إعرف حظك اليوم وتوقعات الأبراج معانا كل يوم وياريت متاخدش الكلام على صدرك..ف الأول والأخر انتا اللي بتعمل حظك اليوم وكل يوم بتصرفاتك ف الحياة ومينفعش حد يقولك هتبقى مبسوط النهاردة أو لأ إلا انتا..إنتا بس اللي تقدر تحدد دة اليوم وكل يوم..متنساش دة..صباحك فل وسعادة..

: كلام جد

كل ماتكبر كل ماهتوحشك أوي شخللة المفاتيح برة الباب قبل ما يتفتح وترمي نفسك ف حضن أبوك أو أمك وانتا لسة عيل صغير.

عشان تعرف حظك بشكل كامل .. صفي نيتك ودوس على اسم برجك بإيدك اليمين.

حظك اليوم برج الحمل دوت مصر
حظك اليوم برج الحمل دوت مصر

إعرف حظك اليوم برج الحمل بالتفصيل الجمعة 12/1/2018 مع عبدالله أحمد..

الحمل: من 21 مارس إلى 19 ابريل

برج الحمل عاطفياً

( الكراش والإكس والبوي فريند والجيرل فريند والجوز والزوجة والقرايب ):

طول مانتا مطنش الحياة وبتتجاهل فرص الانبساط والسعادة الحياة هي كمان هتطنشك.. امال انتا فاكر ايه.. هتسجس تتحايل عليك وتقولك والنبي عيشني مثلا ولا ايه؟..

برج الحمل عملياً

( الشغل والمذاكرة والتخطيط لبكرة ):

اليوم مناسب عشان تركز ف انك تبقى افضل على كل المستويات وبس.. وفر رغبتك ف النقار والمناكفة لنفسك النهاردة ومتخسرش حد بسببها..

برج الحمل صحياً

( نفسيا وجسمانيا وكل مايخص طاسة المزاج ):

صحتك محتاجة شوية إهتمام خصوصا شعرك وبشرتك ومناخيرك..

إعرف توافق برج الحمل مع باقي الأبراج النهاردة:

متوافق مع الابراج البسبوسية والمرمرية والبلاستيكية والنارية والمائية..

حظك اليوم برج الثور دوت مصر
حظك اليوم برج الثور دوت مصر

إعرف حظك اليوم برج الثور بالتفصيل الجمعة 12/1/2018 مع عبدالله أحمد..

الثور : من 20 ابريل إلى 20 مايو

برج الثور عاطفياً

( الكراش والإكس والبوي فريند والجيرل فريند والجوز والزوجة والقرايب ):

الحالة العاطفية نشفت عليك عشان انتا مشغول تغير ف اللي بتحبه بدل ما تاخد باكدج زي ماهو على بعضه وخلاص.. شوية عدالة عاطفية ف حياتك يرحمكم الله عشان متقعدش لوحدك ف الاخر..

برج الثور عملياً

( الشغل والمذاكرة والتخطيط لبكرة ):

ملكش عزيز ويكفي مجرد غلطة من اي حد عشان تبقى مبرر كافي بالنسبالك وتعتبره عدو مدى الحياة.. لا فالح اوي ماشاء الله.. ليه وهو انتا مبتغلطش خالص ولا ايه ياكتكوت؟.. حاول تتعامل مع اللي حواليك بشوية منطق عشان متلاقيش نفسك فجأة لوحدك.. بلاش

برج الثور صحياً

( نفسيا وجسمانيا وكل مايخص طاسة المزاج ):

صحتك النهاردة محتاجة منك تنزل من البيت وتقف ف الشمس حبة

إعرف توافق برج الثور مع باقي الأبراج النهاردة:

متوافق مع الابراج البسكوتية والبربوشية والهوائية..

حظك اليوم برج الجوزاء دوت مصر
حظك اليوم برج الجوزاء دوت مصر

إعرف حظك اليوم برج الجوزاء بالتفصيل الجمعة 12/1/2018 مع عبدالله أحمد..

الجوزاء: من 21 مايو إلى 20 يونيو

برج الجوزاء عاطفياً

( الكراش والإكس والبوي فريند والجيرل فريند والجوز والزوجة والقرايب ):

إنشكاح وراحة ف مشاعرك وعواطفك النهاردة بشكل كبير.. بالهنا على قلبك

برج الجوزاء عملياً

( الشغل والمذاكرة والتخطيط لبكرة ):

حاول تداري انك بتاع مصلحتك شوية ف تعاملاتك عشان محدش يتضايق منك

برج الجوزاء صحياً

( نفسيا وجسمانيا وكل مايخص طاسة المزاج ):

صحتك محتاجة منك النهاردة تساعد حد محتاج مساعدة وتفرق معاه ف حياته.. نفسيتك تحديدا محتاجة الخير دة ف حياتك

تعرف على توافق برج الجوزاء مع باقي الأبراج النهاردة:

متوافق مع الابراج البرجماتية والحنكوشية والنارية والترابية..

حظك اليوم برج السرطان دوت مصر
حظك اليوم برج السرطان دوت مصر

إعرف حظك اليوم برج السرطان بالتفصيل الجمعة 12/1/2018 مع عبدالله أحمد..

السرطان: من 21 يونيو إلى 22 يوليو

برج السرطان عاطفياً

( الكراش والإكس والبوي فريند والجيرل فريند والجوز والزوجة والقرايب ):

مبتحبش حد يحسسك انك غلطان ف اي حاجة من اي نوع وبتقلب الموضوع ف ثانية على اللي قدامك لمجرد انك بتدافع عن نفسك وبس ف حين ان محدش بيهاجمك اصلا وانتا اللي بتهاجم اي حد وكل حد طول الوقت

برج السرطان عملياً

( الشغل والمذاكرة والتخطيط لبكرة ):

طالما اخترت تنتقد حد وتشاورله على عيوبه يبقى تستحمل نفس المعاملة سواء منه او من الحياة..

برج السرطان صحياً

(نفسيا وجسمانيا وكل مايخص طاسة المزاج ):

صحتك كويسة وزي الفل.. حاول بس تقتنع بالموضوع دة بينك وبين نفسك وانتا تبقى زي الفل

تعرف على توافق برج السرطان مع باقي الأبراج النهاردة:

متوافق مع الابراج الحلبسية والكهربائية والكتكوتية والمائية..

حظك اليوم برج الأسد دوت مصر
حظك اليوم برج الأسد دوت مصر

إعرف حظك اليوم برج الأسد بالتفصيل الجمعة 12/1/2018 مع عبدالله أحمد..

الأسد: من 23 يوليو إلى 22 اغسطس

برج الأسد عاطفياً

( الكراش والإكس والبوي فريند والجيرل فريند والجوز والزوجة والقرايب ):

بيطلبوا منك تتواضع وميعرفوش انتا قد ايه شايف نفسك كبير ومهم ومش متقدر خالص.. معلش.. سيبك منهم وخليك مع نفسك احسن..

برج الأسد عملياً

( الشغل والمذاكرة والتخطيط لبكرة ):

متحيرش نفسك.. الحياة كفيلة تكشف مين صح ومين غلط مع الوقت.. حاول بس تكتشف دة بدري قبل فوات الآوان..

برج الأسد صحياً

( نفسيا وجسمانيا وكل مايخص طاسة المزاج ):

صحتك النهاردة محتاجة شوية شوربة وأي أكل مفيد تقف تعمله لنفسك ف المطبخ..

تعرف على توافق برج الأسد مع باقي الأبراج النهاردة:

متوافق مع الابراج الفشكولية والباراكودية والمائية والنارية..

حظك اليوم برج العذراء دوت مصر
حظك اليوم برج العذراء دوت مصر

إعرف حظك اليوم برج العذراء بالتفصيل الجمعة 12/1/2018 مع عبدالله أحمد..

العذراء: من 23 اغسطس إلى 22 سبتمبر

برج العذراء عاطفياً

( الكراش والإكس والبوي فريند والجيرل فريند والجوز والزوجة والقرايب ):

بلاش تسرع وخد وقتك وعلى اقل من مهلك.. محدش بيجري وراك.. اي قرار بتفكر فيه النهاردة ممكن يتأجل لبكرة عادي خالص على فكرة مش أزمة ابدا..

برج العذراء عملياً

( الشغل والمذاكرة والتخطيط لبكرة ):

اليوم مناسب للخروج ومناسب برضة للقعدة ف البيت.. إختار انتا حابب تعمل ايه فيهم براحتك النهاردة

برج العذراء صحياً

( نفسيا وجسمانيا وكل مايخص طاسة المزاج ):

صحتك تمام بس نفسيتك محتاجة شوية انتعاش وشوية تفاؤل يمكن بكرة يكون أجمل ولا حاجة..

تعرف على توافق برج العذراء مع باقي الأبراج النهاردة:

متوافق مع الابراج البرطمانية والكستبانية والمائية والبرمائية والهوائية..

حظك اليوم برج الميزان دوت مصر
حظك اليوم برج الميزان دوت مصر

إعرف حظك اليوم برج الميزان بالتفصيل الجمعة 12/1/2018 مع عبدالله أحمد..

الميزان : من 23 سبتمبر إلى 22 اكتوبر

برج الميزان عاطفياً

( الكراش والإكس والبوي فريند والجيرل فريند والجوز والزوجة والقرايب ):

متقلب اليومين دول زي موج البحر ليه؟.. غاوي تتعب نفسك وخلاص يعني ولا ايه حكايتك بالظبط

برج الميزان عملياً

( الشغل والمذاكرة والتخطيط لبكرة ):

كل احلامك هتتحقق لو بطلت تتكلم عنها طول الوقت وانشغلت بتحقيقها من سكات

برج الميزان صحياً

( نفسيا وجسمانيا وكل مايخص طاسة المزاج ):

صحتك محتاجة النهاردة شوية احتفالات ع الضيق كدة مابينك وبين نفسك وبس

تعرف على توافق برج الميزان مع باقي الأبراج النهاردة:

متوافق مع الابراج الدرامية والفضية والترابية..

حظك اليوم برج العقرب دوت مصر
حظك اليوم برج العقرب دوت مصر

إعرف حظك اليوم برج العقرب بالتفصيل الجمعة 12/1/2018 مع عبدالله أحمد..

العقرب: من 23اكتوبر إلى 21 نوفمبر

برج العقرب عاطفياً

( الكراش والإكس والبوي فريند والجيرل فريند والجوز والزوجة والقرايب ):

هتعبر عن نفسك النهاردة بشكل حلو.. خد راحتك ولمصلحتك عادي خالص

برج العقرب عملياً

( الشغل والمذاكرة والتخطيط لبكرة ):

الحياة مراحل والمرحلة اللي انتا فيها دلوقتي دي مهمة جدا لنفسيتك.. حاول تستفيد منها على الوجه الأكمل بطريقتك لأني معرفش اقولك تستفيد منها ازاي بصراحة.. انا كل اللي اعرفه انها مهمة وبس

برج العقرب صحياً

( نفسيا وجسمانيا وكل مايخص طاسة المزاج ):

صحتك النهاردة كويسة ودة سبب يخليك تنبسط وتزقطط وتحتفل بالحياة وبكونك كويس في هذه الحياة وف حالك

تعرف على توافق برج العقرب مع باقي الأبراج النهاردة:

متوافق مع الابراج الحنكوشية والبرطمانية والنارية والترابية..

حظك اليوم برج القوس دوت مصر
حظك اليوم برج القوس دوت مصر

إعرف حظك اليوم برج القوس بالتفصيل الجمعة 12/1/2018 مع عبدالله أحمد..

القوس: من 22 نوفمبر إلى 21 ديسمبر

برج القوس عاطفياً

( الكراش والإكس والبوي فريند والجيرل فريند والجوز والزوجة والقرايب ):

ثق ف حدسك النهاردة.. او متثقش.. انتا حر بصراحة تعمل اللي يعجبك خصوصا وانك مبتسمعش كلام حد..

برج القوس عملياً

( الشغل والمذاكرة والتخطيط لبكرة ):

متعتمدش على حد ف حاجة انتا بس اللي تعرف هي بتتعمل ازاي.. بلاش كسل وإعملها انتا لنفسك وخلاص يا استاذ

برج القوس صحياً

( نفسيا وجسمانيا وكل مايخص طاسة المزاج ):

صحتك تمام النهاردة زي إمبارح بس خد بالك ان إمبارح مش زي النهاردة..

تعرف على توافق برج القوس مع باقي الأبراج النهاردة:

متوافق مع الابراج الفركتوزية والحبشتكانية والحنجورية والنارية..

حظك اليوم برج الجدي دوت مصر
حظك اليوم برج الجدي دوت مصر

إعرف حظك اليوم برج الجدي بالتفصيل الجمعة 12/1/2018 مع عبدالله أحمد..

الجدى: من 22 ديسمبر إلى 19 يناير

برج الجدي عاطفياً

( الكراش والإكس والبوي فريند والجيرل فريند والجوز والزوجة والقرايب ):

هتجيلك فرصة النهاردة ف حاجة مهمة.. حاول متضيعهاش.. ولو ضاعت غصب عنك متزعلش لأنه لسة ياما هتجيلك فرص كتير ف السكة اليومين دول..

برج الجدي عملياً

( الشغل والمذاكرة والتخطيط لبكرة ):

خد بالك عشان قلقك واضح عليك وباين.. حاول تداري الاحساس دة خالص عشان في ناس بتعتمد عليك وبتتسند عليك.. إجمد كدة وخليك قوي

برج الجدي صحياً

( نفسيا وجسمانيا وكل مايخص طاسة المزاج ):

صحيا انتا محتاج النهاردة شوية راحة تقعد فيهم متفكرش ف اي حاجة ولا تعمل اي حاجة من اي نوع..

تعرف على توافق برج الجدي مع باقي الأبراج النهاردة:

متوافق مع الابراج المرمرية والحنكوشية والمائية..

حظك اليوم برج الدلو دوت مصر
حظك اليوم برج الدلو دوت مصر

إعرف حظك اليوم برج الدلو بالتفصيل الجمعة 12/1/2018 مع عبدالله أحمد..

الدلو: من 20 يناير إلى 18 فبراير

برج الدلو عاطفياً

( الكراش والإكس والبوي فريند والجيرل فريند والجوز والزوجة والقرايب ):

بلاش عدوانية عاطفية على حد بيحبك النهاردة.. كل الناس بتغلط وانتا اولهم.. مهم تتسامح مع اللي غلط عشان الحياة تمشي وتستمر.. ومهم برضة تقعد مع نفسك تستوعب الكلام دة بهدوء قبل اي حاجة..

برج الدلو عملياً

( الشغل والمذاكرة والتخطيط لبكرة ):

خليك مسالم وكيوت النهاردة احسن من اي حاجة تانية.. دور الشر مش لايق عليك وخصوصا الشر الفج الواضح العلني دة.. بلاش منه خالص بليز.. خليك على طبيعتك احسن

برج الدلو صحياً

( نفسيا وجسمانيا وكل مايخص طاسة المزاج ):

صحتك النهاردة مستقرة الي حد ما بس حاول تسعى تخليها احسن واحسن عشان تعرف تنبسط بتواجدك على كوكب الارض لأطول فترة ممكنة بدون منغصات.. انتا مهم لكوكب الارض جدا والله.. خد بالك من نفسك كويس

تعرف على توافق برج الدلو مع باقي الأبراج النهاردة:

متوافق مع الابراج الكستبانية والدخانية والمونوكرومية والمائية والنارية..

حظك اليوم برج الحوت دوت مصر
حظك اليوم برج الحوت دوت مصر

إعرف حظك اليوم برج الحوت بالتفصيل الجمعة 12/1/2018 مع عبدالله أحمد..

الحوت: من 19 فبراير إلى 20 مارس

برج الحوت عاطفياً

( الكراش والإكس والبوي فريند والجيرل فريند والجوز والزوجة والقرايب ):

إحسبها صح النهاردة كويس قبل ماتعمل اي حاجة تخص قلبك من قريب او من بعيد..

برج الحوت عملياً

( الشغل والمذاكرة والتخطيط لبكرة ):

عد مكاسبك ياجحا وبلاش تشغل نفسك بالسلبيات اللي ف حياتك.. عندك مميزات كتير فعلا تستاهل تفرح وتحتفل بيها النهاردة..

برج الحوت صحياً

( نفسيا وجسمانيا وكل مايخص طاسة المزاج ):

صحتك كويسة وتقدر تركب عجل النهاردة او تخرج تروح سينما او تقعد ع القهوة مع اصحابك..

تعرف على توافق برج الحوت مع باقي الأبراج النهاردة:

متوافق مع الابراج البسبوسية واللولبية والفهلوية والهوائية والبرمائية..