دلع ودنك معانا مع بلاي ليست سعاد حسني 

ودنك هي حلقة الوصل بينك وبين العالم.. يعني لازم تهتم بيها وتقدرها أكتر من كدة على فكرة وهي مطالبها سهلة وبسيطة.. يعني مش هتطلب منك تخرجها ولا تأكلها ف مطعم غالي كل اللي هي محتاجاه إنها تتسلطن وتسمع حاجات تنعشها وتفرفشها من فترة للتانية.. وبما إن مهمتنا هي إسعاد ودان كوكب الأرض.. ف قررنا نفضي نفسنا كل يوم حبة عشان بس ننقيلك الحاجات اللي تفرفشها وتنعشها..

وكل المزيكا الجميلة دي هتلاقوها بكل الأذواق والمقاسات ف أكتر من بلاي ليست ف قسم المزيكا عندنا.. وأكيد هتلاقي اللي يناسب ودنك ومزاجك

النهاردة هناخد ودنكم في مشوار صغير لعالم السندريلا سعاد حسني هنسمع فيه بلاي ليست من أجمل أغانيها

سعاد حسني من مواليد برج الدلو يعني مش غريب عليها إنها تكون موهوبة ومبدعة.. ولو علم الأبراج بيقول على الست الدلو إنها فراشة ف محدش هيكون لايق عليه اللقب دة أكتر منها.. ودة يبرر التناقضات الموجودة في شخصيتها ف طبيعة برجها الهوائي اللي بيخليها حبة فوق وحبة تحت.. ف مرة تكون منطلقة والحياة بمبي بمبي ومرة تبقى بانو بانو بانو.. لكن الحقيقة اللي يركز في حياة سعاد يلاقي إنها على قد ما قدرت حاولت تسيبلنا أكبر قدر ممكن من الضحك والإبتسامة سواء في أغانيها أو أفلامها نسيبكم بقى مع البلاي ليست.. إستمتعوا