التوقيت الثلاثاء، 19 مارس 2024
التوقيت 10:28 ص , بتوقيت القاهرة

حظك اليوم مع عبدالله أحمد الثلاثاء 23/1/2018 دراما للحمل وقطط للعقرب

حظك اليوم وتوقعات الأبراج مع عبدالله أحمد الثلاثاء 23/1/2018
حظك اليوم وتوقعات الأبراج مع عبدالله أحمد الثلاثاء 23/1/2018

إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..


 


  : كلام جد


مفيش بنت وحشة.. أكيد ف كون موازي في نسخة منها حلوة.. والعكس بالعكس.


عشان تعرف حظك بشكل كامل .. صفي نيتك ودوس على اسم برجك بإيدك اليمين.


حظك اليوم برج الحمل دوت مصر


إعرف حظك اليوم برج الحمل بالتفصيل الثلاثاء 23/1/2018 مع عبدالله أحمد..


الحمل: من 21 مارس إلى 19 ابريل


برج الحمل عاطفياً


( الكراش والإكس والبوي فريند والجيرل فريند والجوز والزوجة والقرايب ):


قلبت الدنيا دراما ليه جوة نفسك فجأة مانتا كنت كويس وزي الفل وبتضحك.. ايه اللي حصل بقى؟..


برج الحمل عملياً


( الشغل والمذاكرة والتخطيط لبكرة ):


بدأت تحس انك غلطان وندمان ومش عارف تبتدي كلام ازاي.. مش كدة..


برج الحمل صحياً


( نفسيا وجسمانيا وكل مايخص طاسة المزاج ):


صحتك كويسة النهاردة بس لو انبسطت ورجعت تضحك اكيد هتبقى احسن واحسن طبعا مفيش كلام..


إعرف توافق برج الحمل مع باقي الأبراج النهاردة:


متوافق مع الابراج البسبوسية والمرمرية والبلاستيكية والهوائية والمائية


حظك اليوم برج الثور دوت مصر


إعرف حظك اليوم برج الثور بالتفصيل الثلاثاء 23/1/2018 مع عبدالله أحمد..


الثور : من 20 ابريل إلى 20 مايو


برج الثور عاطفياً


( الكراش والإكس والبوي فريند والجيرل فريند والجوز والزوجة والقرايب ):


لما تعمل الغلط اعمله صح اوي انما لو هتعمله وانتا متردد وخايف ومرعوش يبق مالوش لازمة يتعمل من الاساس..


برج الثور عملياً


( الشغل والمذاكرة والتخطيط لبكرة ): 


من حقك تنبسط وتجرب وتكتشف كل حاجة جديدة ايه المشكلة.. خايف من مين ومن ايه؟.. ماكل واحد بيعمل ف الدرا كل حاجة بيهاجمها ف العلن وكلنا عارفين دة..


برج الثور صحياً 


( نفسيا وجسمانيا وكل مايخص طاسة المزاج ):


دور على الشمس زي امبارح بالظبط وخدها بالحضن انتا المرة دي ومتتكسفش


إعرف توافق برج الثور مع باقي الأبراج النهاردة:


متوافق مع الابراج البسكوتية والبربوشية والهوائية والترابية ..


حظك اليوم برج الجوزاء دوت مصر


إعرف حظك اليوم برج الجوزاء بالتفصيل الثلاثاء 23/1/2018 مع عبدالله أحمد..


الجوزاء: من 21 مايو إلى 20 يونيو


برج الجوزاء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


بتحب ف السر وخايف تقول وبتحاول تلمح طول الوقت ومستني اللي بتلمحله دة يحس على دمه وياخد باله او يوقل اي حاجة فيها دليل على انه واخد باله او انه بيحبك هو كمان وبيكراش عليك ف السر عشان تصده وتصدمه تاني يوم وتقوله انك مبتحبش حد وانه فهم غلط وانه مش من حقه يتكلم معاك كدة.. عادي يعني


برج الجوزاء عملياً 


( الشغل والمذاكرة والتخطيط لبكرة ):


حاول تتواضع النهاردة حبة معلش عشان اليوم يعدي بس مش أكتر..


برج الجوزاء صحياً 


( نفسيا وجسمانيا وكل مايخص طاسة المزاج ):


صحتك النهاردة تمام بس ياريت تكتر شوية من الرياضة الجسمانية وتفكك من الالعاب الذهنية المتعبة اللي انتا سايبها تاكل ف خبايا وخلايا مخك طول الوقت دي.. ريحه حبة دة لو موتور مية هتريحه حبة عن كدة


تعرف على توافق برج الجوزاء مع باقي الأبراج النهاردة:


متوافق مع الابراج البرجماتية والحنكوشية والنباتية والترابية والنارية..


حظك اليوم برج السرطان دوت مصر


إعرف حظك اليوم برج السرطان بالتفصيل الثلاثاء 23/1/2018 مع عبدالله أحمد..


السرطان: من 21 يونيو إلى 22 يوليو


برج السرطان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


هتكتشف النهاردة حاجات حلوة جدا ف حياتك كانت مستخبية ومتدارية وجه دلوقتي وقتها عشان تبان وتلمع وتفتن على وجودها.. يابختك بصراحة


برج السرطان عملياً 


( الشغل والمذاكرة والتخطيط لبكرة ):


خد بالك عشان في فرص للدلع البرئ النهاردة ف حاجات كتير.. حاول متضيعش الوقت كله ف الجري ورا الفلوس وانبسط حبة من نفسك


برج السرطان صحياً 


(نفسيا وجسمانيا وكل مايخص طاسة المزاج ):


الحياة هتدلعك النهاردة حبة لو اديتها فرصة.. شوف كدة يمكن تنبسط ولا حاجة..


تعرف على توافق برج السرطان مع باقي الأبراج النهاردة:


متوافق مع الابراج الحلبسية والكهربائية والكتكوتية والهوائية والمائية والبرمائية ..


حظك اليوم برج الا?سد دوت مصر


إعرف حظك اليوم برج الأسد بالتفصيل الثلاثاء 23/1/2018 مع عبدالله أحمد..


الأسد: من 23 يوليو إلى 22 اغسطس


برج الأسد عاطفياً 


( الكراش والإكس والبوي فريند والجيرل فريند والجوز والزوجة والقرايب ):


هيتهيألك ان الناس حواليك عايشة احسن منك او بتنبسط بشكل اكبر.. الكلام دة مش حقيقي..


برج الأسد عملياً 


( الشغل والمذاكرة والتخطيط لبكرة ):


الناس احسن حاجة بتعملها هو انها تتظاهر وتمثل وتستعرض وتبين انها الاحسن والاذكى والاغنى.. لا لشيئ الا عشان بيخافوا يعترفوا ان عندهم مشاكل وقصص.. بيخافوا من الشماتة.. مش أكتر


برج الأسد صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة منك تركز ف حياتك ومتقارنهاش بحياة اي حد حواليك.. اديها فرصة لأنها فعلا حياة حلوة وتستاهل..


تعرف على توافق برج الأسد مع باقي الأبراج النهاردة:


متوافق مع الابراج الفشكولية والباراكودية والهوائية والترابية


حظك اليوم برج العذراء دوت مصر


إعرف حظك اليوم برج العذراء بالتفصيل الثلاثاء 23/1/2018 مع عبدالله أحمد..


العذراء: من 23 اغسطس إلى 22 سبتمبر


برج العذراء عاطفياً 


( الكراش والإكس والبوي فريند والجيرل فريند والجوز والزوجة والقرايب ):


متسألش عن حاجات اجوبتها مش هتعجبك.. بلاش.. ابعد عن الحيرة والتوهان الاختياري على قد ماتقدر النهاردة


برج العذراء عملياً 


( الشغل والمذاكرة والتخطيط لبكرة ):


احتفظ بقلقك لنفسك ومتطلعوش برة دماغك خالص النهاردة.. مش من حق حد يشوفه اساسا


برج العذراء صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة شمس وتمشية مع مزيكا جديدة حلوة من اختيارك وعلى ذوقك انتا وبس


تعرف على توافق برج العذراء مع باقي الأبراج النهاردة:


متوافق مع الابراج البرطمانية والكستبانية والهوائية والترابية.


حظك اليوم برج الميزان دوت مصر


إعرف حظك اليوم برج الميزان بالتفصيل الثلاثاء 23/1/2018 مع عبدالله أحمد..


الميزان : من 23 سبتمبر إلى 22 اكتوبر


برج الميزان عاطفياً 


( الكراش والإكس والبوي فريند والجيرل فريند والجوز والزوجة والقرايب ):


بطل تلوم نفسك على كل حاجة بتعملها ومبتعملهاش.. ارحمها حبة وسيبها تنبسط شوية من نفسها..


برج الميزان عملياً 


( الشغل والمذاكرة والتخطيط لبكرة ):


ركز كويس اليومين دول عشان العالم مش ناقص قلة تركيز وتوهة الله يباركلك


برج الميزان صحياً 


( نفسيا وجسمانيا وكل مايخص طاسة المزاج ):


صحتك النهاردة كويسة وماشي حالها بس حاول تزقطط حبة عشان نفسيتك تبرعش وتطعطع وتاخد وضعها حبة


تعرف على توافق برج الميزان مع باقي الأبراج النهاردة:


متوافق مع الابراج الدرامية والفضية والمائية والنارية


حظك اليوم برج العقرب دوت مصر


إعرف حظك اليوم برج العقرب بالتفصيل الثلاثاء 23/1/2018 مع عبدالله أحمد..


العقرب: من 23اكتوبر إلى 21 نوفمبر


برج العقرب عاطفياً 


( الكراش والإكس والبوي فريند والجيرل فريند والجوز والزوجة والقرايب ):


إحترس من القطط النهاردة بشكل عام.. سواء القطط الحقيقية او البشر اللي بتتصرف زي القطط بالظبط


برج العقرب عملياً 


( الشغل والمذاكرة والتخطيط لبكرة ):


مستقبلك بيناديك.. قوم شوفه عاوز ايه بسرعة..


برج العقرب صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة تبطل تتظاهر بالقوة عشان مش عاوز حد يشمت فيك.. عادي.. كلنا بنضعف وكلنا من جوانا في حاجات هشة وبسيطة بتعاني باستمرار من قسوة العالم.. عادي والله


تعرف على توافق برج العقرب مع باقي الأبراج النهاردة:


متوافق مع الابراج الحنكوشية والبرطمانية والمائية والنارية.


حظك اليوم برج القوس دوت مصر


إعرف حظك اليوم برج القوس بالتفصيل الثلاثاء 23/1/2018 مع عبدالله أحمد..


القوس: من 22 نوفمبر إلى 21 ديسمبر


برج القوس عاطفياً 


( الكراش والإكس والبوي فريند والجيرل فريند والجوز والزوجة والقرايب ):


من حقك لما تحط حاجة ف حتة وتسيبها حبة وترجع تحتاجها تلاقيها ف نفس المكان طبعا.. بس المبدأ دة مينفعش يتطبق على البشر ابدا


برج القوس عملياً 


( الشغل والمذاكرة والتخطيط لبكرة ):


مهم تبقى اب تو ديت وتتقبل التغيير بشكل لطيف وعملي عشان تنجح زي مانتا عاوز


برج القوس صحياً 


( نفسيا وجسمانيا وكل مايخص طاسة المزاج ):


صحتك النهاردة محتاجة شوية شمس وحركة وشوية ضحك برئ


تعرف على توافق برج القوس مع باقي الأبراج النهاردة:


متوافق مع الابراج الفركتوزية والحبشتكانية والحنجورية والترابية والنارية..


حظك اليوم برج الجدي دوت مصر


إعرف حظك اليوم برج الجدي بالتفصيل الثلاثاء 23/1/2018 مع عبدالله أحمد..


الجدى: من 22 ديسمبر إلى 19 يناير


برج الجدي عاطفياً 


( الكراش والإكس والبوي فريند والجيرل فريند والجوز والزوجة والقرايب ):


شياكتك النهاردة هتبقى اهم من اي حاجة.. حتى لو هتفضل قاعد ف البيت ومش هتخرج تروح ف اي حتة


برج الجدي عملياً 


( الشغل والمذاكرة والتخطيط لبكرة ):


طالما واثق ف نفسك يبقى ميهمكش من اي حاجة.. مترجعش بعدين تشتكي بس وتقول ياريت اللي جرى ماكان


برج الجدي صحياً 


( نفسيا وجسمانيا وكل مايخص طاسة المزاج ):


خد بالك كويس عشان متتعديش بدور البرد الرزل اللي منتشر اليومين دول.. الدور دة مالوش اعراض واضحة فجة تفتن عليه.. خد بالك


تعرف على توافق برج الجدي مع باقي الأبراج النهاردة:


متوافق مع الابراج المرمرية والحنكوشية والنارية والهوائية..


حظك اليوم برج الدلو دوت مصر


إعرف حظك اليوم برج الدلو بالتفصيل الثلاثاء 23/1/2018 مع عبدالله أحمد..


الدلو: من 20 يناير إلى 18 فبراير


برج الدلو عاطفياً 


( الكراش والإكس والبوي فريند والجيرل فريند والجوز والزوجة والقرايب ):


هتخربها وهتقعد على تلها قريب.. لا الحب عاجبك ولا قلة الحب نافعة معاك.. انتا ايه ياشيخ؟..


برج الدلو عملياً 


( الشغل والمذاكرة والتخطيط لبكرة ):


من حقك تكسل عادي جدا زي اي حد بيزهق وبيتعب وبيتخنق من كونه بينفخ ف كل قربة مقطوعة شوية بدون اي فايدة


برج الدلو صحياً 


( نفسيا وجسمانيا وكل مايخص طاسة المزاج ):


عندك برد خفيف غالبا.. اهتم بيه عشان ميقلبش بدور كبير ومش حلو..


تعرف على توافق برج الدلو مع باقي الأبراج النهاردة:


متوافق مع الابراج الكستبانية والدخانية والمونوكرومية والمائية والهوائية


حظك اليوم برج الحوت دوت مصر


إعرف حظك اليوم برج الحوت بالتفصيل الثلاثاء 23/1/2018 مع عبدالله أحمد..


الحوت: من 19 فبراير إلى 20 مارس


برج الحوت عاطفياً 


( الكراش والإكس والبوي فريند والجيرل فريند والجوز والزوجة والقرايب ):


حاجات حلوة ف الطريق إليك.. إستعد كويس وسرح شعرك وحط بارفان


برج الحوت عملياً 


( الشغل والمذاكرة والتخطيط لبكرة ):


مصيبة لو إتعاملت مع الناس على انك اذكى منهم طول الوقت.. مصيبة بجد.. خد بالك كويس ومتعملش كدة.. بلاش


برج الحوت صحياً 


( نفسيا وجسمانيا وكل مايخص طاسة المزاج ):


صحيا النهاردة خد بالك من صدرك كويس عشان في ميكروب برد وكحة بايخ ورزل ماشي ف الهوا اليومين دول..


تعرف على توافق برج الحوت مع باقي الأبراج النهاردة:


متوافق مع الابراج البسبوسية واللولبية والفهلوية والنارية والهوائية



اعلان حظك اليوم دوت مصر