تعرف على حظك اليوم ل برج الميزان مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الميزان عاطفياً

( الكراش والإكس والبوي والجيرل فريند والجوز والزوجة والقرايب ):

اركن الحب والكلام الفاضي دة خالص اليومين دول لحد ما تعدي من اللي انتا فيه وبعد كدة ابقى حب براحتك الحب مش هيطير متقلقش

حظك اليوم برج الميزان عملياً 

( الشغل والمذاكرة والتخطيط لبكرة ):

الوقت مش مناسب للهروب خالص النهاردة ف اعقل كدة واركز واثبت مكانك وكل المرازية اللي بقالك فترة بتترازاها من الحياة دي كلها مسيرها تخلص وتعدي وكل حاجة هترجع تاني تبقى زي الفل

حظك اليوم برج الميزان صحياً 

( نفسيا وجسمانيا وكل مايخص طاسة المزاج ):

صحتك النهاردة ف حالة ملل.. حاول تفرفش حبة وتفكر ف المكافأت والحاجات الحلوة اللي مستنياك ف الاخر وبس

حظك الغذائي:

غذائيا النهاردة تقدر تتجه لأي أكل المهم تاكل بنفس وبمزاج ومع حد يكون بيحب الاكل مش بيحب يفسد الاكل بالرغي والنكد

شعارك اليوم:

مره واحد حب واحدة محبتوش فات الآوان وجت تحبه ملقتوش..

لونك اليوم:

روز فاتح..

إعرف توافق برج الميزان مع باقي الأبراج النهاردة

متوافق مع الابراج الدرامية والفضية والمائية والنارية

من مشاهير برج الميزان 

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.