التوقيت الإثنين، 24 سبتمبر 2018
التوقيت 10:18 ص , بتوقيت القاهرة

بالفيديو.. وزير التنمية المحلية لطلاب جامعة الفيوم:الدولة مش هتوفر كل حاجة إحمدوا ربنا على اللى موجود"

قال الدكتور أحمد زكى بدر وزير التنمية المحليية، إن فترة الجامعة بالنسبة للطلاب هى أفضل فترات حياتهم على الإطلاق، مشيرا إلى أن الحياة بعد التخرج من الجامعة مليئة بالعمل والضغوط والمسئوليات المتراكمة.

 

وأضاف بدر، خلال كلمته لطلاب جامعة الفيوم أثناء زيارته التفقدية للجامعة بصحبة وزير التعليم العالى الدكتور أشرف الشيحى، اليوم الخميس، " بعد التخرج هتشوفوا مجهود تربية الأولاد، وهتفتكروا الأيام الجميلة بتاعت الدراسة والأجازة"، مؤكدا أن الطالب لابد أن يعيش حياة الطالب بكل ما تحمل تلك الكلمة من معنى، من دراسة ورحلات وترفيه وحفلات والفن الهادف النظيف مش بس دراسة.

 

 وأكمل حديثه قائلا:"الامتحانات استمتعوا بيها جدا مجرد التخرج كل اللى فات هيروح وتبدأ حياة العمل والشغل والجد، الطالب لازم يذاكر ويجتهد والمحاضرات والسكاشن مع الرياضة والحفلات والرحلات والثقافة، شخصيتكم تبنى فى المدرسة والجامعة هتلاقى الوقت قل بعد التخرج لازم تستفيدوا من حياة الجامعة بالثقافة والفن الراضى الهادف النظيف، خليكوا طلبة بكامل معنى الكلمة ليس فقط كتاب ومذاكرة".

 

واستطرد وزير التنمية المحلية: " كلنا فى بيوتنا مش بنقدر نشترى كل حاجة نحتاجها، الدولة كمان كده متقدرش تجيب كل حاجة، نقول الحمد لله على النعمة، معندناش إمكانيات وفلوس، فلازم نعوض ده بالشكر والعمل مع الوقت والاجتهاد"، مؤكدا أن الرضا يجب أن يصحبه العمل لكى نتقدم.