إعرف حظك اليوم معانا على دوت مصر كل يوم..وخد بالك الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى يبقى حظنا من حظه ونبقى مبسوطين زيه وبنتمنى نملك الانبساط دة ونتحكم فيه .. ونستدعيه كمان وقت اللزوم زي جني المصباح وزي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

*******************

كلام جد:النكد بدون سبب قلة أدب.

عشان تعرف حظك اليوم بشكل كامل .. صفي نيتك ودوس على اسم برجك بإيدك اليمين.

إعرف حظك اليوم لبرج الحمل  الخميس 29-6-2017 مع عبدالله أحمد..

حظك النهاردة يا برج الحمل عاطفياً:

الحياة مش قابلة للترويض..الحياة مش حيوان بري ابدا..إفتكر دة كويس

حظك النهاردة يا برج الحمل عملياً:

ريح خلايا مخك حبة انتا لسة خارج من عيد ومفوقتش لسة

حظك النهاردة يا برج الحمل صحياً:

حاول تركز ف الاكل اللي يريح اعصابك حتى لو خارج الدايت

إعرف توافق برج الحمل مع باقي الأبراج النهاردة

متوافق مع الناس اللي شبهك ف كل برج

*****************************************************************************

إعرف حظك اليوم لبرج الثور  الخميس 29-6-2017 مع عبدالله أحمد..

حظك النهاردة يا برج الثور عاطفياً:

الإحترام اهم من الحب النهاردة بمراحل.. اللي يقولك بحبك لازم يحترمك قبل مايحبك..دة حقك

حظك النهاردة يا برج الثور عملياً:

واحدة واحدة ونشاطك هيرجع كيرفه ف العلالي متقلقش..حبة وقت وصبر بس

حظك النهاردة يا برج الثور صحياً:

متقرصش على نفسك ف اي حاجة النهاردة..محدش بيجري وراك

إعرف توافق برج الثور مع باقي الأبراج النهاردة:

متوافق مع اي شخص محترم ف اي برج النهاردة

*****************************************************************************

إعرف حظك اليوم لبرج الجوزاء  الخميس 29-6-2017 مع عبدالله أحمد..

حظك النهاردة يا برج الجوزاء عاطفياً:

مش اول ماتصحى من النوم تفكر ف حل مشاكل الكون..إفطر الأول وإشحن طاقة وبعد كدة حل براحتك

حظك النهاردة يا برج الجوزاء عملياً:

متفتريش على قلبك لحساب عقلك ولا العكس النهاردة

حظك النهاردة يا برج الجوزاء صحياً:

المجهود الفكري متعب اه بس مبيتحسبش رياضة..إتحرك حبة

تعرف على توافق برج الجوزاء مع باقي الأبراج النهاردة:

متوافق مع الابراج اللي بتقدر جمال الحياة

*****************************************************************************

إعرف حظك اليوم لبرج السرطان  الخميس 29-6-2017 مع عبدالله أحمد..

حظك النهاردة يا برج السرطان عاطفياً:

متحبش حد من طرف واحد..بلاش..متعذبش نفسك بنفسك

حظك النهاردة يا برج السرطان عملياً:

إستفيد من الصيف عشان تعرف قيمة الشتا

حظك النهاردة يا برج السرطان صحياً:

إبعد عن الشمس والناس اللي مبتحطش بارفان

تعرف على توافق برج السرطان مع باقي الأبراج النهاردة:

متوافق مع الناس اللي بتعرف تتكلم من غير ما تحدف طوب

*****************************************************************************

إعرف حظك اليوم لبرج الأسد  الخميس 29-6-2017 مع عبدالله أحمد..

حظك النهاردة يا برج الأسد عاطفياً:

إحساسك بالذنب تجاه نفسك ممكن يوقعك ف الكتير والكتير من المشاكل..تجنبه تماما

حظك النهاردة يا برج الأسد عملياً:

النوم مش هروب..النوم الكتير شحن لفوقان وصحيان كتير كثيف جاي

حظك النهاردة يا برج الأسد صحياً:

نام وبراحتك محدش له عندك حاجة ولما ييجي وقت الفوقان هتعرف وهتبقى جاهز..ثق ف كدة

تعرف على توافق برج الأسد مع باقي الأبراج النهاردة:

إبعد عن الناس اللي مبتفهمش ف الذوق والشياكة ف التعامل

*****************************************************************************

إعرف حظك اليوم لبرج العذراء  الخميس 29-6-2017 مع عبدالله أحمد..

حظك النهاردة يا برج العذراء عاطفياً:

متدورش على الحب ف المكان دة..لو قابلك صدفة قشة..غير كدة متدورش عليه..هتتعب

حظك النهاردة يا برج العذراء عملياً:

الحرية مش منحة من حد تجاهك..الطبيعي انك تبقى حر.. اي حاجة تانية غير كدة إستثناء وبس

حظك النهاردة يا برج العذراء صحياً:

متكتمش ف نفسك وعبر عن نفسك بحرية النهاردة بس بالهداوة وبالعقل

تعرف على توافق برج العذراء مع باقي الأبراج النهاردة:

متوافق مع الابراج اللي بتقدر الحرية وبتفهم فيها

*****************************************************************************

إعرف حظك اليوم لبرج الميزان  الخميس 29-6-2017 مع عبدالله أحمد..

حظك النهاردة يا برج الميزان عاطفياً:

التعايش مع إحساس الغربة او التوهان جوة اوضتك صعب طبعا محش ينكر..أحيانا بنسأل نفسنا ليه منبقاش زي باقي الناس العادية وبننسى ان الشخص المختلف ممكن يكون مميز

حظك النهاردة يا برج الميزان عملياً:

ركز ف مزاياك مش ف عيوبك ارجوك ومتحاولش تحارب طبيعتك عشان ترضي الناس..عيب

حظك النهاردة يا برج الميزان صحياً:

صراعاتك النفسية الداخلية طبيعي تحسسك بالجوع..متنساش تاكل كويس عشان تعرف تصارع

تعرف على توافق برج الميزان مع باقي الأبراج النهاردة:

متوافق مع الابراج المائية.. الهوائية لأ

*****************************************************************************

إعرف حظك اليوم لبرج العقرب  الخميس 29-6-2017 مع عبدالله أحمد..

حظك النهاردة يا برج العقرب عاطفياً:

متعاتبش حد ميستاهلش

حظك النهاردة يا برج العقرب عملياً:

إتفرج على الحياة وهي بتعامل الشخص الأناني إزاي النهاردة وإتعلم

حظك النهاردة يا برج العقرب صحياً:

لما تكون رايق روق على حبايبك ولما تكون متنكد ياريت تحتفظ بالنكد لنفسك وبس

تعرف على توافق برج العقرب مع باقي الأبراج النهاردة:

متوافق مع الفرفشة بشكل عام ف اي برج

*****************************************************************************

إعرف حظك اليوم لبرج القوس  الخميس 29-6-2017 مع عبدالله أحمد..

حظك النهاردة يا حظك لبرج القوس عاطفياً:

فكك من اي حاجة النهاردة وإخرج بالليل مع صحابك ف اي حتة هادية فرفشوا حبة..متقعدش لوحدك..بلاش

حظك النهاردة يا برج القوس عملياً:

ركز ف العمل الجماعي مش الفردي النهاردة ياريت

حظك النهاردة يا برج القوس صحياً:

حاول تهرب من إحساسك بالحر المبالغ فيه دة على قد ماتقدر

تعرف على توافق برج القوس مع باقي الأبراج النهاردة:

متوافق مع الابراج الهوائية

*****************************************************************************

إعرف حظك اليوم لبرج الجدي  الخميس 29-6-2017 مع عبدالله أحمد..

حظك النهاردة يا برج الجدي عاطفياً:

إمشي ورا قلبك وبس النهاردة مش ورا كلام ونصايح الناس

حظك النهاردة يا برج الجدي عملياً:

ثق ف دماغك وثق ف حدسك تجاه الامور وبعد كدة خد اي قرار يعجبك..بلاش تسرع

حظك النهاردة يا حظك لبرج الجدي صحياً:

محتاج تهتم بنوعية أكلك حبة النهاردة وخصوصا العك اللي بيحصل بالليل ومحدش بيشوفه دة

تعرف على توافق برج الجدي مع باقي الأبراج النهاردة:

متوافق مع الابراج المائية والهوائية على حدا سواء

*****************************************************************************

إعرف حظك اليوم لبرج الدلو  الخميس 29-6-2017 مع عبدالله أحمد..

حظك النهاردة يا برج الدلو عاطفياً:

قلبك أهم من اي فلوس ف الدنيا يامعلم..الحب لايقدر بمال فعلا مش هزار

حظك النهاردة يا برج الدلو عملياً:

اللي ينحتك او يسرقك لازم يتعاقب..دة حق حقك ف الحياة

حظك النهاردة يا برج الدلو صحياً:

عصاير كتير على قد ماتقدر وسندوتشات ودلع نفسك بنفسك

تعرف على توافق برج الدلو مع باقي الأبراج النهاردة:

متوافق مع اللي يعرف يفهمك ويتعامل معاك مش مع اللي فاكر انه يقدر يسيطر عليك

*****************************************************************************

إعرف حظك اليوم لبرج الحوت  الخميس 29-6-2017 مع عبدالله أحمد..

حظك النهاردة يا برج الحوت عاطفياً:

متدورش على النكد كفاية هو بيدور عليك ف كل حتة

حظك النهاردة يا برج الحوت عملياً:

دلع الناس وهما يدلعوك مش العكس ياناصح

حظك النهاردة يا برج الحوت صحياً:

حط رجليك ف مية وملح

تعرف على توافق برج الحوت مع باقي الأبراج النهاردة:

متوافق مع نفسك وبس..متوافق مع اللي انتا عاوزه وبس مهما قولت او عملت العكس

*****************************************************************************

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام  هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك اليوم وكل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.