التوقيت الجمعة، 29 مارس 2024
التوقيت 01:41 ص , بتوقيت القاهرة

فيديو| حكاية شاب باع كليته "علشان يشتري توك توك"

التقى برنامج العاشرة مساءً على قناة دريم، بشابين، باعا كليتيهما لسماسرة "الأعضاء البشرية".


وقال أحدهم: "أنا كنت شغال في قهوة.. فجه السمسار ده قعد عليها.. كان حلمي أجيب توك توك عشان متجوز وعندي طفل.. الراجل ده قالي أنت بتشتغل بكام، قولتله 80 جنيه.. قالي معايا مصلحة هتاخد فيها 50 ألف جنيه".


وأضاف الشاب: إيه هي، قالي هتروح تتبرع بكليتك.. روحت معاهم وجريوا عليا على المستشفيات ومعامل التحاليل، واتبرعت بكليتي.. الـ 50 ألف أخدتهم 20 ألف، وكمان ناس تاني تبعهم جم ليا خدوا مني فلوس.. 


وتابع: تعبان، مجهودي مبقاش زي الأول.. لو اشتغلت في مكان مش بقدر أكمل فيه.. صاحب الشغل بيمشيني.. مستفدتش أي حاجة.. أغضبت ربنا، وربنا يسامحني.


وختم حديثه: "الشباب تعبانة، مفيش شغل، فلما واحد من دول يبقى قاعد على الناصية بيفكر يجيب فلوس من فين.. عايز يتجوز، ويعدي عليه واحد من دول (يقصد سماسرة الأعضاء)، بيمشي معاه".