ومركب عداد ميه   ورغم أننا نعانى إنقطاع المياه بصفة يومية  محصل الشركة "القابضة " عايز 250 جنيه شهريا نظيرإستهلاك الميه  طب فين أصلا الميه  مش كفاية أولادنا محرومة من كوب ماء نقى حسبنا الله ونعم الوكيل.

وتستكمل سميحة هندواى تعول 4 أولاد وتشتكى من حرمان حظائر الـ 150 متر من إنقطاع المياه أكثر من 3 شهور  ونشترى الميه التنك 40 جنية علشان نسقى البهايم وقضاء حوائجنا لافتة أن أولادها يعانون من النزلات المعوية ومفيش خدمات وشركة الميه بتغلق الخط وتطالبنا بالفلوس.

 

ومن ثم سكان القابوطى الجديد وأصحاب الحظائر يطالبون المحافظ بجولة للحظائر ليرى المأساة التى يعيشها الأهالى والمربين بسبب أزمة الميه و وإنعدام الخدمات.

 

لمزيد من الفيديوهات الإخبارية والرياضية والسياسية والترفيهية زورا قناة فيديو 7 على الرابط التالى..

 

https://www.youtube.com/channel/UCbnJMCY2WSvvGdqWrOjo8oQ?disable_polymer=true