لو كنت من جيل التمانينات المحظوظ وبتحب الزمن القديم ففي خبر حلو في انتظارك.. وهو أن كارتون Animaniacs أو الضاحكون بالعربي هيرجع تاني على يد المخرج ستيفن سبيلبرج.

موقع  A V Club أكد الخبر وقال ان في سبيلبرج لقى الوقت اخيرا عشان يرجع يعمل سلسلة الكارتون القديمة واللي هينتجها ويخرجها بنفسه، وغالبا هتشارك نتفلكس في الانتاج لأنها أصلا عرضت السلسلة الأصلية للجمهور عندها.

أما الممثلين اللي هيعملو الأصوات فمحدش أعلن عنهم لسه.

معروف عن Animaniacs انها اتقدمت للمشاهدين العرب على قناة سبيس تون من حوالي 14 سنة وكان ليها نجاح كبير ضمن الجمهور اللي سنه صغير.

وهي مش اول كارتون يطلع من مخ سبيلبرج لأنه كان عمل Tiny Toon Adventures وكمان بينكي وبرين وبرضه كانو بيتعرضو على قناة سبيس تون في نفس الفترة.

وعموما طالما نتفلكس دخلت على الخط فدة معناه في المتوسط 13 حلقة على الاقل من Animaniacs مع مكاسب حلوة في الانتاج والصورة والتوزيع.