التوقيت الخميس، 28 مارس 2024
التوقيت 03:10 م , بتوقيت القاهرة

برج الحوت حظك اليوم الأحد 17/12/2017 ..إدي لمشاعرك شوية قيمة

برج الحوت
برج الحوت

تعرف على حظك اليوم ل برج الحوت مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم


حظك اليوم برج الحوت


حظك اليوم برج الحوت عاطفياً


( الكراش والإكس والبوي والجيرل فريند والجوز والزوجة والقرايب ):


 


متلعبش بالنار وترجع تشتكي.. نقي كويس تتعامل مع مين وليه وقيم مشاعرك ومتديهاش لأي حد معدي إلا لو انتا شايف انها ملهاش قيمة..ساعتها براحتك..جايز عندك حب مجاني للحاجات الغلط او للناس الغلط..جايز..انتا حر..


حظك اليوم برج الحوت عملياً 


( الشغل والمذاكرة والتخطيط لبكرة ):


 


حاول تبقى واقعي ومتغرقش ف شوربة الاحلام وانتا بتسقي فيها لأن ف الاخر مش هتقدر تضحك على الدنيا كلها زي ما بتعرف اوقات تضحك على نفسك وتقنعها بالغلط..هيفضل مهما حصل غلط برضة مهما عملت وهيفتن على نفسه..


حظك اليوم برج الحوت صحياً 


( نفسيا وجسمانيا وكل مايخص طاسة المزاج ):


 


إهتم بصحتك النفسية والعقلية النهاردة عشان عقلك ناوي يشتغلك الفترة اللي جاية دي بالجامد..خد بالك..


حظك الغذائي:


 


غذائيا النهاردة تقدر تتجه بقلب جامد لأي حاجة مشوية ف المشويات بشكل عام..فراخ مشوية او لحمة او خضار سوتيه او كوز درة او مارشميلو..براحتك..المهم تتلهي ف حاجة بدل ماترازي ف نفسك وف الناس النهاردة..


شعارك اليوم:


ضربني وبكى وسبقني ف الهشتكة..


لونك اليوم:


ميسيتك..


إعرف توافق برج الحوت مع باقي الأبراج النهاردة


متوافق مع الابراج البسبوسية واللولبية والفهلوية والهوائية..


من مشاهير برج الحوت


Angelababy برج الحوت



 


الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.


الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..


ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.


ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..


إفتكر الكلام دا وانت بتقرا حظك النهاردة وبكرة وكل يوم ياريت .. 


وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..


الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..


 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..


تحياتنا الدائمة.


اعلان حظك برج الحوت