حظك اليوم مع عبدالله أحمد.. الجمعة 14 أبريل 2017

صباح الجمال..

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ قد يكون موجود وقد يكون غير موجود، ولكن بنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى مبسوطين زيه وبنتمنى نملك الانبساط دا ونتحكم فيه، ونستدعيه وقت اللزوم.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل.

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر دا وانت بتقرا حظك اليوم النهاردة .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم.

عشان تعرف حظك اليوم وتوقعات أبراج اليوم النهاردة على المستوى العملي والعاطفي والصحي .. دوس على اسم أو صورة برجك بإيدك اليمين.

برج الحمل .. الجمعة 14 أبريل 2017..متضربش حد بالطوبة يا برج الحمل

برج الثور.. الجمعة 14 أبريل 2017..حاول تقدر الحياة الليلة يا برج الثور عشان تقدرك

برج الجوزاء.. الجمعة 14 أبريل 2017..طول مانتا مستغرب من كل حاجة مش هتعرف تستريح وتنبسط

برج السرطان.. الجمعة 14 أبريل 2017..محتاج تبقى مرن اكتر من كدة مع الحياة

برج الأسد.. الجمعة 14 أبريل 2017..متتعصبش يا برج الأسد

برج العذراء .. الجمعة 14 أبريل 2017..وراك حاجات كتير لازم تتعمل النهاردة

برج الميزان.. الجمعة 14 أبريل 2017..متحاولش ف المستحيل الي انتا عارف انه مستحيل

برج العقرب.. الجمعة 14 أبريل 2017..المجهود البدني النهاردة مفيد جدا ليك يا برج العقرب

برج القوس.. الجمعة 14 أبريل 2017..في عكوسات ف الهوا وفي حسد لايقهره إلا الحب يا برج القوس

برج الجدي.. الجمعة 14 أبريل 2017.. حاول تكبر دماغك ومتاخدش كل حاجة على كرامتك النهاردة

برج الدلو.. الجمعة 14 أبريل 2017.. مهم تروق وتسيب نفسك لأحلام اليقظة

برج الحوت.. الجمعة 14 أبريل 2017.. محتاج أجازة من الاجازة يا برج الحوت.. 

 تابعنا يومياً عشان تعرف حظك اليوم وكل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.