تعرف على حظك اليوم ل برج القوس مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج القوس عاطفياً

( الكراش والإكس والبوي والجيرل فريند والجوز والزوجة والقرايب ):

اليوم مناسب عشان تحب ف التليفون براحتك النهاردة..اهم حاجة متتكلموش ف اي حاجة ممكن تودي ف سكة النكد..

حظك اليوم برج القوس عملياً 

( الشغل والمذاكرة والتخطيط لبكرة ):

ركز النهاردة ف انك تبين الوانك الحقيقية للحياة النهاردة وتبهرها وفكك من اي صراع مهما كان كبير او تافه..مش هتفرق..وراك ابداع لازم يبان ووراك علامة لازم تعلمها على وش الحياة وبسرعة..

حظك اليوم برج القوس صحياً 

( نفسيا وجسمانيا وكل مايخص طاسة المزاج ):

صحتك تمام وزي الفل بس خد بالك من العكوسات النهاردة عشان متضايقكش او تعترض طريقك..بلاش زهو وبلاش مرازية خالص النهاردة..صحتك النفسية مش هتستحمل اي رد فعل سواء من الناس او من الحياة..

حظك الغذائي:

غذائيا النهاردة تقدر تتجه للمزيكا وفكك من الاكل خالص النهاردة..المود محتاج مزيكا حلوة جديدة او قديمة براحتك..وبعد ماتسمع المزيكا فكر هتاكل ايه وهتعرف تقرر بسهولة وهتنبسط..

شعارك اليوم:

ياحلوللي ياحلوللي دة إيه اللي بيحصلي..أنا كل يوم بكبر..بكبر سنتي وملي..(من اوبريت الكتكوت الاخضر)..

لونك اليوم:

لبني فاتح..

إعرف توافق برج القوس مع باقي الأبراج النهاردة

متوافق مع الابراج النارية والبربوشية والمستحية..

من مشاهير برج القوس

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.