إعرف حظك اليوم معانا على دوت مصر كل يوم..وخد بالك الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى يبقى حظنا من حظه ونبقى مبسوطين زيه وبنتمنى نملك الانبساط دة ونتحكم فيه .. ونستدعيه كمان وقت اللزوم زي جني المصباح وزي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

*******************

كلام جد:

محدش مهتم حقيقي إذا كنتي خسيتي أو لأ..هما مهتمين يحسسوكي بالذنب ف الحالتين مش اكتر.

عشان تعرف حظك اليوم بشكل كامل .. صفي نيتك ودوس على اسم برجك بإيدك اليمين.

إعرف حظك اليوم لبرج الحمل  الثلاثاء 27-6-2017 مع عبدالله أحمد..

حظك النهاردة يا برج الحمل عاطفياً:

متضايقش نفسك عشان ترضي حد..وخد بالك ان برضة محدش هيضليق نفسه عشان يرضيك

حظك النهاردة يا برج الحمل عملياً:

متشغلش بالك بالانتقام انتا اكبر من كدة..اللي جه عليك الحياة هتروقه قريب بدون اي تدخل منك..على الاقل ظاهريا

حظك النهاردة يا برج الحمل صحياً:

محتاج تلعب جيمز..مش تلعب بالناس جيمز

إعرف توافق برج الحمل مع باقي الأبراج النهاردة

متوافق مع اي برج مكن يستحمل تقلباتك المجنونة اليومين دول

*****************************************************************************

إعرف حظك اليوم لبرج الثور  الثلاثاء 27-6-2017 مع عبدالله أحمد..

حظك النهاردة يا برج الثور عاطفياً:

اختار تستثمر مشاعرك ف مين.. دة حقك الطبيعي ف الحياة

حظك النهاردة يا برج الثور عملياً:

لما تعمل الغلط إعمله بثقة..طالما قررت تعمله يبقى ايه لازمة الاحساس بالذنب

حظك النهاردة يا برج الثور صحياً:

متحاولش تمسك عصاية الحياة من النص عشان هتتكسر ف ايدك

إعرف توافق برج الثور مع باقي الأبراج النهاردة:

متوافق مع اي برج مبيحبش الشمس والكلام الكتير

*****************************************************************************

إعرف حظك اليوم لبرج الجوزاء  الثلاثاء 27-6-2017 مع عبدالله أحمد..

حظك النهاردة يا برج الجوزاء عاطفياً:

إخرج من قوقعتك وفرفش نفسك حبة..اتعرف على ناس جديدة..القدام وقتهم خلص خلاص

حظك النهاردة يا برج الجوزاء عملياً:

متلومش حد على أفعالك..دة مش منطق ابدا دة

حظك النهاردة يا برج الجوزاء صحياً:

ركز ف الحاجات الحلوة ف الاكل خصوصا الفاكهة

تعرف على توافق برج الجوزاء مع باقي الأبراج النهاردة:

متوافق مع التجديد والابراج اللي بتحب التجديد

*****************************************************************************

إعرف حظك اليوم لبرج السرطان  الثلاثاء 27-6-2017 مع عبدالله أحمد..

حظك النهاردة يا برج السرطان عاطفياً:

دلع نفسك بنفسك النهاردة ومتستناش دلع من حد

حظك النهاردة يا برج السرطان عملياً:

الاعتماد على مصادر خارجية ف الانبساط او السعادة بيخليك تحت رحمة مزاج الناس..ودة غلط لازم تبطله..الناس لما تشوفك بتعرف تبسط نفسك من غيرهم هيبطلوا يساوموك على الانبساط ناو اند فورإيفر

حظك النهاردة يا برج السرطان صحياً:

خلي بالك من التراب

تعرف على توافق برج السرطان مع باقي الأبراج النهاردة:

متوافق مع البرج اللي يعرف ينبسط بشكل برئ ومالوش ف النكد

*****************************************************************************

إعرف حظك اليوم لبرج الأسد  الثلاثاء 27-6-2017 مع عبدالله أحمد..

حظك النهاردة يا برج الأسد عاطفياً:

مشغول ونشيط..مجهود رائع ويحترم بصراحة

حظك النهاردة يا برج الأسد عملياً:

طول مانتا بتمثل انك مشغول محدش هيفكر يعزمك او يخرج معاك ف اي حتة

حظك النهاردة يا برج الأسد صحياً:

انتا محتاج ينسون كتير ف حياتك

تعرف على توافق برج الأسد مع باقي الأبراج النهاردة:

ابعد عن اي برج صدامي او غاوي مشاكل

*****************************************************************************

إعرف حظك اليوم لبرج العذراء  الثلاثاء 27-6-2017 مع عبدالله أحمد..

حظك النهاردة يا برج العذراء عاطفياً:

الحب ف الاجازة شيئ صعب طبعا عشان عقلك الباطن مجهز نفسه انه طالما انتا فاضي يبقى المفروض الحب ييجي يخبط عليك الباب من سبعة الصبح مثلا ولا حاجة..ودي طبعا خرافات شعبية مبتحصلش ابدا

حظك النهاردة يا برج العذراء عملياً:

تخلص مشاويرك وتكن ف البيت قدام المروحة والتلفزيون ومتعملش اي حاجة

حظك النهاردة يا برج العذراء صحياً:

حاول متتحركش كتير النهاردة عشان متبوظش خطة إفساد الدايت اللي انتا ماشي عليها من فترة

تعرف على توافق برج العذراء مع باقي الأبراج النهاردة:

متوافق مع الابراج الكسلانة وبس النهاردة

*****************************************************************************

إعرف حظك اليوم لبرج الميزان  الثلاثاء 27-6-2017 مع عبدالله أحمد..

حظك النهاردة يا برج الميزان عاطفياً:

زقطط وفرفش محدش واخد منها حاجة

حظك النهاردة يا برج الميزان عملياً:

الكلام واضح ف الصورة مش محتاج تفسير او شرح ياكابتن

حظك النهاردة يا برج الميزان صحياً:

نفس نفس نصيحة إمبارح..إشرب مية كتير جدا وياريت تدلع نفسك ف عصير قصب من الكبير وتشربه على بق واحد

تعرف على توافق برج الميزان مع باقي الأبراج النهاردة:

متوافق مع السعادة مش مع الابراج او الناس النهاردة

*****************************************************************************

إعرف حظك اليوم لبرج العقرب  الثلاثاء 27-6-2017 مع عبدالله أحمد..

حظك النهاردة يا برج العقرب عاطفياً:

متنكدش على نفسك عشان الحياة عبيطة وممكن تفتكر ان دي رغبتك وتحققهالك بجد

حظك النهاردة يا برج العقرب عملياً:

خليك ناصح وعبر عن حبك بشكل سليم..بلاش دراما فارغة..الحياة بسيطة

حظك النهاردة يا برج العقرب صحياً:

راعي نفسيتك حبة طيب طالما فشلت ف الدايت

تعرف على توافق برج العقرب مع باقي الأبراج النهاردة:

متوافق مع الزقططة والفرفشة ف اي برج من الابراج

*****************************************************************************

إعرف حظك اليوم لبرج القوس  الثلاثاء 27-6-2017 مع عبدالله أحمد..

حظك النهاردة يا حظك لبرج القوس عاطفياً:

في حد بيراقبك وبيكراش عليك ف السر..إحترس من المصيبة دي ومتشجعهاش..بلاش

حظك النهاردة يا برج القوس عملياً:

طنش النهاردة اي حاجة ممكن تضايقك وحط سماعاتك ف ودانك وشغل مزيكا وارقص او مترقصش انتا حر

حظك النهاردة يا برج القوس صحياً:

طول مانفسيتك ف السما صحتك برضة هتبقى كويسة وزي الفل

تعرف على توافق برج القوس مع باقي الأبراج النهاردة:

اعزم حد بتحبه على غزل بنات بغض النظر هو برج ايه عشان الحب ميعرفش ابراج ياباشا وانتا عارف كدة كويس

*****************************************************************************

إعرف حظك اليوم لبرج الجدي  الثلاثاء 27-6-2017 مع عبدالله أحمد..

حظك النهاردة يا برج الجدي عاطفياً:

خليك مسالم ومتتخانقش مع حد النهاردة ياريت..انتا وراك هفهفة ف العاطفة ومش فاضي للخناق خالص

حظك النهاردة يا برج الجدي عملياً:

متشرحش نفسك لحد ياريت..التصرف دة غلط ومش كويس ومش هيرضي فضول حد زي مانتا فاكر ولا هيخليه يقعد ف حاله

حظك النهاردة يا حظك لبرج الجدي صحياً:

متاكلش شيكولاتة بالليل..بلاش

تعرف على توافق برج الجدي مع باقي الأبراج النهاردة:

متوافق مع برج السرطان والحوت والدلو واي حاجة ليها علاقة بالسمك او المية او البحر

*****************************************************************************

إعرف حظك اليوم لبرج الدلو  الثلاثاء 27-6-2017 مع عبدالله أحمد..

حظك النهاردة يا برج الدلو عاطفياً:

ثق ف نفسك عشان انتا صح والله..إحساسك صح جدا

حظك النهاردة يا برج الدلو عملياً:

حدسك هيوجهك زي البوصلة للطريق الصح وهتعرف بحبة تفكير بساط خالص انتا المفروض تعمل ايه وتقول ايه..بس ف المجمل انتا على التراك الصحيح..كمل وثابر بس مش اكتر

حظك النهاردة يا برج الدلو صحياً:

واضح ان السباكة فيها مشاكل..شوف دكتور وبلاش طناش

تعرف على توافق برج الدلو مع باقي الأبراج النهاردة:

متوافق معحيطان اوضتك اللي بتحبك وبتخاف عليك اكتر من اي حد ف الكون

*****************************************************************************

إعرف حظك اليوم لبرج الحوت  الثلاثاء 27-6-2017 مع عبدالله أحمد..

حظك النهاردة يا برج الحوت عاطفياً:

خليك هادي ومتتعصبش عشان النهاردة هتشوف حاجات كتير تعصب

حظك النهاردة يا برج الحوت عملياً:

مينفعش تشتكي من حاجة انتا السبب فيها..دة اسمه تغفيل ذاتي دة..بتنصب على نفسك لمصلحة مين بالظبط

حظك النهاردة يا برج الحوت صحياً:

راعي رقبتك عشان متقفش عليك وتزعلك

تعرف على توافق برج الحوت مع باقي الأبراج النهاردة:

متوافق مع اي برج متآمر وكياد

*****************************************************************************

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام  هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك اليوم وكل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.