دلع ودنك معانا

ودنك هي حلقة الوصل بينك وبين العالم.. يعني لازم تهتم بيها وتقدرها اكتر من كدة على فكرة وهي مطالبها سهلة وبسيطة.. يعني مش هتطلب منك تخرجها ولا تأكلها ف مطعم غالي كل اللي هي محتاجاه إنها تتسلطن وتسمع حاجات تنعشها وتفرفشها من فترة للتانية ..وبما إن مهمتنا هي إسعاد ودان كوكب الأرض ..ف قررنا نفضي نفسنا كل يوم حبة عشان بس ننقيلك الحاجات اللي تفرفشها وتنعشها..

وكل المزيكا الجميلة دي هتلاقوها بكل الأذواق والمقاسات ف اكتر من بلاي ليست ف قسم المزيكا عندنا.. وأكيد هتلاقي اللي يناسب ودنك ومزاجك..

النهاردة هناخد ودانكم ف مشوار صغير لعالم شويكار وفؤاد المهندس اللي عبارة عن مكس لذيذ بين الدلع والضحك.. ف منيو الأغاني النهاردة هيكون كوكتيل منعش ولذيذ من أغاني الأفلام اللي جمعتهم مع بعض ف هنسمع قلبي يا غاوي خمس قارات .. ياواد يا مفكر يا هايل .. يا أم ملاية لف .. العتبة جزاز وغيرهم كتير .. بنتمنالكم يوم رايق وخفيف .. إستمتعوا