التوقيت الجمعة، 29 مارس 2024
التوقيت 12:20 م , بتوقيت القاهرة

عمرو سلامة يهاجم الشرطة الفرنسية بعد إجبار مسلمة على خلع ملابسها

هاجم المخرج عمرو سلامة ما حدث من الشرطة الفرنسية على إجبار سيدة ترتدي المايوه الشرعي على شاطئ البحر بخلع ملابسها، وقال سلامة عبر حسابه الرسمي بموقع التواصل الاجتماعي فيسبوك: "العلمانية الفرنسية اللي تمنع واحدة بحجاب إنها تقعد على الشاطئ لا تفرق في تمييزها وعنصريتها عن الدول الدينية اللي في الشرق الأوسط اللي بتجبر الست ماتلبسش اللي هي عايزاه وبتتوعدها بتحرش أو عقاب او تمييز مجتمعي".


وأكمل حديثة قائلا "زي ما الإسلاميين المجددين بيدعوا بصيغة دفاع اعتذارية إن الوهابية والخميني والإخوان وداعش ودساتيرنا العقيمة ومجتماعاتنا الطائفية "لا تمثل الإسلام الحقيقي، أنا بصيغة دفاع اعتذارية وتوضيحية بدعي إن العلمانية اللي بالشكل ده لا تمثل العلمانية الحقيقية، العلمانية اللي أنا مؤمن بيها بتكفل لكل متدين يمارس دينه بكل حرية، حتى لو سلفي وهابي أو سيخي أو بوذي، من حقه يبني دور عبادته ويدعو بشكل متكافئ لدينه زي أي حد تاني طالما مش بيحرض على قتل الآخر وبيمارس عنف تجاهه".


وأنهى عمرو سلامة حديثة قائلا "العلمانية بتشوف الدولة كجهاز خادم للمجتمع، الدولة مالهاش دين، الناس هم اللي ليهم دين، الدولة مش بتروح الجامع تصلي ومش بتاكل علشان تصوم، الدولة مش إنسان، الناس هم اللي من حقهم يصلوا ويصوموا ويمارسوا شعائرهم، من غير ما الدولة تجبرهم (زي عندنا) أو تمنعهم زي لما بنمنع أقلياتنا أو زي العلمانية المتطرفة".


وكانت الشرطة الفرنسية أجبرت سيدة محجبة على خلع جزء من ملابسها بينما واجهت أخرى اعتداء برذاذ الفلفل.



اقرا أيضا:


هاني المصري.. مبتكر "كيمو كونو".. كرمته سوزان مبارك وتوفي بالسرطان