تحدث هيثم عرابي مدير إدارة التعاقدات السابق بالنادي الأهلي، عن إمكانية عودة ماليك إيفونا مهاجم تيانجين الصيني إلى القلعة الحمراء، عقب نشر اللاعب صورة عبر حسابه الرسمي على انستجرام، بقميص الأهلي، وعلق عليها قائلا العودة.

صورة| إيفونا يلمح لعودته إلى الأهلي

 وقال عرابي عبر حسابه الشخصي على الفيسبوك:" الله يسامحك يا ايفونا صحيتني من أحلى نومة، يا شباب فريق الأهلي ماشي باستقرار الحمد لله وكوليبالي وأجايي ماشيين كويس الحمد لله ولازم نساعد الناس عشان الاستقرار دا يستمر اكتر ونمنع اي خبر او اي شيء يعمل بلبلة للفريق".

 وأضاف عرابي المقرب بشدة من إيفونا:" الناس كلمتني عشان الصورة اللي نزلها وكلمت ماليك ووكيله عرفت أن الي وصل للناس من الصورة مش هو الصح، السبب وهو انه راجع من الإصابة قريب في وقت اسرع مما كانوا متخيلين بعد أسبوعين و 3 وكان متوقع وقت اكتر وفي نفس الوقت عاوز يزور مصر قريب لإن النادي ومصر وحشوه وده كان قصده من الصورة".

 وأنهى حديثه قائلا:" عموما أنا طلبت منه إنه يوضح بعد كدة أي بوست يكتبوا عشان محدش يفهم غلط واستقرار الفريق، وهو تفهم دا، وعشان أنا كالعادة اللي بشيل الليلة."