وجه الإعلامي عمرو أديب، التهنئة للنادي الأهلي بعد فوزهم بالدوري الممتاز للمرة 38، وقال ساخرا: "هناك أمل أن يأخذ الزمالك الدوري بأن تحدث حرب ويضرب اتحاد الكرة بالصواريخ ويتلغي الدوري والأهلي مش هياخده ساعتها".

وأضاف خلال برنامج "القاهرة اليوم" على قناة "اليوم" أمس السبت: "ألف مبروك للنادي الأهلي، نادي مرتب ومنظم ومجتهد ومستقر، الأهلي كان بيلعب بدون عبدالله السعيد وحسام غالي، اللي يعتبروا نص الفريق ومع ذلك بيكسبوا".

وتابع: "دلوقتي بس تأكدت أن حصولنا على الدوري السنة اللي فاتت صدفة تاريخية لن تتكرر، إحنا مش هنشوف الدوري ده تاني، اللي حصل السنة اللي فاتت كان استثناء".

وتابع: "الواحد نفسه اتكسرت من اللي حصل، وبقول لنادي الزمالك في ناس ليها حظ وناس ليها ترتر وفي ناس ليها درع وناس لها حلة".