تعالى وإتفرج..على حبة سحر على طريقة رسامين جرافيتي من روسيا..

لما كنا صغيرين وبنروح مع بابا وماما السيرك كانت بتبقى فقرة الساحر أهم فقرة بتبهرنا وبتخلينا قاعدين فرحانين ومذهولين في نفس الوقت.. وكل إللي شاغل بالنا ياترى هو بيعرف يعمل كل الخدع الحلوة دي إزاي.. بس بعد ما كبرنا الموضوع إختلف ومبقاش في حاجة بتبهرنا بسهولة غير الفن.. وواضح إنه في مجموعة من الرسامين الروسيين المخصصين ف فن ال "جرافيتي"..عارفين كويس أهمية الفن ف إبهار الناس عشان كدة حبوا يبهرونا النهاردة بخدعة ctrl+x

عربية قديمة وزعلانة خالص ف شارع ف روسيا..جرافيتي ف الطريق إليكي..إتطمني..
عربية قديمة وزعلانة خالص ف شارع ف روسيا..جرافيتي ف الطريق إليكي..إتطمني..

ctrl+x هو أمر بيستخدمه أي حد بيتعامل مع الكمبيوتر أو الفوتوشوب لما يكون عايز يعمل لجزء من الصورة cut أو قص.. بس رسامين الجرافيتي بتوع النهاردة استخدموا نفس الأمر دة لكن بطريقة جديدة ومبتكرة من غير ما يحتاجوا لكمبيوتر ولا لفوتوشوب..

صورة العربية وصندوق القمامة  إللي إتنفذ عليها خدعة ctrl +x بإستخدام الجرافيتي
صورة العربية وصندوق القمامة إللي إتنفذ عليها خدعة ctrl +x بإستخدام الجرافيتي

ف قرروا إنهم ينفذوا الأمر ف الحقيقة وبنفس النتيجة إللى بيظهر بيها على الفوتوشوب.. وعشان ينفذوا الفكرة إحتاجوا لألوان بيضا و إسبراي رمادي عشان يدهنوا بيه العربية وصندوق القمامة إللى جنبها عشان يبقوا شبه أرضية الفوتوشوب إللى عبارة عن مربعات بيضة ف رمادي..عشان تظهر وكأنها معمولها cut ومش موجودة والفكرة دي وراها رسالة مهمة وحب من حبة رسامين الجرافيتي الروس ورغبة منهم ف إنهم يوصلوها للناس وبتعبر عن أهمية النظافة والتخلص من القمامة بس بطريقة صايعة جدا ومحتاجة ذكاء عشان تتفهم..وبمنتهى الجمال والشياكة بصراحة..

المرحلة الأولى ف التصميم بالجرافيتي وهي دهن العربية والصندوق بالكامل باللون الأبيض
المرحلة الأولى ف التصميم بالجرافيتي وهي دهن العربية والصندوق بالكامل باللون الأبيض

المرحلة التانية وحبة جرافيتي فيهم تقسيم الأرضية البيضا لمربعات صغيرة
المرحلة التانية وحبة جرافيتي فيهم تقسيم الأرضية البيضا لمربعات صغيرة

المرحلة التالتة من الجرافيتي هي تلوين المربعات باللون الرمادي عشان تكون شبه أرضية برنامج الفوتوشوب
المرحلة التالتة من الجرافيتي هي تلوين المربعات باللون الرمادي عشان تكون شبه أرضية برنامج الفوتوشوب

تقسيم المربعات كان محدد ودقيق عشان يكون شبه الفوتوشوب بالظبط  بال جرافيتي
تقسيم المربعات كان محدد ودقيق عشان يكون شبه الفوتوشوب بالظبط بال جرافيتي

شكل الصورة بالكامل بعد ما أختفت على طريقة الفوتوشوب بال جرافيتي
شكل الصورة بالكامل بعد ما أختفت على طريقة الفوتوشوب بال جرافيتي

حاجة جميلة والله ومبهرة.. جرافتي متقن وجميل
حاجة جميلة والله ومبهرة.. جرافتي متقن وجميل

نفس المكعبات ف جرافيتي العربية اللي ف الصورة اللي فاتت بس من زاوية تانية..مصور فاضي معلش..ورسام برضة كان فاضي..جرافيتي حلو..نستحمله معلش
نفس المكعبات ف جرافيتي العربية اللي ف الصورة اللي فاتت بس من زاوية تانية..مصور فاضي معلش..ورسام برضة كان فاضي..جرافيتي حلو..نستحمله معلش

قسموا العربية والجراج لمكعبات..إبداع والله.. فن جرافيتي راقي
قسموا العربية والجراج لمكعبات..إبداع والله.. فن جرافيتي راقي

طبعا تنفيذ أمر ctrl+x ف الحقيقة أصعب بكتير من تنفيذه على الفوتوشوب بس النتيجة كانت مبهرة.. والأفكار العبقرية دي كان جزء من مهرجان ستينوغرافيا وهو مهرجان روسي سنوي للفنون الشوارع وهدفه هو تجميل المدينة وعلاج مشكلة القمامة ف البلد من خلال الرسم والفن..وهو دة السحر من حبة سحر على طريقة رسامين من روسيا..اكيد هندور عليهم وهنلاقي احلى اعمالهم ونوريهالكم تنبسطوا بيها معانا ف مرات جاية..

منقول بتصرف من boredpanda .. أوريفوار