التوقيت الجمعة، 29 مارس 2024
التوقيت 02:28 م , بتوقيت القاهرة

صور | قطط بتنام ف أي حتة

صور | قطط بتنام ف أي حتة
صور | قطط بتنام ف أي حتة

قطط بتنام ف أي حتة


 


القطط..الكائنات الجميلة الشقية اللي كلنا بنحبها وفينا اللي بيحبها بس مبيحبش يربيها وبيفضل يحبها من بعيد لبعيد..القطط اللي زي مابتحب اللعب موت بتحب برضة النوم وأي حد بيحب القطط او مربي قطط عارف كويس انهم بيناموا ف اي حتة ولا بيهمهم حاجة ولا حد اساسا وبيبقى مش ف دماغهم غير حاجة واحدة بس..النوم والنوم وبس..


ف الصور دي هنشوف ازاي القطط فعلا بتنام ف أي حتة وف أي مكان عادي خالص كأنه ملكها او متفصل على مقاسها..القطط ف الصور دي بتدينا درس ف المرونة وف التكيف وف الثقة وف حب النوم..وبتعرفنا قد ايه هي كائنات زي مابتبان جد وكرامتها عندها بالدنيا الا انها عسل وكيوت موت..خصوصا وهي نايمة ومستسلمة خالص للأحلام..مين يعرف..جايز بيحلموا احلام أحلى من أحلامنا عشان كدة مبيضيعوش وقت النوم ابدا ولما بييجي بيستسلموله علاطول ف كل وقت وف كل مكان..


القط من دول لما تشوفه وهو بيبرم وينكش ف كل حاجة ولما تعرف قد ايه بيبذل طاقة وبيمشي ف اليوم مسافات طويلة قد ايه وبيلعب ف كل حاجة.. متتخيلش ابدا ولا تصدق انه نفس القط ابدا لما تشوفه نايم ..وهو نايم بيبقى غلبان وعسول خالص..ولو مش مصدق عندك الصور تحت اهه إتفرج عليها بنفسك وإحكم.


قطة بتحب الرسم وادوات الرسم ف نامت ف وسط إسكتش الرسم بمنتهى الثقة والهدوء


قطة بتستعرض قدرتها على دفس نفسها ف اضيق الزخانيق الممكنة ف الحياة


قطة ف علبة..شايف الثقة ف الأداء


عصابة قطط ف صندوق بلاستك..منتهى الطعامة والجمال


قطة نايمة ف طبق بلاستك..نايمة وبتحلم كمان


سابت كل حتة وقررت تقعد ف الحلة ع البوتجاز..من قلة الاماكن يعني


قطة معتبرة نفسها من ضمن ادوات المكتب تقريبا


حفلة قطط ف كرتونة


قطة تحسسك ان دة مكانها الطبيعي وانه عادي جدا تقعد كدة ف الحفرة كأنها معمولالها مخصوص عمولة على مقاسها


قطة سابت العالم كله ونامت ف الجزمة


لا تعليق


نايمة ف العلبة الكارتون ولا كأنها هدية حلوة


قطة قدام الدفاية وواخدة راحتها ولا كأنها صاحبة البيت


قطة كتكوتة ف نفسها جدا نامت تحت رجلين الناس


قطة نامت على نفسها ف طبق بايريكس ازاز وإتكعورت جواه بمنتهى السلاسة


قطة نامت على نفسها ف جيب صاحبها


قط صاحب صاحبه جدا القط دة


قطة نامت فوق الكتب ف المكتبة


العسل كله ف القطة دي..نامية مسنتحة خالص


طبعا اصحاب القط دة تلاقيهم قلبوا البيت كله وهما بيدوروا عليه وهو نايم فوق السقف زي ماحنا شايفين كدة


قطة نامت فوق منشر الغسيل بمنتهى المرونة ولا هامها اي حاجة


نامت جوة الكاس العفريتة


قط عسل جدا القط دة


القط دة تحسه نام م التعب مكانه كدة بعد ماخلص لعب


جوز قطط نايمين باستغراق


نايم فوق حرف الشباك الحديد كأن دة سريره اصلا الطبيعي


قطة تانية نايمة جوة الجزمة


نايمة جوة الطبق ولا هاممها اي حاجة ف الدنيا


دي بقى سابت البيت كله ونامت ف الحوض محدش عارف ليه..جايز حرانة


قط نايم ف الحمام كأنه اوضة نومه


تختوخ وعسل القط دة جدا وهو نايم


قط تاني نايم ف المكتبة


قط نايم ف امان وحماية الكلب بتاعه


امان وحماية ودفا


كتاكيت ف نفسهم جدا وهما نايمين متغطيين كدة


قط نايم فوق الكنبة كأنها سريره


مستغربش..دي قطة متكعورة حوالين نفسها ومنكمشة ونايمة ف الكرتونة عادي خالص


سابت كل حتة ونامت فوق مكنة التصوير


حالة استعراض للرشاقة مذهلة بصراحة حتى وهي نايمة


نامت ف وسط الهدوم القطة دي..زنقت نفسها ازاي كدة محدش يعرف


احتلال المساحات وتأكيد الملكية للمكانين ف نفس الوقت


ناموا وهما بيتكلموا تقريبا او بيتناقشوا ف حاجة مهمة


نامت فوق ازاي كدة؟.. متعرفش


كيوت موت القطة دي وهي نايمة


نايمة بالشقلوب وعادي خالص


مرونة وثقة وكسل وجمال


قطة نامت فوق الكاوتش


واضح ان القطط بيحبوا يناموا جوة الجزم متفهمش ليه


قطة نايمة على السلم حرفيا يعني مفيش كلام


قطة نايمة مابين المساحات والكبوت كأنها معتبرة دي مساحة معمولالها مخصوص عشان تنام فيها


نوم بين مكتبين


قط نام فوق المنبه


قطة نايمة جنب الكمبيوتر كأنها لسة مخلصة شغل وبتاخد القيلولة بتاعتها وقايمة تكمل تاني مش أكتر


قط نايم تحت الكراسي


قطة نايمة ف الحوض تاني


قط معتبر نفسه ملف من الملفات تقريبا ولا حاجة


نامت جوة الدرج وسط الهدوم


قطة نايمة وبتحلم بقطط تانية غالبا


واضح ان القطط بتحب المكاتب ف النوم


قطة نايمة جوة الكسرولة


 


دي قطة نامت على روحها قبل ماتوصل سريرها من كتر الكسل


قط بيتشمس وهو نايم


قط ساب الدنيا كلها وقرر ينام فوق ترابزين السلم عشان يكيدنا برشاقته وثقته ف نفسه


 


 


 


 


 


 


 


 


 


 


 


 


 


 


 


 


 


 


 


 


 


 


 


 


 


 


لو عجبك الموضوع دة وحبيت تشوف زيه ويمكن أحسن خش هنا


قط بلدي