التوقيت الجمعة، 29 مارس 2024
التوقيت 06:58 ص , بتوقيت القاهرة

حظك اليوم مع عبدالله أحمد الأربعاء 24/1/2018 كهربا للميزان وبوسة للدلو

حظك اليوم وتوقعات الأبراج مع عبدالله أحمد الأربعاء 24/1/2018
حظك اليوم وتوقعات الأبراج مع عبدالله أحمد الأربعاء 24/1/2018

إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..


 


  : كلام جد


طبيعي كل راجل يخش حياتك يشتم ف الراجل اللي كان موجود فيها قبله.. دي طبيعة اي صنايعي او ميكانيكي ف اي حتة ف العالم تقريبا بيجهز لمرمة جديدة وإستغلال جديد.


عشان تعرف حظك بشكل كامل .. صفي نيتك ودوس على اسم برجك بإيدك اليمين.


حظك اليوم برج الحمل دوت مصر


إعرف حظك اليوم برج الحمل بالتفصيل الأربعاء 24/1/2018 مع عبدالله أحمد..


الحمل: من 21 مارس إلى 19 ابريل


برج الحمل عاطفياً


( الكراش والإكس والبوي فريند والجيرل فريند والجوز والزوجة والقرايب ):


عينيك بتفتن عليك لما بتحب حد.. بتفضل باصصله ومتنحله وولا بيفرق معاك ان الدنيا كلها خدت بالها من الموضوع دة اساسا.. معاك حق مش مهم الناس تاخد بالها.. انتا بتحب حلو ودة المهم..


برج الحمل عملياً


( الشغل والمذاكرة والتخطيط لبكرة ):


عمليا انتا محتاج النهاردة تتحرك وتحقق جزء بسيط من اهدافك بدل مانتا قاعد تشتكي ان الدنيا معاكساك ومفيش حاجة بتمشي على مزاجك.. ابتدي انتا بس وان شاء الله هتكمل على خير وهتنجح..


برج الحمل صحياً


( نفسيا وجسمانيا وكل مايخص طاسة المزاج ):


صحتك كويسة النهاردة بس خد بالك عشان البرد والرشح منتشرين ف الاجواء.. خد بالك من نفسك كويس بليز


إعرف توافق برج الحمل مع باقي الأبراج النهاردة:


متوافق مع الابراج البسبوسية والمرمرية والبلاستيكية والمائية والنارية..


حظك اليوم برج الثور دوت مصر


إعرف حظك اليوم برج الثور بالتفصيل الأربعاء 24/1/2018 مع عبدالله أحمد..


الثور : من 20 ابريل إلى 20 مايو


برج الثور عاطفياً


( الكراش والإكس والبوي فريند والجيرل فريند والجوز والزوجة والقرايب ):


كتكوت ف نفسك الليلة..حاول بس متقلقش.. وإفهم ان اللي خسرك فضى مكان ف حياتك عشان تحط فيه معرفة قيمة لحد يستاهل معرفتك وحبك وإحترامك


برج الثور عملياً


( الشغل والمذاكرة والتخطيط لبكرة ): 


كل حاجة هتمشي زي مانتا عاوزها قريب.. بس مش دلوقتي.. ولحد ما دة يحصل حاول تتفهم ان الحياة بتحب تماطل وتفاصل بسادية عجيبة لما بتحس ان في حد زيك كدة عارف كويس جدا هو عاوز منها ايه.. بس على مين.. انتا اعند من العند ذات نفسه وبإصرارك ومثابرتك هتاخد حبابي عينيها منها.. اتقل بس ومتزهقش ابدا..


برج الثور صحياً 


( نفسيا وجسمانيا وكل مايخص طاسة المزاج ):


صحتك محتاجة اهتمام خصوصا لو بتاخد دوا اعتيادي لضغط او لسكر.. اهتم حبة عشان تعرف تنبسط وميبقاش في اي نكد مفاجئ ياكتكتوت


إعرف توافق برج الثور مع باقي الأبراج النهاردة:


متوافق مع الابراج البسكوتية والبربوشية والهوائية والنارية والكتكوتية..


حظك اليوم برج الجوزاء دوت مصر


إعرف حظك اليوم برج الجوزاء بالتفصيل الأربعاء 24/1/2018 مع عبدالله أحمد..


الجوزاء: من 21 مايو إلى 20 يونيو


برج الجوزاء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


محدش بيكرهك على فكرة.. بالعكس انتا محبوب جدا وجميل بجد ويمكن لدرجة انتا مش عارف تفاصيلها كويس.. حاول بس تعامل الناس بسيستم واحد وبلاش غدر ومفاجأت.. مش اكتر


برج الجوزاء عملياً 


( الشغل والمذاكرة والتخطيط لبكرة ):


تقلباتك المزاجية مش لازم تبان للناس طول الوقت.. حاول تداريها شوية النهاردة


برج الجوزاء صحياً 


( نفسيا وجسمانيا وكل مايخص طاسة المزاج ):


صحتك النهاردة كويسة وماشي حالها.. حاول بس تهتم شوية زيادة بالأكل والنوم.. دلع نفسك عشان تدلعك يابرنس


تعرف على توافق برج الجوزاء مع باقي الأبراج النهاردة:


متوافق مع الابراج البرجماتية والحنكوشية والنباتية والنارية والهوائية..


حظك اليوم برج السرطان دوت مصر


إعرف حظك اليوم برج السرطان بالتفصيل الأربعاء 24/1/2018 مع عبدالله أحمد..


السرطان: من 21 يونيو إلى 22 يوليو


برج السرطان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


حاول تكلم اللي بتحبه النهاردة ف التليفون وتقوله كلام حلو وتفاجئه كدة اول مايصحى من النوم وتبسطه وتنبسط معاه..


برج السرطان عملياً 


( الشغل والمذاكرة والتخطيط لبكرة ):


محدش واقف ف طريقك النهاردة الا نفسك وبس.. اتفاهم معاها وشوف عاوزة ايه وراضيها خليك تشوف اللي وراك وتنجز ف اشيائك من غير اي عوائق نفسية ف الطريق..


برج السرطان صحياً 


(نفسيا وجسمانيا وكل مايخص طاسة المزاج ):


متكتمش العطسة وإعطس براحتك طالما مبتعطسش ف وش اي حد حواليك..


تعرف على توافق برج السرطان مع باقي الأبراج النهاردة:


متوافق مع الابراج الحلبسية والكهربائية والكتكوتية والهوائية والبرمائية..


حظك اليوم برج الا?سد دوت مصر


إعرف حظك اليوم برج الأسد بالتفصيل الأربعاء 24/1/2018 مع عبدالله أحمد..


الأسد: من 23 يوليو إلى 22 اغسطس


برج الأسد عاطفياً 


( الكراش والإكس والبوي فريند والجيرل فريند والجوز والزوجة والقرايب ):


محتاج اللي يفهمك اكتر من اللي يحبك ودة طلب صعب لأنك ممكن تلاقي اللي ينبهر بجمالك وثقتك ف نفسك بسهولة بس صعب يقدر دماغك وذكائك وحساسيتك تجاه النقد.. دور كويس ومتزهقش وهتلاقي طلبك.. اتمنالك دة بصراحة..


برج الأسد عملياً 


( الشغل والمذاكرة والتخطيط لبكرة ):


هتشترك النهاردة ف حاجة حلوة مع حد حلو.. استمتع وانجح براحتك.. الاجواء مناسبة رغم حقد الحاقدين وحسد الحاسدين وقرف المقرفين.


برج الأسد صحياً 


( نفسيا وجسمانيا وكل مايخص طاسة المزاج ):


صحتك النهاردة كويسة والمناعة شغالة كويس.. يارب دايما يامعلم..


تعرف على توافق برج الأسد مع باقي الأبراج النهاردة:


متوافق مع الابراج الفشكولية والباراكودية والنارية والمائية والترابية


حظك اليوم برج العذراء دوت مصر


إعرف حظك اليوم برج العذراء بالتفصيل الأربعاء 24/1/2018 مع عبدالله أحمد..


العذراء: من 23 اغسطس إلى 22 سبتمبر


برج العذراء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


سر الحياة مش هيبقى سر لو قالتلك عليه.. خليهولها تلعب بيه وتفرح لوحدها وإنبسط انتا ومتفكرش ف اي حاجة نكد أحسن وأروق وأبسط خصوصا وانك محتاج شوية بساطة ف حياتك بشدة اليومين دول..


برج العذراء عملياً 


( الشغل والمذاكرة والتخطيط لبكرة ):


متنتقدش حد وبص لنفسك ولحياتك احسن يابرنس.. كمان ياريت تكبر دماغك بجد الليلة..


برج العذراء صحياً 


( نفسيا وجسمانيا وكل مايخص طاسة المزاج ):


صحتك النهاردة ماشي حالها بس احتياطي برضة خليك ف الاكل البسيط واتحرك حبة حلوين ومتفكرش ف حاجة سبية من فضلك.. زقطط حبة.. دة حقك ف الحياة


تعرف على توافق برج العذراء مع باقي الأبراج النهاردة:


متوافق مع الابراج البرطمانية والكستبانية والهوائية والنارية..


حظك اليوم برج الميزان دوت مصر


إعرف حظك اليوم برج الميزان بالتفصيل الأربعاء 24/1/2018 مع عبدالله أحمد..


الميزان : من 23 سبتمبر إلى 22 اكتوبر


برج الميزان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


اشحن تليفونك من بدري عشان في حد حلو هيكلمك يقولك كلام حلو النهاردة.. حاول تسمع ومترغيش كتير وتقاطعه ف الكلام..


برج الميزان عملياً 


( الشغل والمذاكرة والتخطيط لبكرة ):


إبعد النهاردة عن اي حاجة فيها كهربا ومتلعبش ف اي حاجة مش بتاعتك.. بلاش وإفتكر اني قولتلك بلاش


برج الميزان صحياً 


( نفسيا وجسمانيا وكل مايخص طاسة المزاج ):


صحتك النهاردة كويسة بس ممكن تبقى افضل على الاقل نفسيا لو اتصرفت صح وخصوصا لو جربت متبتديش اي جملة النهاردة بكلمة "لأ"..


تعرف على توافق برج الميزان مع باقي الأبراج النهاردة:


متوافق مع الابراج الدرامية والفضية والمائية والترابية..


حظك اليوم برج العقرب دوت مصر


إعرف حظك اليوم برج العقرب بالتفصيل الأربعاء 24/1/2018 مع عبدالله أحمد..


العقرب: من 23اكتوبر إلى 21 نوفمبر


برج العقرب عاطفياً 


( الكراش والإكس والبوي فريند والجيرل فريند والجوز والزوجة والقرايب ):


حاول تركز ف الجانب العملي ف حياتك اكتر من كدة حبة ومتسرحش ورا الافكار السلبية اللي كلها بتدور حوالين قد ايه انتاغ مظلوم ف الحب والغرام.. شوف اكل عيشك يابا حبة احسن


برج العقرب عملياً 


( الشغل والمذاكرة والتخطيط لبكرة ):


ركز وجدا النهاردة ف تفاصيل حياتك العملية وبلاش كسل.. كمان ياريت تقرب حبة من الانشطة اليدوية وتبعد عن التكنولوجيا حبة عشان متصدعش دماغك بدون داعي..


برج العقرب صحياً 


( نفسيا وجسمانيا وكل مايخص طاسة المزاج ):


صحتك النهاردة كويسة وزي الفل ومنتعشة عشان انتا بتقاوم وبتقاوح وبتعرف تداري اوجاعك كويس بس مش اكتر مش عشان مفيش ف جسمك اوجاع.. طب ماتشوف حلول سريعة وتكشف وتاخد دوا وتخف.. خايف تعترف انك عيان ليه؟.. عيب تبقى معتبر الاعتراف بالمرض ضعف.. عيب والله


تعرف على توافق برج العقرب مع باقي الأبراج النهاردة:


متوافق مع الابراج الحنكوشية والبرطمانية والمائية والترابية والهوائية.


حظك اليوم برج القوس دوت مصر


إعرف حظك اليوم برج القوس بالتفصيل الأربعاء 24/1/2018 مع عبدالله أحمد..


القوس: من 22 نوفمبر إلى 21 ديسمبر


برج القوس عاطفياً 


( الكراش والإكس والبوي فريند والجيرل فريند والجوز والزوجة والقرايب ):


انتا مش متسلط ولا حاجة.. انتا بس دماغك بتشتغلك كتير عشان فاكر نفسك اذكى واحد ف الدنيا.. مش اكتر


برج القوس عملياً 


( الشغل والمذاكرة والتخطيط لبكرة ):


صحتك النهاردة ماشي حالها بس ممكن تكون افضل خصوصا لو عملت اي نشاط رياضي من اي نوع بدل الانتخة اللي انتا عايش فيها دي ياكابتن


برج القوس صحياً 


( نفسيا وجسمانيا وكل مايخص طاسة المزاج ):


غذائيا النهاردة يحبذ تتجه للجبن بكل انواعها مع اي فطير بلدي مشلتت وعسل اسود وطحينة وفاكهة وفكك من الطبيخ خالص ياريت..


تعرف على توافق برج القوس مع باقي الأبراج النهاردة:


متوافق مع الابراج الفركتوزية والحبشتكانية والحنجورية والنارية والهوائية.


حظك اليوم برج الجدي دوت مصر


إعرف حظك اليوم برج الجدي بالتفصيل الأربعاء 24/1/2018 مع عبدالله أحمد..


الجدى: من 22 ديسمبر إلى 19 يناير


برج الجدي عاطفياً 


( الكراش والإكس والبوي فريند والجيرل فريند والجوز والزوجة والقرايب ):


مش وقت عواطف وحب خالص النهاردة.. ركز ف حياتك العملية شوية عشان تفلح وتقوملك قومة.. ركز كويس.. الحب مش هيطير..


برج الجدي عملياً 


( الشغل والمذاكرة والتخطيط لبكرة ):


متلعبش مع حد انتا مش قده لعبة انتا مش عارف قواعدها كويس جدا بشكل مسبق.. مش هيعجبك احساس الهزيمة خالص اليومين دول ف اي حاجة مهما كانت بسيطة او تافهة


برج الجدي صحياً 


( نفسيا وجسمانيا وكل مايخص طاسة المزاج ):


طول مانتا نيتك صافية وسالكة يبقى متقلقش من اي حاجة ف اي اتجاه..


تعرف على توافق برج الجدي مع باقي الأبراج النهاردة:


متوافق مع الابراج المرمرية والحنكوشية المائية والهوائية..


حظك اليوم برج الدلو دوت مصر


إعرف حظك اليوم برج الدلو بالتفصيل الأربعاء 24/1/2018 مع عبدالله أحمد..


الدلو: من 20 يناير إلى 18 فبراير


برج الدلو عاطفياً 


( الكراش والإكس والبوي فريند والجيرل فريند والجوز والزوجة والقرايب ):


هتتباس النهاردة ف الحلم.. حط برفان قبل ماتنام وإتشيك كدة وروق دماغك


برج الدلو عملياً 


( الشغل والمذاكرة والتخطيط لبكرة ):


المزيكا النهاردة هتبقى تقريبا اهم من اي حاجة بالنسبالك.. واضح ان عقلك محتاج يعوم حبة ف الخيال الحلو.. خصوصا وانتا صاحي..


برج الدلو صحياً 


( نفسيا وجسمانيا وكل مايخص طاسة المزاج ):


اهتم بصدرك حبة وحاول تشرب اي اعشاب مقاومة للبرد واعراضه.. الجنزبيل ماشي حاله والقرفة برضة..


تعرف على توافق برج الدلو مع باقي الأبراج النهاردة:


متوافق مع الابراج الكستبانية والدخانية والمونوكرومية والهوائية والترابية والبرمائية.


حظك اليوم برج الحوت دوت مصر


إعرف حظك اليوم برج الحوت بالتفصيل الأربعاء 24/1/2018 مع عبدالله أحمد..


الحوت: من 19 فبراير إلى 20 مارس


برج الحوت عاطفياً 


( الكراش والإكس والبوي فريند والجيرل فريند والجوز والزوجة والقرايب ):


في حد قريب منك بيمثل عليك انه بيحبك وانتا عارف دة كويس ورغم كدة سايبه يلعب عشان واثق ف ذكائك وقوتك بزيادة.. خد بالك انه ساعة مايغرق هيغرقك معاه وقريب جدا.. اختار تبعد وتتصرف صح.. بلاش ثقة زيادة.. بلاش


برج الحوت عملياً 


( الشغل والمذاكرة والتخطيط لبكرة ):


إحترس من القريب منك مش من البعيد.. خصوصا ف المصالح والفلوس.. خد بالك كويس ومتثقش ف نفسك بزيادة


برج الحوت صحياً 


( نفسيا وجسمانيا وكل مايخص طاسة المزاج ):


صحيا النهاردة انتا محتاج تخرج مع حد بيحب يسمعك مش بيحب يتكلم وانتا تسمعه وبس


تعرف على توافق برج الحوت مع باقي الأبراج النهاردة:


متوافق مع الابراج البسبوسية واللولبية والفهلوية الهوائية والترابية.



اعلان حظك اليوم دوت مصر