التوقيت الخميس، 28 مارس 2024
التوقيت 08:47 م , بتوقيت القاهرة

برج السرطان حظك اليوم الثلاثاء 13/2/2018 ..انتا أدرى واحد بنفسك وبحالك

برج السرطان
برج السرطان

تعرف على حظك اليوم ل برج السرطان مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


حظك اليوم برج السرطان


حظك اليوم برج السرطان عاطفياً:


( الكراش والإكس والبوي والجيرل فريند والجوز والزوجة والقرايب ):


محدش يقدر يقرر مصيرك ف الحياة الا انتا وبس.. اي وهم تاني ارجوك متسرحش وراه.. انتا وبس اللي عارف امكانيات نفسك وانتا اللي تقدر توظفها صح وبس.. غير كدة هيبقى كله كلام مالوش عازة من ناس برضة ف الاغلب ف حياتها محتاسة وبتتكلم عنك من منطلق فكرتها عنك وعن قدراتك.. مش أكتر..


حظك اليوم برج السرطان عملياً:


( الشغل والمذاكرة والتخطيط لبكرة ):


 


بلاش الوان غامقة ف الهدوم من اي نوع النهاردة عشان العكوسات متعملكش مشاكل ياريت..


حظك اليوم برج السرطان صحياً:


( نفسيا وجسمانيا وكل مايخص طاسة المزاج ):


صحتك النهاردة اروق من امبارح حبة وف تحسن خفيف بس ملحوظ.. 


حظك الغذائي


غذائيا النهاردة تقدر تتجه للشوربة بكل اشكالها وانواعها وللسميط والجبنة.. وللطواجن برضة براحتك


شعارك اليوم


الضهر إنحني من كتر الشبحنة..


لونك اليوم:


بوستاشيو..


إعرف توافق برج السرطان مع باقي الأبراج النهاردة


متوافق مع الابراج الحلبسية والكهربائية والبرمائية والمائية والكتكوتية والنارية..


من مشاهير برج السرطان


Katrina Kaif برج السرطان



الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج السرطان