التوقيت الثلاثاء، 19 مارس 2024
التوقيت 04:12 م , بتوقيت القاهرة

حظك اليوم السبت 22 يوليو 2017 مع عبدالله أحمد..الميزان..متقعدش منكوش

 حظك اليوم السبت\r\n
حظك اليوم السبت\r\n

حظك اليوم وتوقعات الأبراج اليوم معانا كل يوم على دوت مصر كل يوم..وخد بالك حظك اليوم هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دة دايما متوقف على اختيارك وعلى مزاجك ومودك وظروفك لوحدك.


*******************


كلام جد: 


كوكب الارض محتاج يشوفله كوكب تاني غني كدة ومريش يتجوزه ويصرف عليه


 



 


عشان تعرف حظك بشكل كامل .. صفي نيتك ودوس على اسم برجك بإيدك اليمين.


 


إعرف حظك اليوم برج الحمل السبت 22 يوليو 2017 مع عبدالله أحمد..


الحمل: من 21 مارس إلى 20 ابريل


برج الحمل عاطفياً:


إكتشف مطعم جديد النهاردة وإعزم نفسك فيه..وتجنب العصبية المبالغ فيها قصاد الناس اللي متستاهلش وخليك فريش كدة وروق عشان بالليل في حاجة حلوة هتحصل هتنعش مشاعرك


برج الحمل عملياً:


اللي ينتقدك النهاردة احدفله بوسة ف الهوا وقوله"قشطة..شايف الكورنر اللي هناك دة..إجتر أحزانك واحقادك ف هدوء هناك"..وذنبه وكدره..دة حقك


برج الحمل صحياً:


شوية تمرينات لضهرك معلش عشان يفك كدة ويبقى تمام ومتشربش اي مشروب غير ف مجك المفضل النهاردة..غير كدة هتحصل عكوسات مش كويسة..ليك وللمج


إعرف توافق برج الحمل مع باقي الأبراج النهاردة


متوافق مع اللون البرتقاني


*****************************************************************************


إعرف حظك اليوم برج الثور السبت 22 يوليو 2017 مع عبدالله أحمد..


الثور : من 21 ابريل إلى 20 مايو


برج الثور عاطفياً:


نبعد عن الحلول اللي بتبدو من الخارج بتختصر الوقت ومن الداخل بتخليك تحس انك كاورك..الحياة ملهاش شورت كاتس يابيه


برج الثور عملياً:


متاخدش قروض ومتخشش جمعيات اليومين دول..مترازيش نفسك بنفسك سيادتك..عيب


برج الثور صحياً:


إهتم بنفسك اكتر من كدة وبلاش حلويات خالص النهاردة..السكر مش صاحبك خالص النهاردة


إعرف توافق برج الثور مع باقي الأبراج النهاردة:


متوافق مع العقل والرزانة


*****************************************************************************


إعرف حظك اليوم برج الجوزاء السبت 22 يوليو 2017 مع عبدالله أحمد..


الجوزاء: من 21 مايو إلى 20 يونيو


برج الجوزاء عاطفياً:


محدش فاهمك عشان كل واحد عاوزك عمولة وتفصيل على مقاسه ومقاس مزاجه..بيستسهلوا يحكموا عليك من غير مايفهموك او يحاولوا يبذلوا المجهود الكافي ف تقبلك زي مانتا


برج الجوزاء عملياً:


من جواك طفل بتحب تلعب وتضحك وتتكلم واللي بيتهمك بالتقلب المزاجي او الفصام يتفضل يورينا خريطته النفسية السوية الثابتة اللي مبتتغيرش خالص وإلا فليصمت للآبد بروح نفسيته


برج الجوزاء صحياً:


الصحة تمام والمزاج رايق ومبسوط ومزقطط جدا..ناقصك بس تريح جسمك حبة مش أكتر


تعرف على توافق برج الجوزاء مع باقي الأبراج النهاردة:


متوافق مع السعادة بشكل فائق النهاردة


*****************************************************************************


إعرف حظك اليوم برج السرطان السبت 22 يوليو 2017 مع عبدالله أحمد..


السرطان: من 21 يونيو إلى 20 يوليو


برج السرطان عاطفياً:


تسامح حبة مع العالم المحيط ومتضيعش وقت كتير ف التفكير ف الانتقام..انتا انسان عادي مش بلطجي..بجانب انك ممكن تتفاجئ فعلا لو بلطجت على حد النهاردة


برج السرطان عملياً:


متجيش على نفسك عشان حد..من فضلك متعملش كدة..وقتك وطاقتك ملكك لوحدك..والعقل بيقول انك المفروض تصرف الطاقة والوقت دة ف اللي يبسطك ويفيدك


برج السرطان صحياً:


جميل وأمور وشطور وزي الفل ماشاء الله..الكوكب هو اللي مش كويس مش انتا خالص


تعرف على توافق برج السرطان مع باقي الأبراج النهاردة:


متوافق مع الاحساس بإنك اذكى وأهم من الكل*****************************************************************************


إعرف حظك اليوم برج الأسد السبت 22 يوليو 2017 مع عبدالله أحمد..


الأسد: من 21 يوليو إلى 20 اغسطس


برج الأسد عاطفياً:


مش لازم تسيطر على كل حاجة ف العلاقة وتبقى انتا اللي سايق طول الوقت..سيب الحياة تاخد مجراها والقدر يلعب لعبته


برج الأسد عملياً:


انتا مش مسئول عن ايجاد حلول لمشاكل العالم..ريح دماغك شوية وانزل اتمشى ولا اتعشى ويستحسن سمك او ماشابه


برج الأسد صحياً:


السمك هيعدل مزاجك..والشاي بعده هيعدل مزاجك اكتر واكتر


تعرف على توافق برج الأسد مع باقي الأبراج النهاردة:


متوافق مع القوة


*****************************************************************************


إعرف حظك اليوم برج العذراء السبت 22 يوليو 2017 مع عبدالله أحمد..


العذراء: من 21 اغسطس إلى 20 سبتمبر


برج العذراء عاطفياً:


محدش بيهاجمك ولا حاجة..مفيش مبرر يخليك تاخد جنب من الحب او من الحياة..عيش وانبسط


برج العذراء عملياً:


متخزنش جواك اي تفاصيل او ردود على كلا بيتقالك..كمان لو حاسس انك محتاج تشتكي النهاردة ف اعرف انه من حقك تعبر عن نفسك..المهم يكون لحد ثقة او للمراية


برج العذراء صحياً:


متخزنش عشان نفسيتك متفرقعش..واهدى على نفسك ف الطبيخ حبة وحاول تاكل حاجة خفيفة من باب التغيير معلش..ومتقلقش..هتعوض بكرة..الطبيخ مش هيطير متقلقش


تعرف على توافق برج العذراء مع باقي الأبراج النهاردة:


متوافق مع القراية بشكل كبير..شكلك عاوز تبقى مثقف


*****************************************************************************


إعرف حظك اليوم برج الميزان السبت 22 يوليو 2017 مع عبدالله أحمد..


الميزان : من 21 سبتمبر إلى 20 اكتوبر


برج الميزان عاطفياً:


لما تتزنق متهربش من المواجهة وتنسحب..خليك ناصح وثق ف نفسك وف قدراتك العاطفية


برج الميزان عملياً:


كل تريبات الحياة ليها حل مابيتطلبش منك تحارب او تتخانق


برج الميزان صحياً:


روق كدة وفكر انتا عديت من كام حاجة قبل كدة مع انك كنت فاكر انها مش هتعدي..بي كوول وخليك فنان ف القفز على حواجز الحياة..ثق ف نفسك بليز..واهتم بشعرك حبة اليومين دول ومتقعدش منكوش ابدا


تعرف على توافق برج الميزان مع باقي الأبراج النهاردة:


متوافق مع الابراج الهوائية


*****************************************************************************


إعرف حظك اليوم برج العقرب السبت 22 يوليو 2017 مع عبدالله أحمد..


العقرب: من 21 اكتوبر إلى 20 نوفمبر


برج العقرب عاطفياً:


حاول متبقاش عنيف او عدواني تجاه اي حد بيتهيألك انه بينصحك او بيحاسبك النهاردة..اسمعه وهز راسك وإعمل اللي انتا مقتنع بيه وبس


برج العقرب عملياً:


اوزن كل حاجة ف دماغك وراعي ضميرك وانتا تبقى زي الفل..ف الاخر دة حقك ف انك يبقالك حياة شخصية مستقلة..انتا مش نسخة من اي حد


برج العقرب صحياً:


إهتم بنفسك حبة وبلاش إهمال من فضلك..وحاول تسترخي ف البانيو النهاردة حبة من نفسك كدة


تعرف على توافق برج العقرب مع باقي الأبراج النهاردة:


متوافق مع الدلع بشكل كبير


*****************************************************************************


إعرف حظك اليوم برج القوس السبت 22 يوليو 2017 مع عبدالله أحمد..


القوس: من 21 نوفمبر إلى 20 ديسمبر


برج القوس عاطفياً:


زغلول الابراج النهاردة..إحتفل بنفسك يامعلم..دة حقك


برج القوس عملياً:


متلعبش حواجبك النفسية لحد..عيب إختشي..اتفرج عليهم بيرازوا نفسهم وإضحك ف سرك


برج القوس صحياً:


صحتك كويسة بس بقيت تفرهد بسرعة من اي حاجة عشان محتاج اجازة تغير فيها جو مش مجرد نوم وراحة بس..انتا محتاج تشوف بحر غالبا او محتاج لون ازرق ف حياتك كتير مع سمك مشوي


تعرف على توافق برج القوس مع باقي الأبراج النهاردة:


متوافق مع الشياكة والسمك المشوي


*****************************************************************************


إعرف حظك اليوم برج الجدي السبت 22 يوليو 2017 مع عبدالله أحمد..


الجدى: من 21 ديسمبر إلى 20 يناير


برج الجدي عاطفياً:


متعاملش حد وحش وتعتبر ان دة إهتمام منك بيه او حب..دة غرور مالوش لازمة..هو مش هيتفسح جوة مخك عشان يعرف انتا قصدك ايه..خليك بسيط وواضح واللي تحبه قوله انك بتحبه واللي مبتحبوش ميستاهلش لا تعامله وحش ولا كويس ولا تشغل بالك بيه اصلا


برج الجدي عملياً:


وراك حاجات كتير لازم تتعمل النهاردة..رصها ف قايمة كدة ف ورقة صغيرة وطبقها وحطها جنبك وخش نام


برج الجدي صحياً:


هتحس انك خفيف كدة وطاير ومبسوط النهاردة بدون سبب واضح..واضح ان داخل عليك دور برد وعقلك الباطن بيجهزك للموضوع دة يا إما انتا كلت حاجة بايظة امبارح ولا حاجة..ف كل الاحوال انبسط بيومك


تعرف على توافق برج الجدي مع باقي الأبراج النهاردة:


متوافق مع الابراج اللي بتحبك وبتبلعلك الزلط


*****************************************************************************


إعرف حظك اليوم برج الدلو السبت 22 يوليو 2017 مع عبدالله أحمد..


الدلو: من 21 يناير إلى 20 فبراير


برج الدلو عاطفياً:


متشرحش نفسك لحد النهاردة..مش ناقصة جدال ورغي..اللي عاوز يفهمك هيستوعبك لوحده لأنك بسيط ومش غامض ولا بتاع..دي كلها حجج بتسمعها من ناس عندها فضول تجاهك وتجاه تفاصيلك ومش لاقيين حاجة يقولوها وبس..مش اكتر


برج الدلو عملياً:


نبعد عن الشمس النهاردة ياريت قدر المستطاع ونحاول نفرفش بالليل بطرقتنا الخاصة المميزة


برج الدلو صحياً:


انتا احسن واحد يعمل بارتي شخصية يزقطط فيها نفسه ويفرفش العالم كله ف خياله بالعند ف الواقع المحيط..حاول متنفصلش عن الواقع بزيادة وانتا بتعمل البارتي دي الليلة


تعرف على توافق برج الدلو مع باقي الأبراج النهاردة:


متوافق مع الحب لتاني يوم..واضح انك غرقان لشوشتك ومش عاوز حد يعرف


*****************************************************************************


إعرف حظك اليوم برج الحوت السبت 22 يوليو 2017 مع عبدالله أحمد..


الحوت: من 21 فبراير إلى 20 مارس


برج الحوت عاطفياً:


نتجنب زحمة المواصلات النهاردة ان وجدت ونتجنب الزحمة بوجه عام ف كل حاجة عشان ممكن تطير من دماغنا افكار بسيطة وحلوة بجانب انها مؤكد هتفسد مزاجنا


برج الحوت عملياً:


ياريت تبطل مرازية ف الناس الكويسة لمجرد انك ضامن ان ذوقهم هيمنعهم من الرد..دة كدة إستقواء منك عليهم وممكن جدا يخليهم يفرقعوا ف وشك فجأة وساعتها متلومش إلا نفسك بجانب انه أكيد ف حياتك أشرار كتير مستضعفينك او بيشتغلوك ودول أولى بالمواجهة ويستاهلوا مرازيتك..ولا انتا خايف وبتلوش وخلاص


برج الحوت صحياً:


صحيا انتا زي الفل وكل شيء مستقر وعال العال..أما نفسيا ف انتا محتاج تستحمى بشكل عاجل بمزيكا وقراية ويوجا


تعرف على توافق برج الحوت مع باقي الأبراج النهاردة:


متوافق مع الابراج اللي بتعرف تنصب عليك وعلى مشاعرك


*****************************************************************************



حظك اليوم ممكن يكون موجود وممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات حظك اليوم بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك اليوم النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك اليوم بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك اليوم كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


 


اعلان حظك اليوم