إعرف حظك اليوم معانا على دوت مصر كل يوم..وخد بالك الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى يبقى حظنا من حظه ونبقى مبسوطين زيه وبنتمنى نملك الانبساط دة ونتحكم فيه .. ونستدعيه كمان وقت اللزوم زي جني المصباح وزي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

*******************

كلام جد: مهما إستخبيت أو إتداريت.. مسير خلايا مخك تفتن على نفسها..مسير نواياك تبان.. مهما عملت.

عشان تعرف حظك اليوم بشكل كامل .. صفي نيتك ودوس على اسم برجك بإيدك اليمين.

إعرف حظك اليوم لبرج الحمل  الأحد 25-6-2017 مع عبدالله أحمد..

حظك النهاردة يا برج الحمل عاطفياً:

اي احزان عندك ممكن تغرق عادي جدا ف شيكولاتة او مكرونة بصلصة

حظك النهاردة يا برج الحمل عملياً:

الاكل مش حل ف مواجهة نكد الحياة بس بينفع اوقات كوسيلة تشتيت وقنبلة دخان صفرا لعقلك الباطن

حظك النهاردة يا برج الحمل صحياً:

تاكل وبراحتك..انتا طالع من رمضان هفتان وخاسس

إعرف توافق برج الحمل مع باقي الأبراج النهاردة

صبرك وحكمتك بيخلوك ناجح مع اي برج بتتعامل معاه النهاردة..انتا بتستوعب الناس كويس جدا

*****************************************************************************

إعرف حظك اليوم لبرج الثور  الأحد 25-6-2017 مع عبدالله أحمد..

حظك النهاردة يا برج الثور عاطفياً:

اللي يسيبك فجأة سيبه وسيب اللي جابه عادي جدا وبدون اي إحساس بالذنب

حظك النهاردة يا برج الثور عملياً:

اللي ميعرفش قيمتك ميستاهلكش..اللي ميحبكش مش من حقه يطالبك لا بإهتمام ولا بحب ولا بأي حاجة

حظك النهاردة يا برج الثور صحياً:

طول مانتا هادي وكوول كل حاجة تمام

إعرف توافق برج الثور مع باقي الأبراج النهاردة:

إبعد عن اي برج غلاوي ف نفسه النهاردة بلاش وجع دماغ

*****************************************************************************

إعرف حظك اليوم لبرج الجوزاء  الأحد 25-6-2017 مع عبدالله أحمد..

حظك النهاردة يا برج الجوزاء عاطفياً:

مش ذنب الناس انك كل دقيقة بحال..لا مطالبين يستحملوك ولا مطالبين يحبوك

حظك النهاردة يا برج الجوزاء عملياً:

نام النهاردة براحتك..أحلام حلوة كتير مستنياك

حظك النهاردة يا برج الجوزاء صحياً:

النوم رياضة بالنسبالك النهاردة..عادي يعني

تعرف على توافق برج الجوزاء مع باقي الأبراج النهاردة:

تقدر تتعامل مع اي برج طالما مش هتحيره وتجننه بتقلباتك المودية الغريبة

*****************************************************************************

إعرف حظك اليوم لبرج السرطان  الأحد 25-6-2017 مع عبدالله أحمد..

حظك النهاردة يا برج السرطان عاطفياً:

إنتا محتاج تحط مشاعرك ف التلاجة حبة النهاردة خد بالك

حظك النهاردة يا برج السرطان عملياً:

مش كل اللي تعرفه تقوله يامعلم..دة غلط..خليك حويط حبة وحذر

حظك النهاردة يا برج السرطان صحياً:

دور على مكان بعيد عن حر النهار واقعد فيه براحتك

تعرف على توافق برج السرطان مع باقي الأبراج النهاردة:

تقدر تتعامل مع برج القوس والعقرب والجدي..الثور بلاش

*****************************************************************************

إعرف حظك اليوم لبرج الأسد  الأحد 25-6-2017 مع عبدالله أحمد..

حظك النهاردة يا برج الأسد عاطفياً:

أجازة من الحظ النهاردة..إعتمد على نفسك

حظك النهاردة يا برج الأسد عملياً:

أجازة تقدر تتصرف فيها براحتك وبمزاجك من غير ما أقولك المفروض تعمل ايه

حظك النهاردة يا برج الأسد صحياً:

خد بالك من نفسك ف الاجازة

تعرف على توافق برج الأسد مع باقي الأبراج النهاردة:

انتا حر تتعامل مع اللي يعجبك ومتتعاملش مع اللي ميعجبكش

*****************************************************************************

إعرف حظك اليوم لبرج العذراء  الأحد 25-6-2017 مع عبدالله أحمد..

حظك النهاردة يا برج العذراء عاطفياً:

خوفك من الحب بيخوفك من الحب..متخافش وحب وإتحب براحتك

حظك النهاردة يا برج العذراء عملياً:

متقلقش..الاجازة هتعدي بشكل حلو وهتنبسط جدا..بلاش قلق ووساوس ملهاش عازة ولا مكان..متنكدش على نفسك..بلاش

حظك النهاردة يا برج العذراء صحياً:

إحترس من الشمس مش اكتر

تعرف على توافق برج العذراء مع باقي الأبراج النهاردة:

متوافق مع كل الابراج إلا الميزان

*****************************************************************************

إعرف حظك اليوم لبرج الميزان  الأحد 25-6-2017 مع عبدالله أحمد..

حظك النهاردة يا برج الميزان عاطفياً:

خد قلبك وإحضنك وداريه وحافظ عليه اليومين دول ومتخاطرش بيه 

حظك النهاردة يا برج الميزان عملياً:

كمل فرفشة وملكش دعوة بنكد حد

حظك النهاردة يا برج الميزان صحياً:

إشرب مية كتير جدا عشان تحارب الاملاح

تعرف على توافق برج الميزان مع باقي الأبراج النهاردة:

متوافق مع نفسك وبس النهاردة

*****************************************************************************

إعرف حظك اليوم لبرج العقرب  الأحد 25-6-2017 مع عبدالله أحمد..

حظك النهاردة يا برج العقرب عاطفياً:

محتاج تقعد لوحدك حبة النهاردة تصفي قلبك ودماغك من الشوائب 

حظك النهاردة يا برج العقرب عملياً:

تاخد شايك ومجلاتك وترشق ف البانيو وتشغل تراك صوت البحر ومتطلعش مهما خبطوا عليك

حظك النهاردة يا برج العقرب صحياً:

النفسية محتاجة مية وبحر بشكل عاجل

تعرف على توافق برج العقرب مع باقي الأبراج النهاردة:

إبعد عن أي برج صوته عالي

*****************************************************************************

إعرف حظك اليوم لبرج القوس  الأحد 25-6-2017 مع عبدالله أحمد..

حظك النهاردة يا حظك لبرج القوس عاطفياً:

تقدر تحتفل براحتك بالليل بنفسك وبحياتك وبإنجازاتك ف الفترة اللي فاتت..لو مفيش إنجازات يبقى تحتفل بإنك لسة حتة واحدة وعلى قيد الحياة

حظك النهاردة يا برج القوس عملياً:

الفرعون العاشق جاهز للإحتفال هي كلمة سر الليل بالنسبالك النهاردة..ياريت تستخدمها صح

حظك النهاردة يا برج القوس صحياً:

إنبسط وبراحتك..مفيش مايمنع..حاول بس تنام كويس ومتاكلش قبل ماتنام..انتا مش ناقص كوابيس

تعرف على توافق برج القوس مع باقي الأبراج النهاردة:

تقدر تكلفت اي برج ف الكلام إلا برجين..الدلو والقوس

*****************************************************************************

إعرف حظك اليوم لبرج الجدي  الأحد 25-6-2017 مع عبدالله أحمد..

حظك النهاردة يا برج الجدي عاطفياً:

انتا محتاج لون اخضر كتير قدام عينيك النهاردة..محتاج صحبة لطيفة وجنينة ألطف

حظك النهاردة يا برج الجدي عملياً:

إرجع لأحضان الطبيعة الأم ف كل حاجة وف كل تفصيلة..شوفها بتتصرف ازاي وقلدها

حظك النهاردة يا حظك لبرج الجدي صحياً:

طول مانتا ف الهواء الطلق هتبقى كويس..اي حبسة او كتمة او تقوقع مش هيبقى ف صالحك النهاردة

تعرف على توافق برج الجدي مع باقي الأبراج النهاردة:

إتعامل مع اللي يفهمك ويريحك وبس من الابراج

*****************************************************************************

إعرف حظك اليوم لبرج الدلو  الأحد 25-6-2017 مع عبدالله أحمد..

حظك النهاردة يا برج الدلو عاطفياً:

متقربش من أي قلب غامض او مش مفهوم بالنسبالك..مالوش لازمة

حظك النهاردة يا برج الدلو عملياً:

اللي يعمل عليك غامض طنشه..الغامض دة على نفسه وبس 

حظك النهاردة يا برج الدلو صحياً:

فرفش نفسك بنفسك ومتستناش فرفشة من الحياة عشان الجو حر والرطوبة بتبوظ الجيوب الانفية بالجامد اليومين دول

تعرف على توافق برج الدلو مع باقي الأبراج النهاردة:

التوافق عالي جدا مع برج الحمل النهاردة

*****************************************************************************

إعرف حظك اليوم لبرج الحوت  الأحد 25-6-2017 مع عبدالله أحمد..

حظك النهاردة يا برج الحوت عاطفياً:

ركز ف الحب وسيبك من المؤامرات عشان انتا ف الاخر هتتآمر على نفسك

حظك النهاردة يا برج الحوت عملياً:

المخطط اللي بتدبرله من تحت لتحت مش هيفلح..إفتكر اني قولتلك وإطلع من مود زعيم العصابة دة عشان مش لايق عليك

حظك النهاردة يا برج الحوت صحياً:

دلع نفسك مش نكد عليها..جسمك محتاج راحة بعد اي مجهود..مش نكد

تعرف على توافق برج الحوت مع باقي الأبراج النهاردة:

في توافق مرحلي ظاهر مابينك وبين الابراج البرتقاني..إستمتعوا سوا

*****************************************************************************

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام  هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك اليوم وكل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.