النهاردة عدى بالتمام والكمال 20 سنة على أول عرض لأفلام هاري بوتر.. وبالرغم من انها بالنسبة لناس كتير مجرد قصة خيالية ف الفانتازيا اللطيفة إلا ان في شخصيات كتير ف السلسلة دي إستوحتها جي كي رولينج من الحقيقية مع شوية تغييرات.

هاري بوتر

رولينج إستوحت شخصية بطل القصة نفسه من صديق الطفولة إيان بوتر واللي على ما يبدو مكنش بطل ولا حاجة وكان بيعمل مقالب كتير في صحابه لدرجة انه خلى رولينج واختها الصغيرة يمشوا مرة في أسمنت طري.

رون ويزلي

سنيد البطل في القصة كان سنيد رولينج في الحقيقة واسمه الحقيقة شين هاريس .. ظابط في الجيش البريطاني.. وكان له نفس الطبع وكانت بتعتمد عليه في كل حاجة تقريبا وهو أول واحد عرف إنها عايزة تبقى مؤلفة وشجعها على دة جدا..

هيرموني جرينجر

دي بقى تبقى النسخة السحرية من جي كي رولينج نفسها وهي صغيرة.. وكانت رولينج قالت قبل كدة انها كانت عايزة هيرموني تبقى شبهها حتى في عيوبها سواء العند وبشكل مبالغ عن رولينج الاصلية.

سيفروس سناب

رغم أنه من شخصيات رولينج المفضلة لكن مؤلفة القصة استوحت شخصيته من مدرس الكيمياء بتاعها في الثانوية وكانت بتكرهه جدا.

هاجريد

حارس ملاعب هوجورتس العملاق مستوحى مش من شخص واحد .. لأ دة بقى مستوحى من عصابة بايكرز كاملة في القرية اللي اتربت فيها رولينج وكانوا متعودين يلبسوا جواكت جلد ودي بقت اللبس الرسمي لهاجريد.

دولوريس أمبريدج

مش عجيبة أن أكتر شخصية مكروهة في السلسلة هي نفسها مستوحاة من أكتر مُدرسة من مدرسين رولينج في ابتدائي مكانتش بتحبها.. حتى شكلها والاكسسوارات اللي كانت بتلبسها شبه المدرسة دي.. اللي رولينج قالت عنها إنها كرهتها لحظة ما شافتها.