التوقيت الخميس، 13 أغسطس 2020
التوقيت 08:42 ص , بتوقيت القاهرة

التعليم: "الامتحانات عيدية للطلاب.. والوزير قالنا مش عاوزين شكوى"

ارشيفية
ارشيفية

وصف الدكتور خالد عبد الحكيم، مدير الإدارة العامة للامتحانات بوزارة التربية والتعليم، امتحانات الثانوية العامة بـ"العيدية" التى تقدمها الوزارة للطلاب، وطمأن الطلاب وأولياء الأمور قائلا "الوزير قالنا مش عاوزين شكوى من حد وكفاية التعب والعناء اللى بيلاقوه".

وقدم عبد الحكيم، عدة نصائح للطلاب المقبلين على امتحانات الثانوية العامة، خلال مداخلة هاتفية لبرنامج "كل يوم" الذى يقدمه الإعلامى وائل الإبراشى، والذى يذاع عبر قناة ON E، قائلا "مفيش حاجة اسمها أتوقع من المنهج، والطالب عليه أن ينام بدرى، علشان يصحى مركز"، وتابع نصائحه: "لازم يكون هناك آلية فى المذاكرة يحددها الطالب، وكمان مينفعش أقف مع زمايلى كتير قبل الامتحان، علشان الطالب هيتكلموا مع بعض ويقولوا صعب ومش هنذاكر الجزئية دى، وده بيشتت الطالب ويحسسه إنه داخل الامتحان مش مذاكر".

وأشار إلى أن الطالب الذى يشعر ليلة الامتحان أنه غير ملم بالكتاب أو لم يذاكر أى شئ من المنهج، ما هو إلا شعور طبيعى، لكن عندما يدخل الامتحان فيشعر أنه سهلا ويبدأ فى الحل.