كتب- أشرف بيومي:

قلد الإعلامي الساخر سيد أبو حفيظة، أمس السبت، خلال برنامجه "أسعد الله مساءكم"، المذاع على شاشة "mbc مصر"، المطرب هاني شاكر بطريقة كوميدية، وغنى "لو ربتني صحيح"، للسخرية من العلاقة بين الآباء والأبناء.

وكانت كلمات الأغنية كالآتي: "لو ربتني حقيقي صحيح ومخدتش مني المفاتيح.. دايما بتشوفني غبي وميح.. باستمرار.. بلبس لبسك لما يضيق بسبب جذمك جالي فقافيق.. طفل صغير واسمي شفيق ده اسم كبار.. حتى أما أنا طلعت بطاقتي وكبرت وبقى ليّ طريقتي أنت اللي اخترت الكلية ودتني آداب المنوفية وبروح مشي مفيش عربية ولا الكفار.. أحرجتني جامد في خطوبتي قلت إن أنت خلاص رامي طوبتي وراهنت إن أنا مش هتحمل مصاريف بيت ولا هقدر اكمل وفضل يومها انا وشي منمل وأيد نار وأيد نار.. خلتني أمشي أكلم نفسي وحرمتني حتى من البيبسي، وأنا مضطر أسمع في كلامك مش ناسي عصايتك وحزامك وبقيت بجري من قدامك زي الفار.. احتجتك ومكنتش صاحبي وسافرت وسبتني وأنا بحبي ورجعت وكنت أنا في تالتة إعدادي.. عمري ما هعمل كده في ولادي.. رغم ده كله هتفضل دادي وهافضل بار هافضل بار.

كما أعاد أبو حفيظة تقديم شخصية عبد الغفور البرعي في "لن أعيش في زعبوط أبي"، والذي يحاول إقناع ابنه بالعمل معه، ولكن الابن مرتبط بالتكنولوجيا الحديثة ويريد العمل مصر في كودك بدلا من توزيع الهدايا مع والده.

وقدم أبو حفيظة شخصية سي السيد بشكل مختلف، حيث عرض فيديو له وهو يعاتب ابنه بسبب شرائه لبنطلون سكيني ودخوله الشقة به، إلا أن الابن صدمه عندما أخبره بأنه يعرف بأن الأب يرتدي أيضا بنطلون سكيني هو الآخر، كما قدم دليل أبو حفيظة للآباء والأمهات قائلا إن تعريف الزفت هو أي شيء يفعله الابن غير المذاكرة، مضيفا ما ينفعش تدلع ابنك وتقوله ياختي حلوة علشان لو الولد اتربى واتعود إنه ياختي حلوة مش هايقتنع بيك لما يكبر وأنت بتقول له استرجل.

وأكد: "مش لازم نرزع إيد الهون جنب ودن البيبي علشان ممكن يفقد حاسة السمع، وساعتها مش هيقدر يسمع ولا كلام أبوه ولا أمه، وده ممكن كمان يأثر على حلاقاته وبرجالاته اللي محدش فاهم معناهم لحد دلوقتي"، متابعا: "يا ست الكل يا أمي ويا كل أم مصرية مش لازم تشهقي وانتي بتطشي الملوخية لو مش بتعرفي تطبخي والله لو جبتي السبكي بسحبته إياها برضو هاتطلع وحشة".

وأضاف أبو حفيظة: "لما تيجي تصحي ابنك ما تزودش الوقت ساعة عشان ابنك ما يقومش مفزوع، ولو العصفورة عملت بيبي عليك ده مش معناه إنك هتتكسي ولا حاجة، ولو رحت أي مكان وخدت رقم 13 ده مش معناه إنك نحس، ولكن معناه إن في 12 قبلك".