إعرف حظك اليوم معانا على دوت مصر كل يوم..وخد بالك الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى يبقى حظنا من حظه ونبقى مبسوطين زيه وبنتمنى نملك الانبساط دة ونتحكم فيه .. ونستدعيه كمان وقت اللزوم زي جني المصباح وزي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

*******************

كلام جد: مهما إستخبيت أو إتداريت.. مسير خلايا مخك تفتن على نفسها..مسير نواياك تبان.. مهما عملت.

عشان تعرف حظك اليوم بشكل كامل .. صفي نيتك ودوس على اسم برجك بإيدك اليمين.

إعرف حظك اليوم لبرج الحمل  السبت 24-6-2017 مع عبدالله أحمد..

حظك النهاردة يا برج الحمل عاطفياً:

مسير الناس تعرف قيمة قلبك وقيمة طيبة قلبك

حظك النهاردة يا برج الحمل عملياً:

أكل ونوم..أكل ونوم ياباشا

حظك النهاردة يا برج الحمل صحياً:

صحتك زي الفل..خد بالك من ضهرك بس وكل حاجة هتبقى زي الفل

إعرف توافق برج الحمل مع باقي الأبراج النهاردة

واضح انك معجب بحد من برج هوائي.. يابختك بصراحة

*****************************************************************************

إعرف حظك اليوم لبرج الثور  السبت 24-6-2017 مع عبدالله أحمد..

حظك النهاردة يا برج الثور عاطفياً:

محتاج أجازة من المشاعر عشان تعرف تستعيد توازنك العاطفي من تاني

حظك النهاردة يا برج الثور عملياً:

خلص كل اللي وراك عشان متبقاش قلقان وإنتا بتعيد ياريت..بلاش هسهس مالوش لازمة

حظك النهاردة يا برج الثور صحياً:

متكربس معدتك مرة واحدة..بالهداوة والنظام وكل حاجة هتتاكل ان شاء الله متقلقش

إعرف توافق برج الثور مع باقي الأبراج النهاردة:

خبي الشيكولاتة بتاعتك كويس عشان في أبراج كيفها تقلبها منك متفهمش ليه

*****************************************************************************

إعرف حظك اليوم لبرج الجوزاء  السبت 24-6-2017 مع عبدالله أحمد..

حظك النهاردة يا برج الجوزاء عاطفياً:

تقوقع وإنكمش وإديها أفلام ومزيكا وأكل برة الدايت

حظك النهاردة يا برج الجوزاء عملياً:

إنتا أهم واحد ف حياتك وبس.. أي حاجة تانية فاكرة نفسها مهمة فهي مهمة على نفسها وبس

حظك النهاردة يا برج الجوزاء صحياً:

محتاج تفك جسمك وعضلاتك بشيء من الرقص يامعلم

تعرف على توافق برج الجوزاء مع باقي الأبراج النهاردة:

طول مانتا واضح هتقدر تتعامل مع اي حد من اي برج

*****************************************************************************

إعرف حظك اليوم لبرج السرطان  السبت 24-6-2017 مع عبدالله أحمد..

حظك النهاردة يا برج السرطان عاطفياً:

متتخانقش مع حد ممكن يفسد مزاجك..مودك امانة النهاردة

حظك النهاردة يا برج السرطان عملياً:

مواجهة حاسمة ف الطريق إليك..طنش وإعمل نفسك مش شايف بلاش كلام فارغ

حظك النهاردة يا برج السرطان صحياً:

طول ما انتا بتتحرك بعد ماتاكل كل شيئ هيبقى تمام..غير كدة هتزعل وقولونك هيزعل

تعرف على توافق برج السرطان مع باقي الأبراج النهاردة:

بلاش حساسية تجاه كلام الابراج اللي ناسها بتحدف طوب وهي بتتكلم..كبر دماغك ومتستفزهمش وترجع تعيط وتشتكي

*****************************************************************************

إعرف حظك اليوم لبرج الأسد  السبت 24-6-2017 مع عبدالله أحمد..

حظك النهاردة يا برج الأسد عاطفياً:

خليك واقعي حبة النهاردة وكبر دماغك..انتا أكبر من انك تضيع وقتك ف الكلام ف تفاصيل صغننة ملهاش لازمة

حظك النهاردة يا برج الأسد عملياً:

متلزمش نفسك بوعود متقدرش توفيها يامعلم..بلاش..هتطلع ف الاخر صغير وإنتا مبتحبش الإحساس دة خالص

حظك النهاردة يا برج الأسد صحياً:

افرد ضهرك ف جنينة وعد النجوم مع حد بتحبه..نفسيتك هتتحسن كتير لو عملت كدة

تعرف على توافق برج الأسد مع باقي الأبراج النهاردة:

خد بالك من برج الثور النهاردة

*****************************************************************************

إعرف حظك اليوم لبرج العذراء  السبت 24-6-2017 مع عبدالله أحمد..

حظك النهاردة يا برج العذراء عاطفياً:

مشاعر إيه وعواطف إيه ياعم الحاج؟..خدت عيدية ولا لأ؟

حظك النهاردة يا برج العذراء عملياً:

الفلوس مش كل حاجة..الفلوس الكتير هي كل حاجة

حظك النهاردة يا برج العذراء صحياً:

طول ما الجيب دفيان النفسية هتدفى برضة وبالتالي جسمك وبالتالي روحك..بنفس التسلسل كدة بالظبط

تعرف على توافق برج العذراء مع باقي الأبراج النهاردة:

اللي يقفشك عيدية يبقى صاحبك وحبيبك ..غير كدة ماياكلش

*****************************************************************************

إعرف حظك اليوم لبرج الميزان  السبت 24-6-2017 مع عبدالله أحمد..

حظك النهاردة يا برج الميزان عاطفياً:

حيران ليه ف مشاعرك النهاردة؟..بذمتك دة وقت تنكد فيه على نفسك كدة..انا راضي ذمتك ياشيخ

حظك النهاردة يا برج الميزان عملياً:

مش مهم تصنف الناس حواليك لحلو ومش حلو..وليه خايف حد يهاجمك..متقلقش وإتطمن..محدش هييجي ناحيتك النهاردة طول مانتا واثق ف نفسك

حظك النهاردة يا برج الميزان صحياً:

إهدى على نفسك حبة ف التفكير عشان جسمك بدأ يتعب بجد..الحياة مش خناقة يابرنس..مش خناقة

تعرف على توافق برج الميزان مع باقي الأبراج النهاردة:

متفق على حبك من كل الأبراج ودي حاجة معروفة وتستاهلها طبعا

*****************************************************************************

إعرف حظك اليوم لبرج العقرب  السبت 24-6-2017 مع عبدالله أحمد..

حظك النهاردة يا برج العقرب عاطفياً:

بتخطط لمصيبة وفاكر محدش يعرف..بس انا عارف وانتا دلوقتي عرفت اني عارف وكل اللي هيقرا الكلام دة هيعرف معانا.. يعني كل الناس عرفت خلاص..اما نشوف هتعمل اللي بتفكر فيه برضة ولا هترتجع وتعقل..اما نشوف

حظك النهاردة يا برج العقرب عملياً:

فكر هتعمل إيه ف العيد..مش ف الهموم ياباشا ياريت

حظك النهاردة يا برج العقرب صحياً:

خد بالك من اللوز ومتقعدش ف التكييف كتير

تعرف على توافق برج العقرب مع باقي الأبراج النهاردة:

تقدر تفرفش أي حد تعرفه بمجهود بسيط ودة معناه انك كنز لباقي الابراج النهاردة..ياريت تستغل دة صح

*****************************************************************************

إعرف حظك اليوم لبرج القوس  السبت 24-6-2017 مع عبدالله أحمد..

حظك النهاردة يا حظك لبرج القوس عاطفياً:

بلاش وهم.. حياتك مش هتبقى احسن لو انتا ف مكان تاني او مع حد مختلف..ف الاخر اللي بينكد عليك هو انتا ودي حاجة للأسف تقدر تعملها ف أي حتة ف العالم

حظك النهاردة يا برج القوس عملياً:

إرمي ورا ضهرك وعدي أي سخافة بتحصل حواليك النهاردة وإنبسط وكُل وشوفلك حاجة حلوة إتفرج عليها

حظك النهاردة يا برج القوس صحياً:

إنتا محتاج مساچ بشكل عاجل

تعرف على توافق برج القوس مع باقي الأبراج النهاردة:

بلاش غموض عشان متخوفش باقي الأبراج منك..خليك سيمبل ولطيف

*****************************************************************************

إعرف حظك اليوم لبرج الجدي  السبت 24-6-2017 مع عبدالله أحمد..

حظك النهاردة يا برج الجدي عاطفياً:

يوم مناسب للزقططة والفرفشة وبس

حظك النهاردة يا برج الجدي عملياً:

فكك من المذاكرة والشغل وإلعب حبة من نفسك

حظك النهاردة يا حظك لبرج الجدي صحياً:

الصحة تمام طول مانتا بعيد عن أي حد شكاء بكاء وغاوي نكد

تعرف على توافق برج الجدي مع باقي الأبراج النهاردة:

خد بالك من برج العقرب عشان شكله بيتآمر عليك ف السر

*****************************************************************************

إعرف حظك اليوم لبرج الدلو  السبت 24-6-2017 مع عبدالله أحمد..

حظك النهاردة يا برج الدلو عاطفياً:

هتتحب لحد مايبانلك صحاب ف ارجوك متقفلش على قلبك الباب

حظك النهاردة يا برج الدلو عملياً:

أي حد يقولك تعالى نكتئب سوا متروحش معاه من فضلك وخد بالك ميكروب الإكتئاب معدي

حظك النهاردة يا برج الدلو صحياً:

إهتم بصحتك من فضلك..مش كل يوم هنقول نفس الكلام دة عيب احنا كبار..مهم تاكل كويس وتنام كويس وتلعب كويس برضة

تعرف على توافق برج الدلو مع باقي الأبراج النهاردة:

إنتا محبوب من معظم الابراج ودة شيئ جميل بس خطر خلي بالك

*****************************************************************************

إعرف حظك اليوم لبرج الحوت  السبت 24-6-2017 مع عبدالله أحمد..

حظك النهاردة يا برج الحوت عاطفياً:

إسمع لقلبك النهاردة وبس..مش عيب أبدا.. وبرضة مش عيب تفضي نفسك عشر دقايق تتطمن على حبايبك بمكالمة ولا رسالة ولا ربع كفتة وطرب

حظك النهاردة يا برج الحوت عملياً:

إركن طموحك النهاردة وإستمتع بالحياة ببساطة

حظك النهاردة يا برج الحوت صحياً:

مفيش متاعب صحية بس النفسية محتاجة تتدلع وتصفى

تعرف على توافق برج الحوت مع باقي الأبراج النهاردة:

متهاجمش حد برج الدلو النهاردة عشان هتزعل جامد

*****************************************************************************

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام  هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك اليوم النهاردة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك اليوم وكل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.