تعرف على حظك اليوم لبرج العقرب مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج العقرب
حظك اليوم برج العقرب

حظك اليوم برج العقرب عاطفياً

( الكراش والإكس والبوي والجيرل فريند والجوز والزوجة والقرايب ):

في حد هيعاملك حلو بزيادة النهاردة.. متفرحش اوي.. جايز عاوز منك مصلحة ولا حاجة مش بيعاملك حلو لمجرد سواد عيونك.. خد بالك كدة وصحصح عشان محدش يضحك عليك.

حظك اليوم برج العقرب عملياً:

( الشغل والمذاكرة والتخطيط لبكرة ):

انتا عارف مصلحتك كويس جدا ومش محتاج حد يقولك اي حاجة عنها خصوصا وانك مبيعجبكش اساسا اي نصايح من اي حد رغم انك من اكتر الناس اللي محتاجة نصايح وبتدور عليها ف السر عشان هي تايهة ف الحياة زيها زي اي حد بس عايشة ف دور انها اكبر من انها تتنصح او انها تعترف انها محتاجة نصيحة اساسا من اي حد.. دة طبعا بجانب انك بتعشق انك انتا اللي تنصح الناس وتقولهم يعملوا ايه وميعملوش ايه.. مش العكس.

حظك اليوم برج العقرب صحياً:

( نفسيا وجسمانيا وكل مايخص طاسة المزاج ):

صحتك النهاردة محتاجة منك ترقص تحت المطر او تتمشى على الاقل حبة مع نفسك او مع حد مش هتفرق كتير..

حظك الغذائي:

غذائيا النهاردة تقدر تتجه للعدس الأصفر والبصل الأخضر والبرتقان والموز.

شعارك اليوم:

متعملش لحزنك مقام..كدة مش تمام..كدة مش تمام..

لونك اليوم:

لافاندر فاتح..

إعرف توافق برج العقرب مع باقي الأبراج النهاردة

متوافق مع الابراج الحنكوشية والكهربائية والبرطمانية والكهرمانية والهوائية والمائية والنارية..

من مشاهير برج العقرب

Troian Bellisario برج العقرب
Troian Bellisario برج العقرب

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت ..

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.