التوقيت الأحد، 18 أبريل 2021
التوقيت 04:54 ص , بتوقيت القاهرة

حكاية قمر الزمان والوقت والأوان في حياة عم سلامة صاحب أقدم مصبغة في القاهرة

 عم سلامة
عم سلامة
"فين الكلام ده احنا مالنا ومال الزمان ناس زمان نقدر عليه، قمر الزمان والوقت والاوان هي فيه بعد كده" بهذه الكلمات بدأت الحاج سلامة صاحب أقدم مصبغة للخيوط في القاهرة حديثه إلى عدسة اليوم السابع.
اسمى سلامة محمود سلامة من عرب الشعارة شبين القناطر محافظة القليوبية، جئت القاهرة انا وابويا ووالدتى سنة 1944 اشتغلت في مهن كتير اوى مافيش مهنة عجبتنى غير مهنة المصبغة، وكان عمرى وقتها 7 سنوات .
وتابع عم سلامة حديثه قائلا اتعلمت على يد الحاج حنفى محمود الزعبلاوى من الخرونفش وكان رجل طيب ومحترم ، ودخلت الجيش 9 سنوات وحضرت حرب اليمن وحرب الاستنزاف وحرب 73 ، وعقب خروجى من الجيش ربنا جبر بخاطرى واخدت المصبغة دى ،شغلنا من اسوان إلى أخر حدود الإسكندرية.
وعن طبيعة يومه يقول عم سلامة يومى يبدأ من الخامسة فجرا حتى المغرب وكله حسب الشغل لو كتير نتأخر، وكله حسب تساهيل ربنا.
ويسرح عم سلامة بخياله قليلا ويعود ليقول عن الماضى ، زمان أحلى وأجمل أيام واحترام الست كان له كيان وأحترام الراجل له كيان الكيان لكن دلوقتى مافيش الكلام ده احنا مالنا ومال زمان.
وعن وجود المرأة في حياة عم سلامة يقول حبيت ست أم مصطفى سنة 1959 وتزوجتها وانجبت منها 15 طفل ولما مرضت سبت كل حاجة وقعدت جنبها وبنيت جامع لها ، ولما ماتت نويت انى لا اتزوج عليها ، لغاية لما ربنا رزقنى بواحد قالى انا عايز اتجوز الست دى، ولما كلمتها قالت لى ما تيجى نتجوز احنا، فقلت انا موافق.
ويتابع حديثه قائلا اللى ماتت اسمها الحاجة قشطة والعايشة اسمها الحاجة شربات الأول ربنا سبحانه وتعالى وشغلى وقمر الزمان والوقت الأوان اللى ماتت واللى موجودة .