تعرف على حظك اليوم ل برج السرطان مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج السرطان عاطفياً:

( الكراش والإكس والبوي والجيرل فريند والجوز والزوجة والقرايب ):

راعي صحتك حبة وخصوصا ان ضغطك النهاردة ممكن يلاعبك حبة مع تغير الجو المتقلب.. كمان ياريت تهتم حبة ببشرتك ومزاجك اللي انتا مطنشه بقالك فترة كأنك بتعاقبه على شيئ غامض ومش مفهوم.

حظك اليوم برج السرطان عملياً:

( الشغل والمذاكرة والتخطيط لبكرة ):

كل حاجة ماشي حالها بس في تلاكيك ف الاجواء حواليك.. خليك هادي بقى ومتعملش قلق ومتلفتش الانظار ليك خالص النهاردة..

حظك اليوم برج السرطان صحياً:

( نفسيا وجسمانيا وكل مايخص طاسة المزاج ):

صحتك النهاردة تتطلب شوية حركة ف المكان ايا كانت حتى لو هتتنطط على السرير او على الكنبة..

حظك الغذائي

غذائيا النهاردة تقدر تتجه للخضار اكتر من اللحوم وركز ف الملوخية والسبانخ والرقاق براحتك

شعارك اليوم

الضهر إنحني من كتر الشبحنة..

لونك اليوم:

بوستاشيو..

إعرف توافق برج السرطان مع باقي الأبراج النهاردة

متوافق مع الابراج الحلبسية والكهربائية والبرمائية والكتكوتية والنارية والترابية والهوائية والمائية..

من مشاهير برج السرطان

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.