التوقيت الثلاثاء، 19 مارس 2024
التوقيت 10:40 ص , بتوقيت القاهرة

7 تخمينات من تيرلر Game Of Thrones الجديد

فجأة وعلى غفلة نزل الاعلان التاني من Game Of Thrones مع انه فاضل اقل من شهر على بداية الموسم السابع، وعموما المرة دي التريلر أطول شويتين وأوضح كمان عن التريلر الأول.



1 بران وميرا ريد وصلو الحيط ودخلو شمال ويستروس، دة طبعا معناه ان بنجين ستارك مش معاهم.



2 الحرب الجاية بين سيرسي ودينيرس ويورون جرايجوي.. غالبا دينيرس بتحارب الاول اللاينسترز لأن فيه مشهد دخول جيش دينيريس لكينجزلاندينج.



3 جيش لاينستر بيحارب برضه غالبا ضد جيش تيريل والقائد في الحرب دي هيبقى جيمي، المشكلة انه بيحارب في منطقة مولعة دة غالبا معناه ان دينيريس موجودة بالتنانين التلاتة يعني هيبقى محظوظ لو مبقاش باربكيو.



4 تحالف جديد بين جون سنو ودينيريس .. دة كان سبويلر من فان عبقري عرف يتسلل لمواقع التصوير السنة اللي فاتت وينشر الصور على النت.



5 العدو الحقيقي طبعا الوايت ووكرز واللي لازم تكون اخر معركة في المسلسل تقريبا



6 جون سنو هيقابل الوايلدلينج تاني.. المرة دي في مشهد بيقتل فيه حد وغالبا بياخد الزعامة عليهم زي ما بقى ملك الشمال.



7 فيه فريق تاني بينضم للحرب في الشمال ضد الوايت ووكرز.. بيرك دونداريون اللي رجع من الموت سبع مرات ومعاه سيف نار.


Image result for beric dondarrion


عموما مش شرط كل الكلام دة يبقى صح 100% لأن لسة قدامنا لحد 16 يوليو.