تعرف على حظك اليوم ل برج الجدي مع الكاتب عبدالله أحمد وتأكد إنك سواء عجبك الكلام المكتوب هنا في برجك أو لأ ف انتا تقدر تصنع حظك اليوم بإيديك سواء اليوم أو كل يوم

حظك اليوم برج الجدي عاطفياً

( الكراش والإكس والبوي والجيرل فريند والجوز والزوجة والقرايب ):

اليوم مناسب لحبة لعب ودلع بس مش اكتر واللعب دة ممكن يكون ف اشكال كتير منها الحب او المذاكرة او الشغل..لأنك تقدر تحب اي حاجة من دول وانتا بتعملها بإستثناء المذاكرة اللي انتا مش مضطر اوي تحبها قد مانتا محتاج تبان بتحبها لحد ما تخلصها بس وتعدي وتنجح وبعد كدة تقدر تقعد معاها وتقولها انتي تستاهلي واحد احسن مني..

حظك اليوم برج الجدي عملياً 

( الشغل والمذاكرة والتخطيط لبكرة ):

من حقك تلعب ومن حقك تحب ومن حقك تتدلع ومتعملش اي حاجة النهاردة..بس خد بالك انه اللعب والحب والدلع ليهم تمن ف الحياة دي..مفيش حاجة ببلاش للأسف..مفيش

حظك اليوم برج الجدي صحياً 

( نفسيا وجسمانيا وكل مايخص طاسة المزاج ):

مرهق ومستهلك ودماغك مشتتة عشان مش عارف تنظم وقتك ووقت نومك وبتهمل ف الاكل اوقات بشكل جسيم.. حاول تنظم وقتك احسن من كدة حب لحد الفترة دي ماتعدي على خير..

حظك الغذائي:

صحتك محتاجة غذا كويس متنوع الوانه حلوة واصنافه كتير عشان تعرف تاخد طاقة تخلص بيها كل الحاجات اللي وراك..وحاول تبعد عن اكل الشارع ان امكن..

شعارك اليوم:

تجنب أن تكون غلبان في أي زمكان..

لونك اليوم:

روز..

إعرف توافق برج الجدي مع باقي الأبراج النهاردة

متوافق مع الابراج المرمرية والحنكوشية والمائية..

من مشاهير برج الجدي

الحظ هزار من الحياة.. مش أكتر.. ومحدش يملك معلومات كافية ولا بصيرة كافية ولا علم كافي عشان يقولك هتبقى النهاردة كويس أو لأ.. دا دايما متوقف على اختيارك وعلى مزاجك ومودك وظروفك لوحدك.

الحظ ممكن يكون موجود ممكن ميكونش موجود..القرار قرارك لوحدك ف حياتك وبس..بس لو اخترنا نشوفه وندور عليه كويس وبإهتمام هنشوف تأثيره في حياتنا طول الوقت ومنقدرش ننكره.. بنشوف ناس مبسوطة وناس لأ.. بنقول على المبسوط حظه حلو وبنتمنى نبقى حظنا من حظه ونبقى مبسوطين زيه وبنتمنى نملك الانبساط دا ونتحكم فيه .. ونستدعيه كمان وقت اللزوم زي جني المصباح..زي الأحلام.. وزي الأماني والخيالات الحلوة.. وقت الضيقة والخنقة والمشاكل والاحتياج اليومي للأمل ف بكرة أفضل وأروق وأجمل وألوانه أحلى..بنتمنى يكون في منطق واسباب للسعادة ممكن تتحط وتتكثف ف كلام بسيط وقريب..

ومن هنا بقى في توقعات الحظ اليومية بالاعتماد على حركة الكواكب ومواقع النجوم وعلم الفلك.. محدش ينكر إن كوكب الأرض كله واقع تحت تأثير حركة الكواكب المحيطة وخصوصاً القمر.

ولولا تأثيره مكانش بقى في حركة مد وجزر ومكانش الإنسان عرف يسافر بمراكب في البحر.. ولا كان الإنسان اتحرك من بلد لبلد برضه ف البر لو مكانش في مواقع للنجوم مميزة ف السما يقدر يعتمد عليها..

إفتكر الكلام دا وانت بتقرا حظك النهاردة وبكرة وكل يوم ياريت .. 

وتأكد إنك سواء عجبك الكلام المكتوب هنا في برجك أو لأ فانت تقدر تصنع حظك بإيديك سواء اليوم أو كل يوم..

الكلام المكتوب هنا دايما الغرض منه الفرفشة والدلع والمزاج الرايق بعلامات حلوة من الحياة محطوطة ف كلام وحبة مزيكا على مزاجك..

 تابعنا يومياً عشان تعرف حظك كل يوم ومتنساش.. كل دة مجرد هزار برئ ياريت متاخدوش على صدرك..

تحياتنا الدائمة.