البيتزا أكلة عالمية لايختلف على عشقها اثنين، إيه رأيك تسعدى أسرتك وتحضريها لهم اليوم فى البيت لعشاء لذيذ ورائع.

جربي معانا عمل عجينة البيتزا في البيت بطريقة سهلة وبسيطة وأحسن من المطاعم.

المقادير:

3 كوب دقيق.
3 ملعقة كبيرة سكر.
2 ملعقة كبيرة زيت زيتون.
1 كوب لبن دافئ.
1 ملعقة كبيرة خميرة.
1 ملعقة صغيرة بيكينج باودر.
نصف ملعقة صغيرة بودرة ثوم.
نصف كوب زبادي.
رشة ملح صغيرة.

 طريقة التحضير:

ضعي الزبادي في العجانة، وضيفي عليها اللبن وشغلي العجانية عليهم كويس جدا.

ضعي كوب واحد من الدقيق و ملعقة خميرة و ملعقة سكر، ويخلط مرة أخرى.

ضيفي عليهم البيكينج باودر والملح وباقي كمية الدقيق، وتعجنيهم كويس جداً 10 دقائق.

إتركي العجينة في طبق غويط وغطيه كويس وسيبيها في مكان دافي لتختمر، ثم قسمي العجين لكرات متوسطة الحجم وتوضع في صواني دائرية مرشوش بها قليل من الدقيق وتفرديها في الصينية جيداً .

وطبعاً تحشيها زي ما تحبي مع الخضار المتقطع صغير جداً .

إقرأ أيضاً|تعرفي على سر نجاح البيتزا

وسر نجاح البيتزا  : متحطيش الموتزاريلا دلوقتي دخليها الأول الفرن لغاية لما البيتزا بتاعتك تستوي و طلعيها و رشي عليها الموتزاريلا ودخليها الفرن مرة تانية علشان تسيح الجبنة وتبقى زي الإعلانات .