مسلسل Game of thrones عمل شعبية ملايين في العالم كله حتى بمشاهد العنف والجنس والقتل اللي تخليه +80 مش بس +18 .. لكن دة مش بيمنع فانز عندهم خيال شويتين ويحاولو يقدموا المسلسل في صورة متخففة بمية .. شكلها مش حقيقي بالمرة.. من الأخر دة Game of thrones بمستوى ديزني.

فاكر مشهد أوبرين مارتل مع الجبل.. أكيد مقالوش غمض عينك.. دة مشهد من أكتر المشاهد دموية في المسلسل كله.. لكن مفيش مانع نخليهم صحاب هنا.

Oberyn and the Mountain
Oberyn and the Mountain

آريا ستارك والهاوند كان عندهم صداقة صعبة في الموسم الخامس .. لكن برضه مش بالود اللي في الصورة دي.. وطبعا مشاكلهم مكنتش عشان فرخة مشوية.

Arya Stark and The Hound
Arya Stark and The Hound

جوست في المسلسل ذئب محترم عملاق.. مش كلب لولو زي اللي في الصورة.. دة كان في النايت ووتش.. وبصراحة وحشنا أوي الموسم دة.. حتى جون سنو مش مغطي على غيابه.

Jon Snow and Ghost
Jon Snow and Ghost

هودور أكتر شخصية صعب تتفاهم معاها في Game of thrones كله.. ولا يمكن تتفهم منه كلمة واحدة لكن كفاية إنه ممكن يفهمك.. من غير ما توجهه بفرخة أو أي أكل.. كمان بران مش وشه بيضحك كدة لكن دة ديزني إيفيكت بقى.

Bran Stark and Hodor
Bran Stark and Hodor

دة بقى اللورد فاريس في نسخة سنووايت.. كبير الجواسيس في ويستروس كلها عنده عصافير تنقله الأخبار لكن عصافير بشرية مش عصافير تويتر.

Lord Varys
Lord Varys

يمكن صورة تيريون أقرب ما يكون للحقيقة في المسلسل.. هو دايما مزاجه عالي.. لكن برضه مخه صاحي مس نايم ولا منعزل عن الدنيا.

Tyrion Lannister
Tyrion Lannister

لو كانت سيرسي مش بتعمل حاجة غير إنها تشرب خمرة وعايزة تقبض على تيريون.. فكانت هتبقى أحسن كتير من المسلسل واللي عملته فيه.. كفاية الناس اللي ماتت بسببها.

Cersei Lannister
Cersei Lannister

جيمي وبريان.. في نسخة الجميلة والوحش بس معكوسة.. الاتنين يمكن أغرب دويتو ظهر في المسلسل أو الرواية اصلا.

Jaime Lannister and Brienne
Jaime Lannister and Brienne

دينيريس ودروجون وهو تنين مؤدب بيسمع الكلام من غير ما يحرق حد.. طبعا في المسلسل هي احتاجت 6 مواسم عشان تعرف تتحكم فيه.. متعب من يومه.

Daenerys
Daenerys

الوايت ووكرز في نسخة جني المصباح على حبة من فروزن.. طبعا مفيش مقارنة مع المسلسل لما الواحد من دول يطلع تعرف إن في جثث ماشية وراه.

White Walker
White Walker

لو عجبك الموضوع دة يامعلم يبقى ميفوتكش دة..

Back to the future..الناس من 100 سنة كانوا فاكرين حياتنا هيبقى شكلها ايه