دلع ودنك معانا وبلاي ليست أغاني هو وهي

ودنك هي حلقة الوصل بينك وبين العالم.. يعني لازم تهتم بيها وتقدرها أكتر من كدة على فكرة وهي مطالبها سهلة وبسيطة.. يعني مش هتطلب منك تخرجها ولا تأكلها ف مطعم غالي كل اللي هي محتاجاه إنها تتسلطن وتسمع حاجات تنعشها وتفرفشها من فترة للتانية.. وبما إن مهمتنا هي إسعاد ودان كوكب الأرض.. ف قررنا نفضي نفسنا كل يوم حبة عشان بس ننقيلك الحاجات اللي تفرفشها وتنعشها..

وكل المزيكا الجميلة دي هتلاقوها بكل الأذواق والمقاسات ف أكتر من بلاي ليست ف قسم المزيكا عندنا.. وأكيد هتلاقي اللي يناسب ودنك ومزاجك

مسلسل حكايات هو وهي من المسلسلات إللي متتنسيش.. ولو مكنتش من الجيل المحظوظ إللي شاف العرض الأول للمسلسل على التليفزيون سنة 1985 يبقى أكيد اتفرجت على الإستعراضات والأغاني اللي فيه زي "البنات" و"الشكالاطة" وإستعراض تتر البداية

ومش حاجة غريبة أبدا إن مسلسل بطولة أحمد زكي وسعاد حسني وسيناريو صلاح جاهين ينجح النجاح دة كله.. لدرجة أنه ف ميعاد عرضه كانت الشوارع بتفضى من الناس.. ف لو مشوفتش المسلسل أنصحك تتفرج عليه وخصوصا أنه مش ممل وعبارة عن حلقات منفصلة وكل يوم بيناقش حكاية جديدة مابين هو وهي 

نتمنالكم وقت لطيف مع بلاي ليست.. أغاني مسلسل هو وهي .. يومكم حلو