التوقيت الأربعاء، 19 سبتمبر 2018
التوقيت 06:26 م , بتوقيت القاهرة

أخر الاخبار

بالفيديو.. كارثة.. «الروتين» يتسبب فى إهدار المياه بالسيدة زينب

فى الوقت الذى تعانى فيه بعض المناطق من انقطاع المياه وعدم وصول مياه صالحة للشرب فيها، يقوم حى السيدة زينب بإهدار مئات الأمتار المكعبة من المياه، بعد أن رفض عمل شركة المياه لإصلاح ماسورة مكسورة، وتعلل بعدم دفع شركة المياه 6 ألاف جنيه للحى عن أعمال سابقة.

أشتكى سكان العقار رقم19 بميدان السيدة زينب من كسر ماسورة المياه الخاصة بالعقار، وإهدار الماء التى بها منذ أكثر من 20 يوم، حيث قال "أحمد شعبان" أحد العاملين بأحد المحال الموجودة بالعقار "فى مشكلة فى المية هنا، عشان فى كسر فى الماسورة العمومية بتاعت المياه، ورحنا الحى أشتكينا أكثر من مرة، بس الحى قال ان فيه مشكلة بين الحى وشركة المياه عشان شركة الميه عليهم ديون للحى، وعملنا محضر والمحضر اتحول للنيابة، وبقالنا اكتر من 15 يوم مفيش حل ومش عارفين نعمل اية".

فيما أوضح "صلاح نعمة" أحد سكان العقار، أن الماسورة اتكسرت وشركة المية قالوا عايزين تصريح من الحى، ورحنا الحى الحى قال شركة المية عليها لينا 6 ألاف جنيه، عشان يجوا يصلحوا الماسورة، وبقينا محتارين بين الحى وشركة المية، ورحنا عملنا محضر ورحنا النيابة وأشر للحى أنه يدينا تصريح للحى عشان الماسورة تتصلح، وبقالنا أكثر من 25 يوم كده من غير ميه والماسورة لسه مكسورة".

فيما قالت "ماجدة" أحد سكان العمارة، أن المياه مقطوعة منذ أكثر من 25 يوم ، وذهبت للمسئولين لم يفيدوهم بشيئ، وتساءلت من المسئول عن إهدار هذه المياه؟، وتابعت " إحنا مش لاقين مياه فوق نشرب، وفى عيادات وفى ناس وفى بشر، محتاجين نقطة مياه زى دى اللى نازلة فى المجارى، نروح لمين ونشتكى لمين، قوللنا مين اللى المفروض يجيي يصلح المية دى".