التوقيت الخميس، 09 يوليه 2020
التوقيت 11:07 ص , بتوقيت القاهرة

يوسف الحسينى ساخرا من محمد ناصر: يا معارض ايه وداك "جيل المستقبل"

يوسف الحسينى
يوسف الحسينى

قال الإعلامى يوسف الحسينى، إن الإخوانى الهارب إلى تركيا محمد ناصر يعيش فى بلد ثانى، ويرى نفسه أنه معارض ولا يستطيع المعارضة فى مصر، متسائلاً:"انت كان فيه حد بيدوس لك على طرف قبل ما تقرر تسافر، دا انت كنت قاعد فى البيت، وكان عندك رأى فى محمد مرسى وبرلمان الإسلاميين، وقاله فى برنامج عام 2012 اسمه "أقر وأعترف".

وأوضح خلال لقائه ببرنامج "الحياة اليوم"، على فضائية "الحياة"، مع الإعلاميين لبنى عسل وحسام حداد، أن أن محمد ناصر، قال عن تصويته لمحمد مرسى: كنت بأمل يمكن يتطوروا، وكان رأيه غائم، لا مع ولا ضد، كان شايف مظاهرات ضد مرسى وكان لا عاوز يستفز الناس ضد الحكم الظالم والذى حدث فى غيبة من غيبات الزمن، ومش عاوز يخسر كل حاجة، وطلع على قناة مصر 25، ويختفى قبل غلقها، ايه وداك تركيا، موجود هناك مش فارق معاه حاجة، وبياخد مرتب محترم".

 

وتابع يوسف الحسينى: "بصرف النظر عن حسنى مبارك أو جمال أو علاء، الموضوع أصبح منتهى ومصر بها حكم جديد، الناس دى فى بيوتها، وهم أحياء يرزقون، وتحديداً جمال مبارك، كم واحد يعرف إن محمد ناصر كان فى جميعة جيل المستقبل، مش هو معارض، كان بيعمل ايه فى جمعية جيل المستقبل، وهو طلع برواية مختلقة بأنه طلبوه يكتب سيناريو، محمد ناصر عنده موهبة فى كتابة السيناريو والشعر من باب الإنصاف".

 

واستطرد: "محمد ناصر قال: لما كلمونى والأستاذ عماد أديب قالى تعالى، وقلتله: انت بتعمل كده عشان تحكم مصر"، مردفاً:"أدعو عماد الدين أديب يقولنا عمل ايه، ناصر أسهب القول فى صولاته وجولاته البطولية أمام جمال مبارك، وبطلب من جمال مبارك يذكر تفاصيل الواقعة إن أراد.. ناصر يا ثورى إيه وداك جمعية جيل المستقبل".

 

واستكمل: "ناصر يا كاره رجال الأعمال وشايفهم حرامية، رحت ليه تشتغل فى قناة المهندس نجيب ساويرس اللى اتعامل معاك بمنتهى الود واللطف، واكلت لقمة عيش عن طريقه وربنا جعله سبب، طيب ليه اشتغلت فى قناة المحور المملوكة لرجل الأعمال الدكتور حسن راتب".