العقرب

العقرب ينطبق عليه أغنية "بتبعديني عن حياتك بالملل"، والخيانة هي أسرع وسيلة لتدمير العلاقة بالعقرب، بس خدوا بالكم العقرب حتى لو العلاقة انتهت هيفضل يراقبكم من بعيد.

السرطان

عايز السرطان يكرهك وبخه قدام الناس، ولو عايز تخلص منه بالهداوة، خليك بارد ولئيم وخبي عنه حاجات كتير، وخلي بالك السرطان هيحارب كتير علشان ما يخسركش.

العذراء

العذراء ما بيسيبش حد بسهولة إلا إذا كان هو اللي واخد القرار، لكن لو إنت عايز تطفشه خليك وقح، اشتمه واتهمه اتهامات جامدة زي إنت ولا حاجة أصلا، وملكش لازمة.

الميزان

السلبية في العلاقة هتخلي الميزان يهرب منك، خليك مادي قوي في كل تصرافتك وانسى الرومانسية خالص، وآخر حاجة بقى هتجيب من الآخر مع الميزان، انكر فضله أو حاجة هو عملها علشانك.

الجدي

خلاص مش عايز تكمل مع برج الجدي، يبقى تبدأ تقارنه بناس تانية، وانتقد عيلته وأهله، وقوله بلاش فلسفة فارغة وإنت بتقول أي كلام، وأخيرا بقى علشان تدمر العلاقة خالص، خليك إنسان مهمل في حياتك وبلا هدف.

الدلو

برج الدلو هيوفر عليك التعب وهيسيبك تنهي العلاقة بهدوء جدا، بس إنت خليك دنيء معاه، وحسسه بالرفض والإهمال والسلبية في كل تفاصيل علاقتكم هتخليه يفهم إنك مش عايز تكمل.

الحوت

البعد هو كلمة السر في إنهاء العلاقات مع برج الحوت، ابعد عنه واتشغل في حياتك وهو هيفهم بسرعة قوي إنك مش عايزه، وحتى لو جمعتك الظروف تجاهله، دي أكتر حاجة بتدمر العلاقة عنده.

الثور

لو قولت لحد من مواليد برج الثور إنك خنته حتى لو بالكدب، عمره ما هيعرفك تاني، بس لو مقدرتش تعمل كده اتأخر على مواعيدكم سوا، وإلغلي مواعيد كتير بينكم، وخليك قليل الزوق.

الجوزاء

سر فركشة علاقة مع  الجوزاء "الرفض".. ارفض أي اقتراح منه، ارفض أي طلب يطلبه، اعترض على كل حاجة يقولها، وهو هيكرهك ويكره علاقته بيك، ولو عايز تعجل بالنهاية، قوله إنه فاشل في كل حاجة.

الأسد

الأسد هينهي العلاقة باحترام لو قولتله في وشه إنك مش عايزة تاني، ولو مقدرتش يبقى انتقاد بقى عمال على بطال، وهو مش هيستحمل وهيخلع بنفسه.

الحمل

حسس برج الحمل إنه ملوش لازمة وإنه مجرد سنيد ودور ثانوي كده في الحكاية، وهو هيطفش منك علطول، مع شوية ملل في المكالمات والمقابلات هيقطع علاقته بيك علطول.

القوس

خبي وداري شوية تفاصيل عن برج القوس وهيبدأ يكرهك جدا، ولو عايز تخلص من علاقتكم بسرعة، اظهر له شوية جبن وضعف شخصية وإنك مش عارف تاخد قرار، وخايف من شوية حاجات كده، وتأكد برج القوس مش هيعرفك تاني.