إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

  : كلام جد

ف الجبلاية متقلقش غير من القرد اللي بياكل السوداني بقشره.. دة أكيد خطر ومبيهموش حاجة أو أهبل.. ودة أخطر.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

إعرف حظك اليوم برج الحمل بالتفصيل الثلاثاء 16/1/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

فترة الليل هتبقى فترة كلها حاجات حلوة النهاردة.. حاول تخلص اللي وراك بالنهار وتنام عشان تستعد كويس وتبقى فايق بالليل لما الانبساط ييجي

برج الحمل عملياً

( الشغل والمذاكرة والتخطيط لبكرة ):

انجز وخلص اللي وراك ف السريع عشان تعرف تنبسط بالليل وتزقطط وتحتفل براحتك

برج الحمل صحياً

( نفسيا وجسمانيا وكل مايخص طاسة المزاج ):

صحتك كويسة بس حاول متاخدش كل كلام الناس على صدرك النهاردة.. كبر دماغك وطنش تعيش وتاكل قراقيش

إعرف توافق برج الحمل مع باقي الأبراج النهاردة:

متوافق مع الابراج البسبوسية والمرمرية والبلاستيكية والهوائية والترابية..

إعرف حظك اليوم برج الثور بالتفصيل الثلاثاء 16/1/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

المود النهاردة بيرقص في خفة ودلع وماشاء الله واضح انه مبسوط.. يارب دايما والله

برج الثور عملياً

( الشغل والمذاكرة والتخطيط لبكرة ): 

قدامك النهاردة تختار تنبسط وتزقطط وتنزل تخرج مع اصحابك تتسنكحوا ف الشوارع حبة من نفسكوا وبراحتكوا

برج الثور صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة منك تنقنق ف برتقان واستفندي براحتك النهاردة ف كل حتة تبقى قاعد فيها

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والترابية ..

إعرف حظك اليوم برج الجوزاء بالتفصيل الثلاثاء 16/1/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

قلبك هيقولك كلام مهم النهاردة.. حاول تسمعه كويس خصوصا بعد الغدا.. وحاول لو اتعصب عليك تخليك هادي ومتردش عليه خالص لحد ما يخلص كلام..

برج الجوزاء عملياً 

( الشغل والمذاكرة والتخطيط لبكرة ):

خيالك مشتت ف اكتر من حاجة النهاردة عشان انتا مش عارف من جواك انتا عاوز تعمل ايه بالظبط وبالتالي حيران وزهقان وتعبان.. ادي نفسك حبة وقت والموضوع دة هيعدي بدون خساير ان شاء الله

برج الجوزاء صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة تقعد مع اطفال كتير بيلعبوا وبيرسموا وبيتخانقوا سوا

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والترابية والمائية..

إعرف حظك اليوم برج السرطان بالتفصيل الثلاثاء 16/1/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

خفة ورشاقة ومفهومية بتتجول ف الاجواء حواليك النهاردة.. يابختك والله

برج السرطان عملياً 

( الشغل والمذاكرة والتخطيط لبكرة ):

اليوم لطيف بإستثناء شوية عكوسات ناتجة عن شوية تناقض قديم كانوا واعين منك وهتفتكرهم النهاردة وتضحك عليهم وعلى تصرفاتك وطريقتك ف التفكير زمان

برج السرطان صحياً 

(نفسيا وجسمانيا وكل مايخص طاسة المزاج ):

صحتك كويسة بس ياريت تركب عجل النهاردة او تجري حبة ورا اي اتوبيس او ميكروباس

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والكتكوتية والترابية والبرمائية.

إعرف حظك اليوم برج الأسد بالتفصيل الثلاثاء 16/1/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً 

( الكراش والإكس والبوي فريند والجيرل فريند والجوز والزوجة والقرايب ):

مشاعرك مهمة ومتركنهاش على جنب النهاردة من فضلك واهتم بيها حبة عشان متعملكش قلق الليلة بدون داعي..

برج الأسد عملياً 

( الشغل والمذاكرة والتخطيط لبكرة ):

محتاج تعمل شوبينج تدلع فيه نفسك وتبعزأ فيه شوية فلوس على حاجات انتا مش محتاجها.. كالعادة يعني

برج الأسد صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة شوية اهتمام ببشرتك بمرطبات وماسكات زبادي وخيار

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والهوائية والنارية..

إعرف حظك اليوم برج العذراء بالتفصيل الثلاثاء 16/1/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متروحش برجليك لأي مكان انتا مبتحبوش النهاردة من اي نوع.. بلاش عشان متحصلش عكوسات مش لطيفة تضايقك ف مشاعرك

برج العذراء عملياً 

( الشغل والمذاكرة والتخطيط لبكرة ):

مش مجبر ابدا النهاردة تتعامل مع اي حد انتا مش حابب تبص ف خلقته اصلا.. مزاجك اهم من اي حد..

برج العذراء صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة شوية رومانسية بريئة وعصير وسندوتش جبنة بالقوطة مع خيار طرنشات ف طبق بلاستك صغنن مش ف صينية

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والمائية والنارية والبرمائية..

إعرف حظك اليوم برج الميزان بالتفصيل الثلاثاء 16/1/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً 

( الكراش والإكس والبوي فريند والجيرل فريند والجوز والزوجة والقرايب ):

النظام مهم طبعا ف كل حاجة مفيش كلام.. بس مش كل حاجة ممكن النظام يبقى مفيد فيها او فعال خصوصا افكارك وإحساساتك..

برج الميزان عملياً 

( الشغل والمذاكرة والتخطيط لبكرة ):

متحاولش تغير طبيعتك وسيب كل حاجة زي ماهي ومتحاولش تنظم الحاجات اللي ملهاش نظام ولا سيستم اصلا..

برج الميزان صحياً 

( نفسيا وجسمانيا وكل مايخص طاسة المزاج ):

صحتك محتاجة النهاردة متخنقش على روحك لمجرد انك قاعد فاضي مش لاقي حاجة تعملها.. بلاش

تعرف على توافق برج الميزان مع باقي الأبراج النهاردة:

متوافق مع الابراج الدرامية والفضية والهوائية والنارية..

إعرف حظك اليوم برج العقرب بالتفصيل الثلاثاء 16/1/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً 

( الكراش والإكس والبوي فريند والجيرل فريند والجوز والزوجة والقرايب ):

قلبك هادي بس مش عادي خالص النهاردة لأنه في طاقة شوق جبارة بتتحرك جواك وانتا بتحاول تنكرها يمكن تمشي بس هي بتعاند ومش عاوزة تمشي

برج العقرب عملياً 

( الشغل والمذاكرة والتخطيط لبكرة ):

طول مانتا بتمثل دور العاقل الراسي حلو ربنا هيكرمك ان شاء الله..

برج العقرب صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة منك حبة يوجا وتأمل وخس وخيار وجزر

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والبرطمانية والهوائية والنارية..

إعرف حظك اليوم برج القوس بالتفصيل الثلاثاء 16/1/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً 

( الكراش والإكس والبوي فريند والجيرل فريند والجوز والزوجة والقرايب ):

متمشيش ورا حد الا نفسك النهاردة وتقل بالليل ف هدومك النفسية حبة عشان قلبك ميستهواش وياخد برد

برج القوس عملياً 

( الشغل والمذاكرة والتخطيط لبكرة ):

ركز كويس النهاردة عشان في مؤامرات كتير حواليك.. خد بالك وصحصح كويس اوي

برج القوس صحياً 

( نفسيا وجسمانيا وكل مايخص طاسة المزاج ):

صحتك النهاردة محتاجة شوية فاكهة ف حياتك وطبيخ اقل

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والبرمائية والنارية..

إعرف حظك اليوم برج الجدي بالتفصيل الثلاثاء 16/1/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً 

( الكراش والإكس والبوي فريند والجيرل فريند والجوز والزوجة والقرايب ):

الدنيا مش زعلانة منك ولا حاجة.. انتا اللي زعلان من نفسك وعمال ترازيها طول الوقت كأنك بتعاقبها محدش عارف ليه..

برج الجدي عملياً 

( الشغل والمذاكرة والتخطيط لبكرة ):

بتحاول تكتشف البلطجي اللي جواك بالبطئ ليه.. هتعمل بيه ايه بالظبط؟

برج الجدي صحياً 

( نفسيا وجسمانيا وكل مايخص طاسة المزاج ):

صحيا انتا محتاج النهاردة تاخد شاور طويل وتغني براحتك تحت الدش..

تعرف على توافق برج الجدي مع باقي الأبراج النهاردة:

متوافق مع الابراج المرمرية والحنكوشية والترابية والمائية..

إعرف حظك اليوم برج الدلو بالتفصيل الثلاثاء 16/1/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً 

( الكراش والإكس والبوي فريند والجيرل فريند والجوز والزوجة والقرايب ):

طول مانتا مسلح بالحب يبقى متقلقش من اي حاجة من اي نوع.. كمان خد بالك عشان هتقابل النهاردة صدفة حد بيكراش عليك..

برج الدلو عملياً 

( الشغل والمذاكرة والتخطيط لبكرة ):

كل حاجة ماشية زي الفل انتا بس محتاج تنام كويس وتاكل بشكل افضل ومتفكرش ف اي حد مالوش لازمة عشان متضايقش نفسك.. مودك بالدنيا والله

برج الدلو صحياً 

( نفسيا وجسمانيا وكل مايخص طاسة المزاج ):

صحتك محتاجة شوية اهتمام معلش.. شوية صبر وشوية حماس كل حاجة هتبقى فل متقلقش.. خد الدوا ف مواعيده ومتنساش

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والخيالية والترابية والمائية..

إعرف حظك اليوم برج الحوت بالتفصيل الثلاثاء 16/1/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً 

( الكراش والإكس والبوي فريند والجيرل فريند والجوز والزوجة والقرايب ):

قدامك اختيارات كتير النهاردة حلوة.. حاول تختار منها اللي يناسبك فعلا ويناسب مقاس قلبك ومشاعرك.. مش اللي يناسب صورتك قدام الناس

برج الحوت عملياً 

( الشغل والمذاكرة والتخطيط لبكرة ):

اتصرف صح وبطل نصب على نفسك لحساب نفسك عشان الطريق دة اخرته وحشة وضلمة وكلها فتافيت إزاز ف الارض

برج الحوت صحياً 

( نفسيا وجسمانيا وكل مايخص طاسة المزاج ):

صحيا انتا محتاج الليلة شوية دلع برئ ف الاتجاه الصحيح

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والترابية والهوائية..