التوقيت الأربعاء، 19 سبتمبر 2018
التوقيت 02:50 ص , بتوقيت القاهرة

أخر الاخبار

فيديو.. سميرة أحمد: بدأت التمثيل بـ 50 قرش فى اليوم وأول جملة قلتها تشربى شمبانيا يا ليلى هانم

قالت الفنانة سميرة أحمد خلال ندوة تكريمها من مجلس الإعلاميين الدولييين بدار الاوبرا، انا بدات فعلا من اول السلم وانا سعيدة بهذا الكفاح وبحس انه سعادة مش كفاح وعمرى ما قلت انا تعبت ابدا، انا سعيدة بكل موقف عملته وسعيدة انى تعبت عشان اوصل للى انا فيه دلوقتى.

وتابعت : انا بدات بخمسين قرش فى اليوم وكنت بخاف انهم يمشونى عشان صغيرة فى السن، وأول من أكتشفنى كان استاذ انور وجدى فى فيلم "حبيب الروح" وقتها كنت فى وسط الكومبارس وهو اللى شافنى من وسطيهم وقالى تعرفى تقولى الكلمة دى وانا مش عارفة هاعرف ولا لا.

وأضافت: قالى طب قولى تشربى شمبانيا يا ليلى هانم، فروحت للفنانة ليلى مراد وقلتلها الجملة دى وجريت علطول، وبعدها قالولى النهاردة اتكلمتى وعشان كده هتاخدى 150 قرش، فروحت فى اليومية عشان اقبض لقيته حاطيتلى جنيه واحد فقلتله انا عاوزه اقابل انور وجدى، ودخلتله وققلتله انا عاوزه 150 قرش لانى اتكلمت فقالى طب خدى الجنيه ده دلوقتى وانا هاخدك بطلة فى الفيلم اللى جاى معايا، وده اللى حصل فعلا وعملت معاه ريا وسكينة، وكمان فيلم "الاستاذ شرف"، ومبسوطة انى تعلمت الفن على يد الاستاذ العظيم عبد الوارث عسر.

يذكر أن مجلس الإعلاميين الدوليين، وقطاع الفنون التشكيلية أقاموا حفل "عطاء بلا حدود"، بقاعة سينما الحضارة، حيث يكرم سفراء الفن الأصيل وهم الفنانة الكبيرة سميرة أحمد والمنتج الكبير صفوت غطاس تقديرًا للأعمال الفنية الهامة التي قدماها طيلة مسيرة طويلة من الإبداع.

يأتي ذلك حرصًا من مجلس الإعلاميين الدوليين على نشر الوعى الفني والثقافي وإبراز الصور المضيئة التى لم تدخر جهدًا فى الارتقاء بالدراما الهادفة التى تمس قضايا المجتمع وتقدم لها الحلول.

 

لمزيد من الفيديوهات الإخبارية والرياضية والسياسية والترفيهية زورا قناة فيديو 7 على الرابط التالى..

 

https://www.youtube.com/channel/UCbnJMCY2WSvvGdqWrOjo8oQ?disable_polymer=true