التوقيت الجمعة، 29 مارس 2024
التوقيت 02:51 م , بتوقيت القاهرة

برج الجوزاء الجمعة 16-6-2017 مع عبدالله أحمد

برج الجوزاء الجمعة 16-6-2017 مع عبدالله أحمد
برج الجوزاء الجمعة 16-6-2017 مع عبدالله أحمد

برج الجوزاء الجمعة 16-6-2017 مع عبدالله أحمد


حاول متنكدش على نفسك ف يوم مفترج زي النهاردة يا برج الجوزاء وراعي مشاعر نفسك وبلاش تجبرها على حاجة مش مقاسها..


الحياة مبتمشيش بالمنظر دة خالص ولا القلب ممكن تجبره على ما لا يحبه طول العمر..هيتعب وهيتعبك معاه..ف على ايه ياكتكوت..


خليك ف صفه أحسن..خليك ف النور..كفاية ضلمة..


على الفطار مهم تاكل كويس وتبتدي بحاجة حلوة النهاردة..مهم اول طعم يخش بقك يكون مسكر..هيفرق ف نفسيتك كتير يامعلم.


برج الجوزاء



الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام  هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك اليوم النهاردة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك اليوم وكل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


حظك اليوم