لو إنتا بتحب السماء والطيارات.. ف مش لازم تستنى فيزا ولا تذكرة سفر عشان تعيش المود دة.. لأن كل اللي إنتا محتاجه شوية عفش معمول من قطع غيارها وبعدها هتحس طول الوقت إنك مظبوط على وضع الطيران..

في مصممين وشركات كتير بتهتم بفكرة استخدام قطع غيار الطيارات أو العربيات أو أي حاجة وتحولها لديكور في البيت.. ودة أسمه functional art أو "فن إعادة توظيف الأشياء".. يعني بالبلدي كدة يجبوا الخردة ويحولوها لعفش يتباع بفلوس كتير..

 وفعلا المصممين بيقدروا يغيروا شكل القطعة 180 درجة بس من غير ما يضيعوا ملامحها.. يعني وإنتا قاعد على الكرسي أو المكتب هتبقى عارف أنه مصنوع من أجزاء الطيارات لكن في نفس الوقت شيك ومناسب لديكور البيت.. ف لو حابب تغير إستايل بيتك و بتدور على فكرة جديدة ومختلفة ممكن تجرب الفكرة دي و تستبدل قطع غيار الطيارات الغالية والمكلفة جدا بقطع غيار عربيات أو موتوسيكلات  لأنهم متاحين أكتر وأسعارهم مناسبة وبشوية دماغ حلوة هتعرف تحول التراب لدهب.. نسيبكم مع الصور 

تصميمات للمهوسيين بـ الطيارات 

الميزة في التصميمات دي أنه حتى لو إنتا بتخاف من الطيران مش هتتضايق منها وممكن تفكر تنفذ واحدة منها محدش عارف