التوقيت الجمعة، 29 مارس 2024
التوقيت 04:48 ص , بتوقيت القاهرة

برج السرطان حظك اليوم الأحد 11/3/2018 ..فلوس ف الطريق إليك

برج السرطان
برج السرطان

تعرف على حظك اليوم ل برج السرطان مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


برج السرطان


حظك اليوم برج السرطان عاطفياً:


( الكراش والإكس والبوي والجيرل فريند والجوز والزوجة والقرايب ):


غالبا مشاعرك النهاردة محتاجة طرمخة كتير جدا النهاردة.. ف شوف خروجة حلوة وحد عارفك كويس بس بيحب يجاملك ويقولك كلام كويس عن نفسك.. إسمعه النهاردة حبة.. او فكك من كل الكلام دة وخش سينما وأهي تبقى برضة فرصة مناسبة تنقي فيلم مخالف لكل الاذواق او متخصص ومتميز وبيحسسك انك احسن من اللي حواليك او اذكى


حظك اليوم برج السرطان عملياً:


( الشغل والمذاكرة والتخطيط لبكرة ):


فلوس جايالك ف الاغلب النهاردة او هدية او حاجة قيمة.. ماشية معاك حلاوة ماشاء الله.. ع الله متطلعش باكو شيكولاتة ف الاخر ويطلع نئبك على شونة ياصغنونة


حظك اليوم برج السرطان صحياً:


( نفسيا وجسمانيا وكل مايخص طاسة المزاج ):


صحتك النهاردة محتاجة شوية اهتمام خصوصا ببشرتك وبنفسيتك بشكل عام وبودانك


حظك الغذائي


غذائيا النهاردة تقدر تتجه للمكرونة بالوايت صوص والمشروم والفراخ والموتزاريلا على الوش


شعارك اليوم


الضهر إنحني من كتر الشبحنة..


لونك اليوم:


بوستاشيو..


إعرف توافق برج السرطان مع باقي الأبراج النهاردة


متوافق مع الابراج الحلبسية والكهربائية والبرمائية والكتكوتية والمائية والنارية والبهوائية ( اخت الهوائية بس مبهوئة حبة).


من مشاهير برج السرطان


Katrina Kaif برج السرطان



الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج السرطان